أزاد
أزاد: بعد ماكدر اكمل ترا
مؤيد: بكيفك دكعد يلا هو انت شأكلت؟
أزاد: هواي هاي
مؤيد: لا مو هواي بس انت لان ما ماكل تكول هواي
أزاد: ماشتهي والله
مؤيد: ولك اكعد، ماشتهي وماشتهي حتى أمين اكل اكثر منك ديلا اكععد
كعدت غصب عني وكملت اكل
أزاد: شوكت تخطب حبيبتك؟
مؤيد: صارلي ايام افكر بهالموضوع، قريب ان شاء الله
أزاد: ان شاء الله
مؤيد: ليش مهتم بموضوعنة؟
أزاد: هيج حبيت اسأل
مؤيد: اممم
أزاد: شبعت اني والله بعد ماكدر اكل
مؤيد: هاهية براحتك
غسلت ايديه صعدت فوك للغرفة ووراها بشوي دخل مؤيد وكعد على مكتبة يكمل شغلة
أزاد: مؤيد
مؤيد: عيوني؟
أزاد: ششوكت يجون عمال يسوون غرفتي شنو ابقى هنا؟
مؤيد: وشبيها النومة هنا تزعجك؟
أزاد: لا بس يعني هي غرفتك تريد تاخذ راحتك بيها
مؤيد: ماخذ راحتي كلش، خاف انتَ ممرتاح؟
أزاد: مو اني علمودك
مؤيد: لتشيل هم اني مرتاح ومامتضايق من وجودك، بس اذا تزوجنا اني وآسينات تنام يم أمين
أزاد: شنو انت تتزوجها بهالفترة!؟
مؤيد: اي ان شاء الله اخطبها ونتزوج بسرعة
أزاد: ليش تستعجلون.
مؤيد: ليش نتأخر ماحب اتأخر ماتحملل
أزاد: شنو متتحمل انت تريد تتزوجها علمود ذيجج الشغلة؟
مؤيد: وانت ليش طارت نيتك هيج؟ اني ماتحمل بُعدها عني واريدها يمي بأسرع وقت
أزاد: اهاا.
مؤيد: اي
أزاد: تمام.
ضم اوراقة وگام من مكتبة واجة كدامي نزل لوجهي
أزاد: شـ. شبيك
لزمني من ايدية ونام فوكاي ويباوع بعيوني
أزاد: ممؤيد
مؤيد: روحة ياروحي
بعد ماعندي قوة اتحرك گلبي ينبض سريع
مؤيد: لتتوتر شبيك؟ يايابة حتى حجي بعد ماتحجي شجاك؟ هيج تأثيري قوي عليك؟
أزاد: وخخر
مؤيد: ليش؟
أزاد: أرريد انام
ابتعد عني وراح طفة الاضوية ورجع تمدد
واني درت وجهي ونمت بس گلبي باقي يدك سريع كلش
ثاني يوم الصبح الساعة9
كعدت وعفت مؤيد نايم غسلت وجهي ونزلت جوة دخلت للمطبخ مجهزين الريوك
أزاد: صباح الخير
العاملة: صباح النور، أزاد بلا أمر عليك تكدر تروح تكعد استاذ مؤيد حتى ينزل ويتريك
أزاد: تمام بعيوني
رجعت صعدت دخلت للغرفة ورحت يمة
واكعد بي
أزاد: مؤييد اكعد الريوك جاهز، ممؤييد
مؤيد: يمعود نعسان
أزاد: اكعد اكعد
مؤيد: نعسان والله
أزاد: شكد الساعة ونمت البارحه؟
مؤيد: يمكن ب3
أزاد: ليش؟
مؤيد: جنت احجي وي آسينات
أزاد: اهها تمام يلا اكعد
مؤيد: ماريد
أزاد: تمام
عفتة وردت اطلع بس هو گام
مؤيد: گمت گمت لتتزعل
راح للحمام واني نزلت انتظرة يجي
كعدت على الطاولة منتظرة ينزل
طول يلا نزل بس هو وأمين
اكيد طول لان كعد أمين
نزلو ثنينهم واجة أمين يركض علية
أمين: صباح الخير أزودي
أزاد: صباح الخير حبيبي
أمين: راح نروح لعمو فؤاد
أزاد: صدكك؟
أمين: ايي
أزاد: تمام
مؤيد: خلصو وغيرو ملابسكم حتى نروح نشوف شلون صار فؤاد
أزاد: تمام
STAI LEGGENDO
"المستأجر"
Storie d'amoreشي ميسويه اب لابنة بحياتة بس سواه لان ماباليد حيلة _________________________ قصة جديدة خيالية مثلية بالعامية ان شاء الله تعجبكم 🤎🫂 رواية مثلية الي ميعجبة هيج نوع ليقرأ👍🏻
