قصص💜✨:
ﻃﻮﻝ ﺍﻟﻄﺮﻳﻖ ﺍﺑﺠﻲ ﻭﺍﺩﻋﻲ ﺍﺑﻨﻲ ﻣﺎﺑﻲ ﺷﻲ ..
ﺍﺧﺮ ﺷﻲ ﺣﺴﻴﺖ ﻣﺪﺭﻱ ﺷﻨﻮ ﻭﮔﻊ ﻋﻠﻴﻪ ..
ﺯﺍﺩ ﺍﻋﻴﺎﻃﻲ ﻭﺧﻮﻓﻲ ..
ﻳﻮﺳﺴﺴﻒ ﺑﺴﺮﺭﺭﺭﻋﺔ ..
ﻳﻮﺳﻒ .. ﺍﻫﺪﻱ ﺣﺒﻴﺒﺘﻲ ﻭﺍﻟﻠﻪ ﻣﺎﺍﺷﻮﻑ ﺑﻌﺪ ﮔﺪﺍﻣﻲ ..
ﺩﺭﺓ .. ﻻ ﻳﺮﺑﻲ ﻛﻠﺸﻲ ﻭﻻﺍﺑﻨﻲ ﻻﺍﺍﺍ ..
ﻭﺻﻠﻨﺎ ﻳﻢ ﺍﻟﻤﺴﺘﺸﻔﻰ ﺷﻤﺮ ﺍﻟﺴﻴﺎﺭﺓ ﺑﺎﻟﺒﺎﺏ ﻭﺍﺟﺔ ﻳﻨﺰﻟﻨﻲ .
ﺍﺟﺔ ﺍﻟﺸﺮﻃﻲ ﺍﻟﻲ ﺑﺎﻟﺒﺎﺏ ..
ﻣﺎﻳﺼﻴﺮ ﺧﻮﻳﻪ ﺍﺳﺤﺐ ﺳﻴﺎﺭﺗﻚ ﻣﻨﺎ ..
ﻳﻮﺳﻒ .. ﻭﻳﻦ ﺍﺳﺤﺒﻬﺎ ﻣﺎﺗﺸﻮﻑ ﺣﺎﻟﺘﻬﺎ ﻛﻠﺸﻲ ..
ﺍﻟﺸﺮﻃﻲ .. ﻫﺎﻱ ﺍﻭﺍﻣﺮ ﻣﺎﻟﻲ ﻋﻼﻗﻪ ..
ﻳﻮﺳﻒ .. ﻉ ﺍﻻﻗﻞ ﺧﻠﻲ ﺍﺩﺧﻠﻬﺎ ﻭﺍﺟﻲ ..
ﺍﻟﺸﺮﻃﻲ .. ﺻﻴﺤﻠﻚ ﻋﺎﻣﻠﻪ ﺗﺎﺧﺬﻫﺎ ﺑﺎﻟﻌﺮﺑﺎﻧﻪ ..
ﻳﻮﺳﻒ .. ﺍﻧﺖ ﻣﻄﻲ ﻣﺘﻤﺪﺩ ﺑﻌﻘﻠﻚ ﺟﺎﻱ ﺍﮔﻠﻚ ﺣﺎﻟﺘﻬﺎ ﻛﻠﺶ ﻭﺍﺑﻨﻲ ﺭﺍﺡ ﻳﻤﻮﺕ ..
ﺩﻓﻌﻪ ﻭﺭﺍﺩ ﻳﺪﺧﻠﻨﻲ ..
ﺍﻟﺸﺮﻃﻲ ﻋﺎﻧﺪ ﻭﻳﻮﺳﻒ ﮔﺎﻡ ﻳﺼﻴﺢ ..
ﻫﻤﺰﻳﻦ ﺍﺟﺔ ﺧﺎﻟﻮ ﻣﺮﺯﺍ ﺑﺎﻟﻮﻗﺖ ﺍﻟﻤﻨﺎﺳﺐ ..
ﻧﺰﻝ ﺑﺴﺮﻋﻪ .. ﺷﺒﻴﻚ ﻭﻳﺎﻩ ﻣﺘﺸﻮﻑ ﻣﺮﺗﻪ ﺣﺎﻟﺘﻬﺎ ﺻﻌﺒﻪ .
