Rajgharana

Part 13

Hospital ke emergency gate par gaadi rukti hai. Ratan turant gaadi se utarta hai, uski baahon mein behosh Pallavi thi. Uski saansen theek thi, lekin chehra zyada hi feeka pad gaya tha. Uska haath, jahan khanjar laga tha, abhi bhi lahu se bhigaa hua tha. Ratan ke kadam tezi se hospital ke andar badhe.

"Doctor! Doctor!" Ratan zor se chillata hai. "Emergency hai! Jaldi!"

Doctors turant Pallavi ko stretcher par le jaate hain. Ratan unke saath-saath chalta hai lekin nurses usse rokti hain.

"Sir, please aap bahar wait kijiye. Humein unka treatment karne dijiye."

Ratan thoda gussa karta hai, par abhay andar aate hue ratan ko samjhate hue kaha, "Bhai, unhe karne do. Hum sab yahin hain."

Tej bhi waha aa chuka tha. Ratan un dono ke saath hospital ke waiting area me baith jaata hai. Uski aankhon me bechaini thi. Har second jaise saalon jaisa lag raha tha.

Kuch samay baad ek doctor bahar aata hai. Uske haath me clipboard hota hai.

"Hukumsa," doctor ne sambodhit kiya, "Rani sa bilkul theek hai. Bas unhe ek gehra emotional shock laga hai, jiske wajah se woh behosh ho gayi thi. Khanjar ne unke haath ko zyada damage nahi pahuchaya, humne us par dressing kar di hai."

Ratan ne bechaini se poocha, "Main unhe kab mahal le ja sakta hoon?"

Doctor ne halke muskaan ke saath kaha, "Aap unhe le ja sakte hain. Bas dhyan rakhiye ki unki mental health pe farak na pade. Maine unhe ek mild sedative diya hai, jisse unhe kuch hi der me hosh aa jaayega. Unhe jo khana ho, wo kha sakti hain."

Ratan doctor ka shukriya ada karke paperwork complete karta hai aur phir Pallavi ko carefully le jaata hai. Gaadi mein usse apne seene se lagaye rakhta hai jaise usse kabhi alag nahi hone dega. Mahal pahuchte hi sabhi log pareshan nazar aate hain.

Dadi sa, Maa sa, chachi sa, Aryan aur Nandini sab hall me baithe hue chintit the. Pallavi ki halat dekh sabki aankhon me aansu aa gaye.

Ratan Pallavi ko sidha unke kamre me le jaata hai, use aram se bed par sulata hai, uski chaadar theek karta hai. Phir khud fresh hone chala jaata hai, lekin uska man wahi pada hota hai.

Thodi der baad Ratan wapas aata hai aur Pallavi ke bed ke paas bed par baith jaata hai. Uske chehre par thakan aur fikr dono saaf nazar aa rahe the. Usne apna haath Pallavi ke haath par rakha aur dheere se uska chehra dekhta raha.

Shaam dhal chuki thi. Kamra ek madham si roshni se roshan tha. Tabhi Pallavi ki aankhen dheere dheere khulne lagti hain. Uski palkein bhari hui thi, lekin usne saamne dekha toh Ratan ko apne paas sote hue paaya. Uska haath ab bhi Pallavi ke haath par tha.

Pallavi ne apni aankhen pura khola aur baithe baithe ek lamba saans liya. Achanak usse sab kuch yaad aane laga - Rahul ki dhokebaazi, uska apna gussa, aur us pal goli chalana. Ratan par hua vaar... sab kuch jaise uske zehen me zor se ghoom gaya.

Pallavi ke aansu nikalne lage. Uska dil guilt aur dar dono se bhar gaya. Usne Ratan ke chehre ki taraf dekha - ek aisa chehra jo usne har roz dekha tha, lekin kabhi samjha nahi. Uski aankhen phir se bhar gayi. Apne aap ko rok nahi paayi.

"Hukumsa..." usne halki si awaaz me kaha.

Ratan turant jaag gaya. Usne dekha Pallavi jaag chuki hai, aankhon me aansu liye.

"Princess! Tumhe hosh aa gaya? Tum theek ho na?" usne uske paas aake uska haath pakad liya.

Pallavi uski aankhon me dekhti hai, phir bina kuch soche uske gale lag jaati hai.

"Mujhse galti ho gayi hukumsa... maine aapko samjha hi nahi... aapke pyar ko samjha hi nahi... Rahul... Rahul mera dost tha, lekin aap toh meri jaan ho. Maine gusse me sab kuch bigaad diya..."