طغيان الظلام ( قيد التعديل )

. part •8• .

دخلت لغرفة الانتظارات وهي ضلت برا تنتظرني ما يصير تدخل، بعد مدة من الوقت والتفتيش هووواييي سوالف يله گدرنا نوصلة اله..

انتظرت اقل الخمس دقايق ودخل رجعت نفسي على الكرسي واباوع عليه ...

ابتسم ابتسامة ماكرة، حرك ايدة على شعره الي شبه ماكو گعد مقابيلي اردف بهمس يستفسر سبب وجودي وشنو الي صاير..
آدم : الله بالخير..

آيـار : الله بالخير، بدون مماطلة عدنا بس 10 دقايق بدون كاف ميم جر وعر ادخل بالغميج السالفة من بدايتها النهايتها اريد اسمعها لان المحكمة ما بقى الها هواي وما اتوقع راح يخلونا نشوفك بعد...

ايـار : وقت ما عدنا، اوراق برائتك هسه بـإيدي. احتاج بس توضح الي شنو صار اني درستها واعرف كلشي بس لازم نتفق على كلام واحد...

آدم: شنو الـيخليني أثق بيچ؟؟

ارتجيت على الكرسي كتفت أديه باوعت بالغرفة رفعت تك حاجبي آشرت على المكان..
- وشـنو الي ما يخليك تثق بيَّ وأنتَ بهيج مكان؟؟ الحل الوحيد الي يطلعك منا هوّ أني.

آدم: سبب يخليني أحچيلچ؟؟
ابتسمت وطلعت صورة من جيبي خليتها گدام عيونه وهمست..
- بنتك..
أخذ الصورة من أيدي باوع عليها وخلاها بجيبه مسح على راسه وصار يباوع بالمكان همس..
آدم : منـو دلاچ عليّ؟؟ شتردين؟

بلتت شفتي وهمست..
- الرأيس...
صفن بوجهي ما بدت اي ردت فعل من عنه اعصابي فارت ما گدرت اتحمل ضربت على الطبلة وصحت..
- أذا طلعت من هاي الباب تحلم تشوف الشمس بعد..

آدم : ما اتذكر اي شي صار وياي غير تعارك ويا اهلي بذاك اليوم عفت البيت وطلعت ما اتذكر حتى الوقت رحت لبيت صديقي هو عايش وحدة اسمه مؤمل عايش بمنطقة *****  عمرة 25 سنه نمت عنده على ما احصل مكان اگعد بي...بعد ما نمت گعدت ثاني يوم على اثر ضربات وكتل ما اعرف شنو سببهن لو شنو صاير انـا وين كل هذا ما اعرفه مر اكثر من شهر عرفت انـا الكاتل مؤمل واصدقائة كاتلين
بعد واحد وانـا الكاتل مؤمل هذا العرفت، صدگ چذب ما اعرف حتى انـا اصلاً ما چنت واعي على كل شي ولا حتى واعي من حضرت المحكمة واعترفت بنفسي انـا الكاتل مؤمل...

ايـار : يمكن مو انتَ الي قتلته وشخص من اصدقاء مؤمل..

آدم : انـا الي محيرني بالليل سمعت صوت  من غرفة مؤمل بس ما اعرف شنو لو شنو صاير بس كل العرفته عركة ومؤمل متدخل بيها وجايب بنية يمة ما اعرف بعد باقي التفاصيل لان ما سولفلي بيومها..

ايـار : اكوو ربط بالموضوع مستحيل، يمكن يمكنن نفس الشي الي دا افكر بي اي اي والله اتوقع هو نفس الشي مية بالمية اي..

آدم: شني؟؟

ايـار : بعدين بعدين مو هسه.. هسه اني ساعدتك وراح اطلعك بالمقابل تعرف شنو اريد، تردلي المعروف