-ليش؟
-ميقبل ثـائر يطب البيت الا يجيب ثرى وهو يكله حالتها مو زيـنه
يكله دضل يمها اشوف يا نـاقص يطببك البـيت
الحجـيه:-خـابري يجي اريده بحجايـه
ثريا:-خـاف يأذي ؟
-مـعليج خابري.
جابت تلفونها واتصلت بي كـلها شوي واجي، اباوع على الجـو بده يغيم شهر العـاشر بي امطار قويه كـلش ومزعجه ، رحت بيه ما بيه غسلت وسبحت طلعت مبتسمه لكيت ثـريا مبدله لامي وكاعده تظفر بشعرها
ثـريا:- اي حجيه هسه نزوجج، شني عذا الشهر والطول والحواجب الثخينه
الحجيه:- خلصت يمه
-لا خـلصت ولا شي بعدج شـباب صلاوات على النـبي همزين ورثتينا شي حلو لو ضالين على ابوي مـا نورث اي شي
ابتسمت امي:- ابوچن ورثكم كلكم اسمي وما قبل اجيب طفل واحد ما بـي حرف من حرف اسمي
-اي بــعد ثــنوه ، جان الحجي عاشگج
الحجيه؛- وعاشگكم وياي، جان يگلي اريد ثـريا تـصير طبيبه
وثــرى تصـير مهندسه ، وثــراء رقيقه ما تگدر على الشي الصعب اريدها تصير معلمه وازوجها لواحد يحبها لان تخاف من كـلشي
جفت علينا اثـير:- واثـير يمه ما يصير شي؟
باس ايدها وگعد بالكاع يم الكرسي مسحت على راسه وباسته بقوه هو غمضت عيونه مرتاح على رجليها نايـم
-گـالت ترديني يمه؟
الحجيه:- يمـه اريدك تدير بالـك على اخـواتك حطهن بـعيونك يـا يمه
عمامك ذيابه ونسـوانهم گايداتهم ، خليـك بوجه الدنيا ذيب ما تاكلك الجلاب
ثـريا:- يمه شلازمه هالحجي
الحجيه:- يـمه اني كبرت ومـو مثل قبل اكدر ارد الاذى عنكم هل تشوفون بضربه وحده وكعت
طفر اثير بسرعه:- منووو ضربج؟
-محد يمه محد ، ثريا تعاركت ويه عمتها واني فاككتهن ووگعدت
-يمههه
-وعيـونك يمه ما بيه شي اگعد، ثـريا
-ها يـمه
-يمه خـواتج امانه بـروحج خـليهن ، ثرى وثـراء بگلبج ضميهن
وصيري سبعه لا تخافـين
بجت ثريا ودارت ،لزمت امي شيلتها وخلتها على وجـها تبجي شبكها اثـير بكل قوته باسته بقوه
YOU ARE READING
السفاح "دماء خائنه"
Romanceمنذ الأزل، كان الدم عهدًا لا يُكسر، وسلسلةً لا تُفكّ... لكن القدر كتب أن تنقلب المعاني، وأن يتحوّل الدم إلى ماء، يسيل بلا ذاكرة ولا وفاء. أخوةٌ وُلدوا من رحمٍ واحد، فرّقتهم الخيانة قبل أن تفرّقهم الحــياة... هناك، في ظلّ الليل، ارتفعت يد الأخ على أخ...
Part 2
Start from the beginning