ﺍﻟﺸﺮﻃﻲ . ﺳﻴﺎﺭﺗﺔ ﻳﺴﺤﺒﻬﺎ ﻣﻨﺎ ﻟﻮ ﻣﻦ ﺍﻟﺒﺪﺍﻳﻪ ﻣﺎﻣﻌﺎﻧﺪ ..
ﻣﺮﺯﺍ .. ﺍﺗﺮﻛﺔ ﻳﺮﻭﺡ ﺍﻧﻲ ﺍﺳﺤﺒﻬﺎ .. ﺍﻭﻻ ﻫﻮ ﻗﺎﺿﻲ ﺑﺎﻟﻤﺤﻜﻤﺔ ﻭﻳﻌﺮﻑ ﺍﻟﻘﻮﺍﻧﻴﻦ ﻟﻮ ﻣﺎ ﻣﺮﺗﺔ ﺑﺤﺎﻟﺔ ﺻﻌﺒﻪ ..
ﺍﻟﺸﺮﻃﻲ .. ﺍﺳﻒ ﺳﻴﺪﻱ ﺗﻔﻀﻞ ..
ﻳﻮﺳﻒ .. ﻫﺴﺎ ﺭﺍﺟﻌﻠﻚ ..
ﺍﻧﻲ ﺍﺻﻴﺢ ﻣﻦ ﺍﻻﻟﻢ ﻭﻫﺬﺍ ﻣﻌﺎﻧﺪ ..
ﺍﺟﺖ ﺍﻟﻌﺎﻣﻠﻪ ﺟﺎﺑﺘﻠﻲ ﻛﺮﺳﻲ ﻭﺧﺎﻟﻪ ﻭﻳﺎﻱ ..
ﻳﻮﺳﻒ .. ﺭﻭﺣﻦ ﮔﺪﺍﻣﻲ ﻫﺴﺎ ﺍﺟﻲ ..
ﺭﺟﻌﺖ ﺷﻔﺖ ﺍﺑﻮﻱ ﺩﺧﻞ ﺍﻟﺴﻴﺎﺭﺓ ﻟﺠﻮﺓ .
ﺍﻟﺸﺮﻃﻲ ﺷﺎﻓﻨﻲ ﻳﻤﺘﻤﺖ ..
ﻳﻮﺳﻒ .. ﺷﻔﺘﻨﻲ ﺑﺪﺷﺪﺍﺷﻪ ﻭﺣﺎﻟﺘﻲ ﺣﺎﻟﻪ ﺑﺴﺒﺐ ﻣﺮﺗﻲ ﮔﻤﺖ ﺗﻤﺴﻠﺖ ﻭﺗﻐﻠﻂ ..
ﻭﻟﻚ ﺷﻮﻛﺖ ﺗﺒﻄﻠﻮﻥ ﺳﺎﻟﻔﻪ ﺍﻟﻤﺤﺴﻮﺑﻴﻪ ﻭﺍﻟﻌﺮﻑ .
ﻳﻌﻨﻲ ﻟﻮ ﺟﺎﻳﻚ ﻭﻳﺎﻱ ﺣﻤﺎﻳﺘﻲ ﺟﺎﻥ ﺭﺣﺒﺖ ﻭﻓﺘﺤﺘﻠﻲ ﺍﻻﺑﻮﺍﺏ
ﺧﻠﻮ ﻋﻨﺪﻛﻢ ﺍﻧﺴﺎﻧﻴﺔ ﺷﻮﻳﻪ ..
ﺍﻟﻲ ﺟﺎﻱ ﻫﻨﺎ ﻣﺎﺟﺎﻱ ﻳﺘﻮﻧﺲ ﻟﻮ ﻋﻨﺪﺓ ﻣﺮﻳﺾ ﻟﻮ ﮔﻠﺒﻪ ﻣﺤﺮﻭﮒ ﻋﻠﻰ ﺍﺣﺪ ..
ﻣﺮﺯﺍ .. ﻳﻠﻪ ﻳﺎﺑﻪ ﺍﻣﺸﻲ ﺍﻟﻤﺮﺗﻚ ﻣﺎﺻﺎﺭ ﺷﻲ ..
ﺭﺟﻌﺖ ﺍﻟﺪﺭﺓ ﻭﺑﺎﻟﻲ ﻳﻤﻬﺎ ﻭﻋﺼﺒﻲ ﻭﻫﺬﺍ ﻓﻮﺭ ﺩﻣﻲ ﺍﻛﺜﺮ ..
