الضابط صارت عيونه بگصته التمت الناس وقسم ضباط والامة كلها التمت وهذا صار بالنص طلع الاصفاد من جيبة صار يغلط على موج انواع الغلط والفشار استحيت غطيت بنص ملابسي، موج ما استسلمت رجعت رفعت حذائها الثاني شمرتها عليه وصارت تغلط عليه وتسبه...
اتقرب راد يقيد اديها صارت تغلط وتصيح عليه لان هي محجبة اتصل ،بضابط بنية تجي، شوية وشفناهه تقدمت عيني صارت على موج وصلت يمها قيدت ادين موج اندارت عليّ صاحت...
مـوج : اتصلي على بابا سولفيلة كلشي تماممم
ايـار : خاف يموت؟
مـوج : الثولـة ما عليجج، خاب سوي مثل مل گتلج..
هزيت راسي اخذوها واني اتصلت على عمو راشم سولفت اله كلشي صار اختصرت اله السالفة گال جاي سديته منه ودخلت وراها اركض اريد اشوف شصار بيها ...
دخلت اركض ما اشوف گدامي خفت يصير عليها شي انگطع نفسي واني اركض...
وكفت اخذ نفس بعمق شهيققق زفيررررر حيلل خليت ايدي على گلبي اسحب نفس بسرعة فزيت من مكاني على صوت رجال نبرة صوته خشنه حيلل بيها بحة.....
رفعت راسي شوفة عز الدين جريت نفس بسرعة حتى اجاوب عليه...
ايـار : هلا هلا...
عگد حواجبه ما اعرف شبي يباوع عليه سأل مستغرب يتفحصني بنضراته...
عـز الدين : شبيج؟ صاير وياج شي؟..
ايـار : هاا
عـز الدين : صاير الج شي وجهج احمر تلهثين عبالك ثور يركض وراج..
فتحت عيوني بصدمة شقصدةة صحت بصوت شبه عالي...
ايـار : شقصدك؟؟!
عـز الدين : موو قصدي گليلي شبيج مو عتيتي گلبي...
ايـار : واني شعليه حتى اعت گلبك؟؟
عـز الدين : لا يا علي دخيلك يابو الحسنين شبيج خالي...
ايـار : مابيه بس مـوج واحد من ذولة القنادر يريد يحبسها..
عگد حواجبه مستغرب وما مفتهم كلامي احچي بسرعة واتنفس سريع همس..
عـز الدين : اسحبي نفس بهدوء شهيق زفير..
يحرك ايدة للأعلى ولتحت واني ويا حركته اتنفس الى ان انتضمت انفاسي اردف بهدوء...
عـز الدين : تعالي على مكتبي وسولفيلي كلشي..
هزيت راسي بدون مماطله مشيت وياه،، ملامحة معتليتها الجمود خاليه من اي تعبير يمكن الشي الوحيد اگدر اشوفه بوجه من يعگد حواجبه غيرها لا، حتى ابتسامه ما يبتسم ولا اي شي غير ملتزم الصمت ولاحظت هذا الشي من التقي وياه...
دخل للغرفة مالته دخلت وراه سد الباب فتح الشبابيك حتى يدخل هوه اخذ بطل مي قدمة الي اخذته منه ورحت گعدت استرح بدون ما هو يسمحلي اردفت...
- اخخخ اخخخ تعبت من الصبح لهسه اني بس اركض من مكان لمكان اريد ارتاح تعبت، هسه موج كملتها عليّ...
ضهر على وجه طيف ابتسامة ايي صح ما جاي اتخيل ابتسم واخيرًا ابسمت ابتسامه خفيفة بس بسرعة غيرت ملامحي وجهي للجد واردفت...
- اطلب منك بس اعرف الي موج وين..
YOU ARE READING
طغيان الظلام ( قيد التعديل )
Mystery / Thriller#حقيقة. "أسرارٌ قاتِنة، وُلدت من رحمِ الظلام، تنمو في عتمةٍ لا يُدركها البصر، يتوشّحها الليلُ بسوادٍ داجٍ لا يشوبه ضوء، كأنها صمتُ المقابر حين تتنفس الأرض سرّها المظلم." هذا ما سنكشفه في قصة: "طـغيـان الظـلام"
. part •8• .
Start from the beginning
