مليكة : نوضي بنتي نفطرو توحشت جماعتك
اسية تبسمات : واخا نغسل وجهي ونجي
ناضت من بلاصتها بتقالة توجهت لحمام غسلات وجهها بلخف و خرجات دخلات لكوزينة لي كانت في گليسة متولة.. كانت مليكة وجدات لفطور علم حقو وطريقو
مليكة : جلسي نتي واقفا عليا كيلعسكري
اسية جرات لكرسي و جلسات حتا تسمعو دقات خفاف فلباب
اسية حركات راسها بشكون
مليكة هزات كتفها زعما معرفتش : خليك انا نفتح لباب
توجهات لجيهت لباب فتحاتو : نعام علامن كتسول
روبينيو: احم سلام خالتي كاينة اسية هنا
اسية غير سمعت صوتها طارت من بلاصتها مشات لعندها : روبينيو شنو كديري هنا
روبينيو: على سؤال كيداير جيت نشوفك
اسية : باش عرفتيني كاينة هنا
روبينيو غمزاتها : حتا حاجة مكتخفى عليا تكوني تحت لأرض نجبدك
مليكة: دخلي بنتي متبقايش واقفة فلباب.. لقيتينا يلاه انفطرو
روبينيو: ايتوب عليك اخالتي.. لقيتني كنتقطع بجوع
اسية شدات روبينيو من دراعها : اجي اجي احبي توحشتك
روبينيو : وا صافي رخي مني مغنهربش
اسية: تفو لأحاسيس عندك منعدمة
مليكة كبات ليهم اتاي حطات قدامهم : شكرا اخالتي
مليكة: باينة دايرا ليكم صداع بنتي وانا كنعرفها لي فيها مامهنيها
روبينيو ضحكات : ههه صراحة اه كطير معا طيور
مليكة قرساتها : ياك بنت لحرام مزوجة وباقي فيك تبرهيش
اسية: اااح را مكندير والو.. روبينيو والله لا بقات فيك
روبينيو: ههههه صافي خالتي دابا دير عقل
أسية حنكها عامر بلخبز: بحالا نتي عندك لعقل
روبينيو جغمات من كاي داتاي : مرة مرة كيطير ليا هههه
اسية خوات فمها و همسات ليها : شنو خبار ريهام
روبينيو صغرات فيها عينيها مكرهاتش طلاح عليها تعضها : تزوجات لبارح احبيبة بسي نزار خوي راسك
اسية تنهدات مكرهاتش كون كانت معاها ففرحها و تحضر لزواجها : اه الله يسهل عليها
روبينيو وقفات : خاصني نمشي عندي مايدار جيت نطمئن عليك ونشوف حالك
مليكة: بنتي جلسي مزال نهار طويل
روبينيو: مرة اخرا اخالتي
سيفطات ليها بوسة في لهوا و مشات
اسية نطقات بجهد : روبينيو دوزي عندي فليل
YOU ARE READING
الحرب الباردة 🌬❄️
Actionاشنو غادي يوقع الى جوج بنات تحولو ثانوية كتبان اكتر من عادية ولكن مخبيين فيها المافيا على هيأت أساتذة وطلاب ☠️🔥