ﺩﺭﺓ .. ﺣﻮﻟﺘﻨﻲ ﺍﻟﺪﻛﺘﻮﺭ ﺍﻟﺼﺎﻟﻪ ﺍﻟﻮﻻﺩﺓ ..
ﺭﺣﺖ ﻭﺍﺑﺠﻲ ﻣﻦ ﺍﻟﺨﻮﻑ ..
ﻟﺰﻣﺖ ﺑﺈﻳﺪ ﺧﺎﻟﻪ ﻭﺍﺑﺠﻲ ..
ﺍﻟﻤﻤﺮﺿﺎﺕ ﻣﺎﻗﺒﻠﻦ ﻳﺪﺧﻠﻨﻬﺎ ..
ﺷﺎﻟﺘﻠﻬﻦ ﻛﻞ ﻭﺣﺪﺓ ﺧﻤﺴﺔ ﺩﺧﻠﻨﻬﺎ ﻭﻳﺎﻱ ..
ﺷﺎﻓﺖ ﺍﻟﺪﻛﺘﻮﺭﺓ ﺍﻟﻨﺒﺾ ..
ﮔﺎﻟﺖ ﻣﺎﻛﻮ ﻧﺒﺾ .
ﺧﺒﻠﺘﻨﻲ ﻭﮔﻤﺖ ﺍﺑﺠﻲ ..
ﺍﻟﺪﻛﺘﻮﺭﺓ .. ﺍﺣﺘﻤﺎﻝ ﻣﻨﻔﺼﻠﻪ ﺍﻟﻤﺸﻴﻤﺔ ﻭﺑﻬﺬﻱ ﺍﻟﺤﺎﻟﻪ ﻣﺎﻳﻌﻴﺶ ﺍﻟﻄﻔﻞ ..
ﺧﺎﻟﺔ .. ﺷﻠﻮﻥ ﻭﻟﻴﺶ ﻫﻴﺞ ﺻﺎﺭ ﻫﻲ ﻣﺎﺻﺎﺭﻟﻬﺎ ﺍﺳﺒﻮﻉ ﻣﺮﺍﺟﻌﻪ ﻟﻠﺪﻛﺘﻮﺭﺓ ﻭﻣﺎﺑﻴﻬﺎ ﺷﻲ .. ﻓﺠﺄﺓ ﺻﺎﺭﺕ .
ﺍﻟﺪﻛﺘﻮﺭﺓ .. ﺍﺣﺘﻤﺎﻝ ﺿﻐﻂ ﺍﻭ ﻋﻼﺝ ﻣﺄﺛﺮ ﻋﻠﻴﻬﺎ ..
ﺩﺭﺓ .. ﻭﺍﻟﻠﻪ ﻣﺎﺍﺧﺬ ﺍﻱ ﺷﻲ ﻏﻴﺮ ﺍﻟﻲ ﺗﻜﺘﺒﻪ ﺍﻟﺪﻛﺘﻮﺭﺓ ..
ﺍﻻﻟﻢ ﻣﻮﺗﻨﻲ ﻭﺑﻌﺪ ﻣﺎﺍﺗﺤﻤﻞ ﻭﺍﻧﻲ ﻣﺨﻠﻴﻨﻲ ﺗﺤﺖ ﺍﻟﻤﺮﺍﻗﺒﻪ ﻭﺑﻠﻜﻲ ﻳﻌﺪﻱ ﻭﻳﺒﻴﻦ ﻧﺒﺾ ..
ﺍﺣﺲ ﺭﻭﺣﻲ ﺗﻄﻠﻊ ﻣﻦ ﺍﻻﻟﻢ ..
ﻟﻠﻔﺠﺮ ﺑﻌﺪ ﻛﻠﺶ ﻣﺎﺍﺗﺤﻤﻠﺖ .
ﻭﺍﺣﺲ ﺭﺍﺡ ﻳﻐﻤﻰ ﻋﻠﻴﻪ ..
ﻭﮔﻤﺖ ﺍﻧﺰﻑ ..
ﺧﺎﻟﺔ ﮔﺎﻣﺖ ﺗﺼﻴﺢ ﻭﻟﻜﻢ ﺍﻟﺒﻨﻴﻪ ﻣﺎﺗﺖ ﻭﺗﺨﺮﻣﺶ ﺑﺨﺪﻭﺩﻫﺎ .
