- ما اعرف عمو بس صديقتي هناك رايحة الها
- عمي لا تثقين بأهل هاي المنطقة ديري بالج حتى لو صديقتج والدنيا ليل مبين عليج بنيه ناس ارجعي لأهلج..
- جزاك الله خير عمو بس وصلني، تگدر تنتظرني كم دقيقة بس اشوفها..
- ان شاء الله عمي انـا ما اعوفج بس اذا تتأخرين اعوفج واروحن انـا بليل ما اگدر اشوفن الطريق..
هزيت راسي اله بدون اي جواب، مر وقت مو هواي وصلنا للمنطقة نزلني براس الشارع اتفقت ويا ينتظرني، دخلت صرت اسأل عن المكان الي عايش بي مؤمل...
احس الناس ما اعرف شبيها اي شخص اسأله يباوع عليّ من فوگ لتحت ما اعرف شبيهم هل مستغربين من سؤالي او من هيئتي ما اعرف...
وصلت يم محل كلش قديم وحديد واگع نصه سألت الرجال...
- عمو تندل مكان ***
- اطلعي لگدام شوية تلاگين فرع يسار ويمين روحي يسار ثاني بيت لون سمائي..
- تمام جزاك الله خير...
- هلا بنتي ديري بالج
- اكو شي عمو؟؟
- بنتي هناك اگو زلمة ومرته يگولون عليهم ناس صاحبة مشاكل ومؤذية لا تدنين يمهم والشارع محد گاعد بي غير كم شخص..
- زين عمو تعرف عن صاحب هذا البيت شي؟؟
- لا بنتي هو من زمان مات بس انـا اعرف شغلة وحدة هو جان مو بعقلة الناس تگول مخبل وناس تگول داخل مرته سوت اله سحر وخبلته...
لحضة لحضة آدم گلي هو ما متزوج شلون وليشش شنو دا يصير حسيت جيتي لهنا كلها غلطط بغلط ما لازم اجي وحدي وبهيج وقت...
زاد الخوف بداخلي والرعب زاد حسيت نبضات قلبي تضرب بسرعة حسيت لازم اسوي شغلة مرة وحدة تنفعني ما اعرف ليش سويت هيج وليش هو بالذات بس تأكدت هو الوحيد الي يگدر يساعدني...
دزيت رسالة لـ عز الدين متضمنه " انـا بمكان *** رايحة لبيت مؤمل اسأل عنه اذا صار عليّ شي المكان اله علاقة "
ما اعرف شنو اكتب او شنو اتصرف الكلام طلع من عقلي بدون اي وعي كملت طريقي اريد اروح اشوف بس المنطقة واطلع الساعة صارت بالخمسه ونص دخلت للمنطقة هدوءء ما بيه اي صوت تخوفف بمعنى الكلمة..
رجليه صارت ترجف تمشيت طلعت مرة من بيتها تباوع عليه منفوگ لتحت بس عيونها تخوف صرت ارجف نظراته تخوف فاتحه عيونها بقوه بلعت ريگي والتفت ردت ارجع منين ما اجيت..
بس سمعتها صاحت على رجال اني خفت زيادة ركضت بقوة اريد اوصل للسايق حتى اطلع من هذا المكان الغريب، الي راح اموت بي...
غرابة المكان حيل غريب، دور تيهت منين اجيت صرت اركض بكل ما عندي قوة وهيّ تركض وراي احس بخطواتها وصياحها رجليه ترجف من الخوف الشجاعة ما اعرف منين اجتني دنگت بسرعة رفعت حجارة كلش جبيرة ضربتها بيها على راسها...
وكملت ركضي لمكان السايق بس ما شفته صرت ابجي وارجف استمريت اركض اريد اطلع من هذا المكان الغريب، همست..
- ياا عليي دخيلك يا حاضر الشدات يا ابوو فاضلل ياا عليي..
YOU ARE READING
طغيان الظلام ( قيد التعديل )
Mystery / Thriller#حقيقة. "أسرارٌ قاتِنة، وُلدت من رحمِ الظلام، تنمو في عتمةٍ لا يُدركها البصر، يتوشّحها الليلُ بسوادٍ داجٍ لا يشوبه ضوء، كأنها صمتُ المقابر حين تتنفس الأرض سرّها المظلم." هذا ما سنكشفه في قصة: "طـغيـان الظـلام"
. part •8• .
Start from the beginning
