ယုန်ပေါက်လေး လန့်နေလိုက်တာများ နားရွက်လေးတွေတောင် အောက်ကျနေပြီ သနားစရာလေးကွာ ။
" ဒီနေ့ရဲ့ ထုတ်ကုန်ပြပွဲက အရမ်းအရေးကြီးတယ် နင် comeback လုပ်ပြီး ပထမဆုံးလက်ခံရတဲ့ endorsement (ထောက်ခံချက်) ကြီးလို့ပြောလို့ရတယ် ရှောင်ယန် နင်ဇာတ်ညွှန်းကို သေချာလေးဖတ်မှဖြစ်မယ်နော် အထူးသဖြင့် ဘရန်းနာမည်နဲ့ ထုတ်ကုန်ရဲ့နံပါတ်တွေ ယောင်လို့တောင် မှားပြောလို့မရဘူးနော် "
မန်နေဂျာက A4 နှစ်မျက်နှာပါစာရွက်ကို ထူယန့်လက်ထဲ ထိုးထည့်ပေးလာ၏။ ထို့နောက် မိတ်ကပ်ဆရာနဲ့ လက်ထောက်ကို လောဖို့အတွက် လှည့်သွားတော့သည်။
ထူယန် သာမန်ကာလျှံကာ နှစ်ချက်လောက်ပဲလှန်ကြည့်လိုက်သည်။ အစကတော့ သူ တကယ်ကိုဂရုမစိုက်ခဲ့ပေမယ့် မျက်လုံးထောင့်ကနေ ရင်းနှီးတဲ့နာမည်တစ်ခုက သူ့လက်တွေကို ရပ်တန့်သွားစေသည်။
ကုချောင်ချိန်။
" မဟုတ်လောက်ပါဘူး.... "
ထူယန် ချက်ချင်းခေါင်းကိုက်လာသလိုပင်။ မန်နေဂျာကိုခေါ်လိုက်ပြီး စစ်မေးကြည့်လိုက်သည်။
" ဒါက ဟွာရှန့်ရဲ့ ထုတ်ကုန်သစ်ပြပွဲလား "
မန်နေဂျာက အမေးခံလိုက်ရတာကို ကြောင်သွားပြီး
" ဟုတ်တယ်လေ ဘာဖြစ်လို့လဲ "
" ဒါဆို ကုချောင်ချိန်လည်း လာမှာလား "
" လာမှာလေ သူတာဝန်ရှိသူပဲကို နင့်ဘေးမှာထိုင်မှာလေ "
ထူယန် အသံတိတ်ဆဲလိုက်မိသည်။ မန်နေဂျာက ကြောင်အနေပြီး
" နင်နဲ့ ဥက္ကဌကုကြား ပြဿနာရှိလို့လား "
ထူယန် လက်ခါပြလိုက်ပြီး ပါးစပ်ထဲရှိတာပြောလိုက်သည်။
" ဘာမှမဟုတ်ပါဘူး ကြားဖူးတာ သူက စိတ်ဆတ်တယ်ဆိုလားလို့ "
မန်နေဂျာက ရယ်လိုက်ပြီး
" လန့်သွားတာပဲ ငါထင်လိုက်တာ ကိစ္စကြီးတစ်ခုများရှိနေတာလားလို့ ဒါပေမယ့် သူက ရှူးဂါးဒယ်ဒီလေ တကယ်လို့ သူက စိတ်ဆတ်တဲ့သူဆိုရင်တောင် နင် သူ့ကို သွားပြီးမကျေနပ်လို့မရဘူး အိုခေ အဲ့လိုဆို နင် ခဏလောက်ထပ်ကြည့်လိုက်ဦး ပြီးရင် မိတ်ကပ်ဆံပင်ပြင်တော့နော် ပြပွဲက သုံးနာရီဆိုရင်စမှာ "
ESTÁS LEYENDO
ရှန့်ရှီကျန့်ယုံ - အချိန်အကန့်အသတ်ဖြင့် ပိုင်ဆိုင်ခြင်း (ဘာသာပြန်)
Romance杳杳一言 ရေးတဲ့ Time-Limited Possession ပါ။ သာမန်လူပါ။ စာတွေလိုက်ဖတ်ပြီး ကွန်မန့်မှာအောနေကျလူလေးပါ။ အဲ့လိုလူရဲ့အကောင့်လေးကနေ အားနာနာနဲ့ပဲ ဒီဟာကိုတင်လိုက်ပါတယ်။ တရုတ်စာလေ့ကျင့်ချင်လို့ တရုတ်တိုက်ရိုက်ကနေ ထွမ်စလိတ်လိုက်တာပါ။ ခွင့်ပြုချက်မရထားပါဘူး။ တခြားပ...