ﺍﺣﺲ ﺟﺴﻤﻲ ﻛﻠﻪ ﻋﺮﮒ ﺭﻏﻢ ﺑﺮﺩﺕ ﻭﺍﺭﺟﻒ ..قصص عراقيه حقيقيه من واقعنا.روعه الطائي
ﺑﻌﺪ ﻣﺎﺷﻔﺖ ﺑﻌﻴﻨﻲ ﺷﻲ
ﺻﺤﻴﺖ ﻣﺨﻠﻴﻨﻲ ﺑﺎﻟﻄﻮﺍﺭﺉ ..
ﻭﺧﻠﻴﻠﻲ ﻣﻐﺬﻱ ﻭﺩﻡ ..
ﺍﺣﺲ ﺣﻠﮕﻲ ﻧﺎﺷﻒ ..
ﮔﻠﺖ ﻣﻲ .
ﺟﺎﺏ ﻳﻮﺳﻒ ﺍﻟﻤﻲ ﻭﻳﺸﺮﺑﻨﻲ ..
ﺑﺎﻭﻋﺘﻠﻪ .. ﺍﺑﻨﻲ ﺷﻠﻮﻧﺔ .
ﻭﺟﻬﺔ ﺗﻐﻴﺮ ﻭﻋﻴﻮﻧﻪ ﺻﺎﺭﻥ ﺩﻡ .. ﺍﻟﻤﻬﻢ ﺍﻧﺘﻲ ﺑﺨﻴﺮ ﺣﺒﻴﺒﺘﻲ ﺍﻟﻠﻪ ﻳﻌﻮﺿﻨﺎ ..
ﺗﺨﺒﻠﺖ .. ﻻ ﻟﺘﮕﻮﻝ ﻫﻴﺞ ﺍﺑﻨﻲ ﻣﺎﺑﻲ ﺷﻲ ﻭﺍﻟﻠﻪ ﻟﻴﺶ ﺭﺍﺡ ﻣﻨﻲ ﻟﻴﺶ ..
ﺧﺎﻟﻪ .. ﺍﺳﺘﻐﻔﺮﻱ ﺭﺑﺞ ﺣﺒﻴﺒﺘﻲ ﻫﺬﺍ ﻗﺪﺭ ﺍﻟﻠﻪ .. ﺍﻟﻲ ﺍﺧﺬﺓ ﻣﻨﺞ ﻳﻌﻮﺿﺞ ..
ﺍﺣﺲ ﻛﺮﻫﺖ ﺍﻟﺪﻧﻴﺎ ﻛﻠﻬﺎ ﻣﻦ ﻓﻘﺪﺗﺔ ..
ﺟﻨﺖ ﻛﻞ ﻳﻮﻡ ﺍﺳﻮﻟﻒ ﻭﻳﺎﻩ ﻭﺍﺣﺲ ﻧﻔﺴﻲ ﻣﻠﻜﺖ ﺍﻟﺪﻧﻴﺎ ﺑﻲ ﻟﻴﺶ ﻳﺎﻣﺎﻣﺎ ﻋﻔﺘﻨﻲ ﻟﻴﺶ ..
ﻟﻴﺶ ﻳﺎﺍﻟﻬﻲ .. ﻫﻴﺞ ﺍﻻﻣﻮﻣﺔ ﻣﺎﻻﻳﮕﺔ ﻋﻠﻴﻪ ﻭﺍﺧﺬﺗﺔ ﻟﻴﺶ ..
ﺩﺧﻠﻮﺍ ﺍﻣﻴﺮ ﻭﺳﺪﻥ ..
ﺷﻔﺖ ﺍﻣﻴﺮ ﻃﮕﻴﺖ ﺑﺠﻲ .. ﺍﺗﻘﺮﺏ ﻭﻗﺮﻓﺺ ﻳﻤﻲ ﺣﻀﻨﻲ ﻭﻳﻤﺴﺢ ﺑﺪﻣﻮﻋﻲ ..
