-يـمه دور على خـوالك
-خـوالي!، عندي خَـوال!
-اي يمه بيـت الشيخ سبگـان بالنـاصريه روح لخوالك وكلهم امي ثــنوه دزتنـي عليكم
كلنه صفنه بوجه امي لان طول عمرنا ندري ما عدها اخوان وكـل شوي نسوان عمامي يعايرن بيها يكللها انتِ الشردتي ونهبج بمن اهلج!
اثـير:- وين الگاهم يمه ؟ منو كال يردونـا
-يردونك يمه ، ابـوي سـبگان ما يرد احـد ، اخذ ذهبي كله واطلع للناصريه اسأل ويدلونك علـيهم ومن تأمن رد اخذ خـواتك كلهن حتى ثـريا لا تعوفها
بس يبقن هنا كلهن يلحگن ثرى للمُستشفى
اثـير:- يمه اروحلج فدوه والعباس جاي تخوفيني ، امـوت وراج وحك الله اذا صـار بيج شي!
سكتت وما حچـت، دزت ثريا على الـذهب ، جان صيغه جنوبيه ضخمه كرسي جابـر وبتـوت وملاوي ضخام لزمتهن ومدتهن لـاثير
-هـذن هن المگومات بيت عمك عليها يمه، من شـردت ويه ابوك اخـذت ذهب بدون اذنـه
ورديت وراها لابوي رفضني وتبرى مني بس قبل لا اطلع اخذت منه ذهب بدون علمه صوغه امي وحك اخوتي الخمسه
وعمامك من دروا رادو ياخذوهن ، اخذهن وضمنهن ولووو شمـا يصير ما تنطيهن ذن ذمـه يمه
ثـريا:-يمه من انعل ابوووو الذهب شمريهن بوجهم وخلينا نخلص من شرهم فدوه يمه اروحلج فدوه
هزت امي راسها بالنفي:- الذهب لـو اعرفه يـخلص الشر انطي من زمان
بس نصـيره ما تريد ذهب
-چـا شتريد؟
-تريد روحي وروح خـلفتي
اثـير:- ليش؟
الحجيه:-طـول عمرها تكول انه المفروض بدالج ، وبدل لا ياخذها ابوكم خذاني اني ومن حقدها تزوجت اخو الاصغر منه حتى تسم عيشتنا وكالتها الي ليله عرسي
حـرام عليه اخليكم تتهنون ليله وحده وسـوتها.
ثـريا:-تسـويها يمه ، اكثد تسويها واخونـا الچبير واكف وياها
تنهدت امي وكملت:- جـبت اخـوكم ثائر وره تسع اشهر من زواجي
وگطعت عن الخلفه سنين طويله ووين ما تمشي تصيح عاجر عـايب ، كام رد الله رزقني بأثــير بـثريا وثرى
هم ضلت تصيح خلفتها كلها بنات،
وبعدين ثـراء الي خبلتـها ... ثراء اجت شايله ملامحي نفسها
الحواجب العيون ... منا بده حقـدها وبده شرها يزيد
اثير:- يمه والله اذبحها وما يرفلي جفت
الحجيه: ابعد عن الشر يمه، روح دور خوالك اخـذ خـواتك واشرد بيهن محد يندل بيت ابوي لا تعـوف خواتك
YOU ARE READING
السفاح "دماء خائنه"
Romanceمنذ الأزل، كان الدم عهدًا لا يُكسر، وسلسلةً لا تُفكّ... لكن القدر كتب أن تنقلب المعاني، وأن يتحوّل الدم إلى ماء، يسيل بلا ذاكرة ولا وفاء. أخوةٌ وُلدوا من رحمٍ واحد، فرّقتهم الخيانة قبل أن تفرّقهم الحــياة... هناك، في ظلّ الليل، ارتفعت يد الأخ على أخ...
Part 2
Start from the beginning
