طغيان الظلام ( قيد التعديل )

. part •8• .

بــــسم الله .

روايــة :#طغـيان_الـظلام .
الڪاتبـة :#زيـنب_الشمري .

Instagram : io_z9i
Telegram : z_ll_00
TikTok : ll.q.20

-----⚜️-----

- وَرَجَوْتُ عَيْني أنْ تَكُفَّ دُموعَها
يَوْمَ الوَداعِ نَشَدْتُها لا تَدمعي
أغمضتُها كيْ لا تَفيضَ فأمْطَرَتْ
أَيْقَنْتُ أنّي لَسْتُ أَملِكُ مَدْمَعي
ورأيتُ حُلْماً أنَّني وَدَّعْتُهُمْ
فَبَكَيْتُ من ألَم الحنِينِ وَهُمْ
مَعي مُرٌّ عَلَيَّ أنْ أُوَدِّ ع زائراً
كَيْفَ الذين حَمَلْتُهُمْ في أضلُعي؟؟

• ايـار •

عرفت بعد ماكو النا لقاء بعد كُـل هذا الصار رجعت للبيت منهكة تعبانة من طول الانتظار والصدمة الي تلقيتها يوم عن يوم جاي انصدم بأقرب الاشخاص الي بسبب رحيلهم..

حسيت نفسي اني السبب برحيلهم..

ليش كـل شخص عزيز عليّ يتركني بأمس الحاجة اله مسحت دموعي وكملت طريقي للبيت...

ما احتاج اي شخص من اليوم ارجعي ايار القديمة الي ما تهتم لأي بشر بالكون لا تتعلقين بشخص لاا تثقين..

اردد هذا الكلام بعقلي حتى انسى،، و اتقبل الموضوع السبب مني اني منطية الاشياء اكبر من حجمها على شنو ازعل على شنو انقهر خلص الله يوفقة، سافر وانتهى كلشي چنه مخططين اله...

دخلت للبيت سديت الباب سمعت صوت عمو صحت عبالة رحت.. بس جاوبته...

- ما رحنى مقتدى سافر..

ما رد عليّ عرفت، يعرف بمضوع سفر مقتدى دخلت لغرفتي سديت الباب نزعت حذائي شمرتها اتكسرت رجليه منها..

نزعت حجابي لفيت شعري كعكة الغرفة، هوسة صايره طلعت الملفات اشتغل عليهن خلصتهن بسرعة وصلت للقضية المهمة الي هيّ قضية آدم صورت كل الملفات ودزيتهن لـ موج شوية واتصلت عليَّ...
- منين جبتي هاي الملفات؟؟
- وصلتني من شخص..
- امم، ومنو هذا الشخص؟
- ما اعرفة.
- تمام لعد باچر اني يمج من الصبح نروح سوه للمحكمة وكذلك دزيت لبابا الملفات الي دزيتيهن الي..
- شبسرعة؟؟
- ههههه بس سويت الهن تحويل حتى يلقي نظرة عليهن..
همست وسألتها عن امواج..
- تمام، امواج شلونها..

- حالتها بالنازل..
- خطية، ما عرفتوا منو السبب!.
- لا، ولاهيّ تقبل تگول منو اني شاكه هيّ تعرف
- اذا تعرف ليش متگول؟..
- امواج ابدد ما تنحزر اني اختها صار الي اكثر من 20 سنة سويه بس ولا مرة حچتلي شنو يصير وياهه دائمًا تكتم اسرارها واذا شخص أذاهه مستحيل تنسى السالفة تضل بگلبها لحد ما تخذ حقها بـ أيدها...