ﺍﻣﻴﺮ .. ﻻﺗﺒﺠﻴﻦ ﻳﺮﻭﺣﻲ .. ﺍﻟﻠﻪ ﻳﻌﻮﺿﺞ ﺍﻥ ﺷﺎﺀ ﺍﻟﻠﻪ . ﻧﺴﻴﺘﻲ ﺍﺣﻨﻪ ﻫﻢ ﺳﺪﻥ ﺳﻘﻄﺖ ﻃﻔﻞ ﻭﺍﻟﻠﻪ ﻋﻮﺿﻨﺎ ..
ﺑﻌﺪﺝ ﺻﻐﻴﺮﺓ ﻭﺍﻟﻌﻤﺮ ﮔﺪﺍﻣﺞ ..
ﺳﺪﻥ .. ﻳﻌﻤﺮﻱ ﻻﺗﻨﻘﻬﺮﻳﻦ .. ﻛﻠﺸﻲ ﺑﺄﺭﺍﺩﺓ ﺍﻟﻠﻪ ..
ﺩﺭﺓ .. ﻻ ﻳﻤﻜﻦ ﺍﻟﻠﻪ ﻋﺎﻗﺒﻨﻲ ﺟﻨﺖ ﺍﮔﻮﻝ ﻣﺎﺍﺭﻳﺪ ﻫﺴﺎ ﻟﻤﻦ ﺍﻛﻤﻞ .. ﺑﺲ ﻭﺍﻟﻠﻪ ﻣﻦ ﺣﺴﻴﺖ ﺑﻲ ﺑﺪﺍﺧﻠﻲ ﻭﻛﺒﺮﺕ ﺑﻄﻨﻲ ﻭﮔﺎﻡ ﻳﻨﺒﺾ ﺑﺪﺍﺧﻠﻲ ..
ﺗﻌﻠﻘﺖ ﺑﻲ ﻭﺍﻧﺘﻀﺮ ﻳﻮﻡ ﻳﻮﻡ ﻳﺠﻲ ..
ﻫﺪﺃﻧﻲ ﺍﻣﻴﺮ .. ﻭﻳﻮﺳﻒ ﻣﺎﻳﺤﺠﻲ ﻣﺘﻜﻲ ﻉ ﺍﻟﺤﺎﻳﻂ ﻭﺿﺎﻳﺞ ﺍﺩﺭﻱ ﺑﻲ ﻣﻘﻬﻮﺭ ﺑﺲ ﻣﺎﻳﮕﺪﺭ ﻳﺒﻴﻦ ﺷﻲ ﺍﻟﻲ ..
ﺍﻣﻴﺮ .. ﻟﻴﺶ ﻣﺨﻠﻴﻠﻬﺎ ﺩﻡ ﻭﺷﮕﺎﻟﺖ ﺍﻟﺪﻛﺘﻮﺭﺓ ..
ﺧﺎﻟﻪ .. ﻧﺰﻓﺖ ﻫﻮﺍﻱ ﻣﺎﮔﺪﺭﻭﺍ ﻳﺴﻴﻄﺮﻭﻥ ﻋﻠﻴﻬﺎ ﺍﻟﻠﻪ ﺳﺘﺮ ﺯﻳﻦ ﻣﺎﺻﺎﺭ ﺑﻴﻬﺎ ﺷﻲ .
ﺳﺪﻥ .. ﻳﻤﺔ ﺍﺳﻢ ﺍﻟﻠﻪ ﻣﺎﮔﺎﻟﻮ ﺍﻟﺴﺒﺐ ..
ﺧﺎﻟﻪ .. ﺷﻤﺪﺭﻳﻨﻲ .. ﺷﻮ ﻭﺣﺪﺓ ﺗﮕﻮﻝ ﺿﻐﻂ ﻣﺮﺗﻔﻊ ﻭﻭﺣﺪﺓ ﺗﮕﻮﻝ ﻣﻦ ﺍﻟﻌﻼﺟﺎﺕ ﻭﻣﺎﻧﻌﺮﻑ ﺷﻨﻲ ﺍﻟﺴﺎﻟﻔﻪ ..
ﻳﻮﺳﻒ .. ﺧﻠﻲ ﺗﺼﻴﺮ ﺯﻳﻨﻪ ﻣﺎﺍﺧﻠﻴﻬﺎ ﻫﻨﺎ ﺍﺧﺬﻫﺎ ﺍﻟﺒﻐﺪﺍﺩ ﻭﺍﺳﻮﻳﻠﻬﺎ ﺗﺤﺎﻟﻴﻞ ﻭﻛﻞ ﺍﻟﻐﺤﻮﺻﺎﺕ ..
