ايـار : عود اشرد من الشباك مثلي..
ضحك ضحكة وجه انطعن صار احمر من كثر ما يضحك صار يضرب على صدرة، سرعان ما تغيرة ضحكته للجمود حمحم واردف بجدية...
عـز الدين : اشاقيج يولو، الفطيرة مصدگه..
ايـار : سيدي اعرفك تعرفين تتشاقة وياي؟؟
عـز الدين : شنهو هيّ الشغلة..
ايـار : تخص آدم..
من جبت سيرة آدم بسرعة تغيرت ملامح وجه للجدية وعگد حواجبه هز راسه بـ أي...
أخذت جنطتي وملفاتي وطلعت لگيت موج تتعارك ويا ذبان وجهه وتصيح...
مـوج : ابو الجيفة الخايس المعفن القندرة يريد يحبسني اخخخ لوو الزمة اله انتف شواربه تگول ريش دجاجة الحموضة..
ايـار : شبيج تتعاركين ويَّ خيالج؟؟..
مـوج : شعندج وياه؟!
- امشي نطلع، تشكرته لان طلعج..
- لا بلا
- امم
- امشي نولي متت من الجوع نمر على بذرة بدربنا ناخذها من المعهد..
- تمام امشي، نروح تكسي انا سيارتي ما جايه بيها..
- لا اتصلت على امواج هسه وصلت تلگها قريبه هيّ منا..
- لعد امشي..
طلعنا، وصدگ ما تأخرت علينا امواج صعدنا وياهه سلمت وصعدت بدون اي صوت منها ردت السلام وضلت ساكته اي كلام ثاني ما گالت ولا حتى سولفت ويَّ موج، موج هم غلست عنها..مرت على معهد بذرة هم اخذناهه بدربنا..
وصلني للبيت، دخلت سلمت على عمو وصعدت بسرعة لغرفتي دخلت نمت بدون اكل تعبانه..
نايمة وحسيت بحرارة ميته حرر على الرغم الجو مو كلش حار بطلاع الروح فزيت من نومي...
فتحت عيوني الغرفة صايرة تسمط سمط من الحرارة ما اعرف شنو السبب مع الرغم اني مشغلة المروحة بس حارةة اخذت ملابسي ودخلت سبحت وطلعت...
لفيت شعري وطلعت صاير قصير اقصر من قبل لان قصيته بسرعة مشطته ونزلت اسوي اكل...
دخلت للمطبخة طلعت معكرونه سويتها وطلعت ببسي اشرب وفطائر بس حميتهن...
اكلت الى ان شبعت لملمت المطبخ وطلعت...
دخلت لغرفتي غيرت ملابسي وطلعت صار لازم اروح للمنطقة الي ساكن بيها مؤمل اعرف عنه كلشي اسأل عن حياته وعن شغله وعن عائلة بلكت يحالفني الحظ واعرف عنه شي...
طلعت بسرعة قبل لا يصير الليل دخلت لغرفة عمو...
- عمو انـا طالعة عندي شغل..
- باباتي اجلي شغلج الدنيا ليل راح تصير..
- عمو ما ابطي والله، يم موج اروح
- مو تبطين نص ساعة...
- لا ساعة، مع السلامة.
قبل لا يجاوب عفته وطلعت اسمع صوته يحچي عليّ...
طلعت اجرت تكسي للمنطقة دائماً ما اصعد الأ ويا رجال جبير بالعمر اطمأن هيج صعدت وهو يمشي على ابطئ من مهله اردف مستغرب..
- بنتي متأكدة رايحة لهاي المنطقة؟
- اي عمو ليش؟
- بنيتي هاي المنطقة عليها سمعه مو خوش ومشهروة بناسها واعمالهم هاي المنطقة ما يسكنها غير الدجالين والنصابين، والناس المو زينه..
ВЫ ЧИТАЕТЕ
طغيان الظلام ( قيد التعديل )
Детектив / Триллер#حقيقة. "أسرارٌ قاتِنة، وُلدت من رحمِ الظلام، تنمو في عتمةٍ لا يُدركها البصر، يتوشّحها الليلُ بسوادٍ داجٍ لا يشوبه ضوء، كأنها صمتُ المقابر حين تتنفس الأرض سرّها المظلم." هذا ما سنكشفه في قصة: "طـغيـان الظـلام"
. part •8• .
Начните с самого начала
