طغيان الظلام ( قيد التعديل )

. part •8• .

الدكتور : الحمد لله عدت مرحلة الخطر بس لازم ناخذ حذرنا لا تصير عدها مضاعفات و شي ثاني الصبح ننقلها لغرفة خاصة...
الاغر : دكتور وسبع الگنطرة انتَ خوش زلمة...
الدكتور : واجبي هذا خوية .
عافنه وراح وهذا الگاع ما لامته ما يعرف شيسوي تقرب باسني من وجهي بقوه صحت عليه لعبت نفسي بس ضحكت على سوالف من باس نوماس هم بس لطش بوجه صار يطبع بوسات بقوه صاح بس نوماس متقزز من فعلة...

نوماس : لعبت ابو نفسي انـا رايح اسبح حتى بتيزاب..
الاغر : لو تسبح بماي زمزم تبقى وسخ..
نوماس : طالع على ابوك.
الاغر : ابن الكلب ولي يلا
نوماس : يصير خير..

عافنه وراح رجع للبيت گمت من مكاني اروح للبيت انام انـا هم تعبان ميت تعب بعد ما اگدر اوكف...
عـز الدين : انـا راجع للبيت بعد ما اگدر من التعب
الاغر : روح خوية توكل ما قصرت اردها الك بعرسك..
ابتسمت اله عفته وطلعت راجع للبيت متكسر تكسر دخلت للبيت لگتيه نوماس هستوه واصل دخلت نمت ما گعدت للصبح...

باوعت على الساعة 8:30 غيرت ملابسي للبدلة العسكرية وطلعت للشغل دخلت لمكتبي...

مر اليوم نصة بين الشغل ما گدرت ارفع راسي من كثر الشغل...
طلعت اشوف الاغر واصل لو بعده وهم القي نظره على الشغل...

اصوات عاليه صايره، عرفت شنو سببها مو جديدة هاي كل يوم تصير كملت طريقي بس الاصوات بعدها عاليه استغربت من هذا الشي مرت دقايق واختفت سألت شرطي عن الصاير وعرفت البلوة صلاح نفس كل مرة مصيبة..

شوكت نخلص من طلايبة ما اعرف، اجه هنا يشتغل واسطات وعبالة محد يگدر يحاچي انـا خاله على ماية هاي الفترة حتى استفاد منه بكم شغلة هو يعجبك بالشغل...

جيبه منا منا اضحك عليه بچم احچاية يجيب الك شتريد بختصار مضحكة والذكي يستفاد منه، مو استغلال هو يعرف يستغلوا بس حتى يترقه يسوي كلشي...

رجعت اريد ارجع لمكتبي دخت من الهوسه وانـا منا راسي موتني اباوع على شخص يركض گدام انتبهت هاي بنية رفعت راسها الي انصدمت من شفتها وحالتها چانت مخربطة وجها احمر گوة تسحب النفس...

همست الها..
عـز الدين : اسحبي نفس بهدوء شهيق زفير..
صارت تسحب نفس بهدوء اريد استفسر شكو شصاير صارت تحچي سريع ما فهمت عليها تخبط احرف خبط اخذتها للمكتب افتهمت منها موج يا طلابة موج الما تخلص كل يوم مسوية طلابة...

بعد ما طلعتها كتبت الي عنوان وراحت اخذته اباوع عليه مو هينه هاي بنيه وراه سالفة وانـا ما اعوفها اذا ما اعرف شنهو هيّ...

مر الوكت بين الشغل الساعة بـ 5:40 وانا ما متغدي سحبت التلفون اشوف الاغر شصار وياه انتبهت جايني اشعار منها فتحت الاشعار اشوف..

ايـار : انـا بمكان *** رايحة لبيت مؤمل اسأل عنه اذا صار عليّ شي المكان اله علاقة..
خربب هايي شوداهاا لهيجج مكانن ياا عليي انـا شنيي المشاكلل مشتريتني، هسهه هايي شوداههاا راحح تروح بالرجلينن يكتلوهاا ما يخلوها صاحيه...

بقلمي...

ثگيل الشوڰ بعيون اليـِحب بَسكوت،
يحچي بدون حچي، وصمته صار صوت،
ينطر كلمة، نظرة، حتى تنهيدة،
بس الكتمة بضلوعه صار إلها بيوت.

- لـ زينب الـشمري ...

تَستمرُ الحَكاية...

اتمنا عجبكم البارت
صح متأخر لكن تعبت بي صوتوا للبارت تقدير
تعبي وتعب عيوني ❤

متابعة حسابي : io_z9i

حسابي انستا : io. z9i

‏‏الباقِياتُ الصَّالِحاتُ:

-سُبحــانَ الله
-الحمــــدُ لله
-لا إلهَ إلا الله
-اللهُ أكبـــر
-لا حَول ولا قوة إلا بالله
-سُبحــان الله العَظيــم
-سُبحــان الله وبِحَمـده
-أستَغفِــر الله وأتوبُ إليه
-اللهُمَّ صلِ علّى مُحمد وآل مُحمد

.

.

.