ﻟﻠﻌﺼﺮ ﻭﻗﻌﻨﺎ ﻉ ﻣﺴﺆﻭﻟﻴﺘﻨﺎ ﻭﻃﻠﻌﻨﺎ ﻣﺎﺍﺗﺤﻤﻞ ﺍﻟﻤﺴﺘﺸﻔﻰ ﻭﺭﻳﺤﺘﻬﺎ ..
ﻃﻮﻝ ﺍﻟﻄﺮﻳﻖ ﻭﺍﻧﻲ ﺍﺳﺄﻝ ﻧﻔﺴﻲ ﻟﻴﺶ ﻫﻴﺞ ﻟﻴﺶ ﻓﻘﺪﺗﺔ ﻭﺍﻧﻲ ﻣﺤﺎﻓﻈﺔ ﻋﻠﻴﻪ ﺑﺮﻭﺣﻲ ..
ﺍﺟﻴﺖ ﻭﻫﻮ ﺑﺪﺍﺧﻠﻲ ﻭﻃﻠﻌﺖ ﺑﻄﻨﻲ ﻓﺎﺭﻏﻪ ..
ﺳﺎﻟﺖ ﻳﻮﺳﻒ .. ﻭﻳﻦ ﻭﺩﻳﺘﻮﻩ ..
ﻳﻮﺳﻒ .. ﺍﺧﺬﻧﺎﻩ ﺍﻧﻲ ﻭﺍﻣﻴﺮ ﺩﻓﻨﺎﻩ ﻭﺍﺟﻴﻨﺎ ﻻﻥ ﺟﺒﻴﺮ ﻭﻛﺎﻣﻞ
ﺗﻨﻬﺪﺕ ﻭﺩﻣﻮﻋﻲ ﺗﻨﺰﻝ ﻭﺣﺪﻫﺎ .
ﻣﺎﺻﻮﺭﺗﻪ ﺍﻟﻲ ..
ﻳﻮﺳﻒ .. ﺷﺼﻮﺭﺓ ﺣﺒﻴﺒﺘﻲ ﺍﻧﺴﻲ ﻛﺎﻓﻲ ﮔﺘﻠﺞ ﺍﻟﻠﻪ ﻳﻌﻮﺿﻨﺎ ﻻﺗﺴﻮﻳﻦ ﺑﻨﻔﺴﺞ ﻫﻴﺞ ﻭﺗﺄﺫﻳﻨﻲ ..
ﺧﺎﻟﻪ .. ﻛﺎﻓﻲ ﻳﻤﺔ ﺭﺍﺡ ﺗﻤﻮﺗﻴﻦ ﺭﻭﺣﺞ .. ﺟﺎ ﺍﻧﻲ ﺷﺄﮔﻮﻝ ﺍﺟﻴﺒﻬﻢ ﺑﺸﻬﺮ ﺍﻟﺘﺎﺳﻊ ﻭﻛﺎﻣﻠﻴﻦ ﻭﺷﻜﺒﺮﻫﻢ ﻭﻳﻤﻮﺗﻮﻥ ﻭﺑﻼ ﺳﺒﺐ ..
ﺩﺭﺓ .. ﻭﺷﻠﻮﻥ ﮔﺪﺭﺗﻲ ﺗﺘﺤﻤﻠﻴﻦ .. ﻟﻮ ﺍﻧﻲ ﺍﻣﻮﺕ
ﺧﺎﻟﻪ .. ﻻ ﻳﻤﺔ ﺍﺳﻢ ﺍﻟﻠﻪ . ﺍﻟﻠﻪ ﻻﻳﺮﺍﻭﻳﺞ ﺍﻟﻲ ﺷﻔﺘﻪ . ﻣﺎﺧﻠﻴﺖ ﺳﺎﺩﺓ ﻭﻻﺩﻛﺎﺗﺮﺓ ..
ﺑﺲ ﻭﺭﻯ ﻳﻮﺳﻒ ﺍﺛﻨﻴﻦ ﺭﺍﺣﻮﺍ ﻳﻠﻪ ﺍﺟﺘﻨﻲ ﺳﺪﻥ . ﻭﺧﺎﻟﺞ ﮔﺎﻝ
