عاف وراح التفت عليّ يسأل
نوماس : اگلك؟
عـز الدين : ها؟
- شوو هذا الدكتور مطي ما فهم..
- انتَ كلتها مطي...
- هاا
- اظنك انعديت من المطي
- شقهه ماصخخ لاا تتشاقه
- وهريشي فززت الموته
عافني وراح گعد على الكراسي مرت الساعات واحنا گاعدين حاليًا الساعة 2:30 ملينا من الانتظار گال نوماس يروح يجيب چاي ويجي..
ايدته الرأي راسي احسنه راح ينفجر من الوجع...
خليت راسي بين اديه اعصر بي من الوجع...
رفعت راسي على صوت الاغر..
الاغر : شلون صارت طلعوها؟
- طلعوها، بس حالتها زفت، العناية المركزة، الدكتور يگول اذا عدت الساعة 3 بالليل خيراً على خير...
هز راسة وگعد يمي بدون اي صوت ولا حتى كلام تأخر نوماس كلشش وانـا راسي موتني اتصلت عليه ما يرد صار عشر دقايق من راح...
رفعت راسي ويه جيته...
عـز الدين : وين صرت لخاطر الكائنات راسي موتني..
نوماس : چبتلك علاج وچاي وشي تاكله..
عـز الدين : ما اشتهي شي انطيني بس العلاج والجاي...
اخذتهن منه شربت العلاج وشربت الجاي دفعة وحدة اباوع للأغر عينه على الغرفة صافن عليها عيونه كل شوية يفركهن من كثر ما فركهن صارن حمر دم...
باوعت على الساعة 2:45 اگول شبي يحسب الوقت يمر دقيقة دقيقة شتل عقلي وياه صرت انـا هم احسب بالدقايق من دون لا انتبه...
مرن ثلاث دقايق مثل لمح البصر بس حسيتهن على الاغر مثل السم اليمشي بالدم صار يفتر ويرجع يفتر ويرجع يباوع على غرفتها يرجع يگعد يريد الدقيقة تمر حسيت الدقيقة ما تمشي بعد...
التفت على نوماس نتر بي...
الاغر : ما تروح تصيح نعلل يشوفون حالتها...
نوماس : شبيك خالي شخطت...
الاغر : مو وكت شقاك ولا وقت اي شي انـا متحمل گوه گاعد...
هز ايدة نوماس ما عاجبة الوضع وراح يصيح الدكتور رجع الاغر يحسب الوقت صارت بثلاثة ضبط صارت عينه وكل حواسه وكل ذرة بجسة ويه الاجهزه التشتغل صارت الساعة 3:5 دقايق التفت عليّ...
هجم بسرعة عليّ حضني وصاح...
الاغر : مرتت مرتت عزز مرتت شوفف الساعةة ياا عليي ياابو فاصل نذر عليه اذبح لسبع الگنطرة واكفل يتامة واوزع بثواب الامام الحسين يااا ابوو الحسينين يعدي هذاا اليوم على خيررر...
عـز الدين : هههه اهدء مرر الوكت ان شاء الله مابيه غير العافية...
الاغر : من حلگك لباب السمه ادعي الها عز الدين...
صار يحضن بيه ما مصدگ مر الوكت على خير رفعت راسي لربي اشكرة الف مرة على عطاءه رجع هو يباوع عليها ما مصدگ انـا شاك بشغلة بس اتمنا وادعي ربي الشاك بي ما يطلع صدگ...
رجع نوماس هو وكم دكتور ويا ضلينا ننتظر على نارر حسيت انـا الاغر تعبني من كثر ما يفتر ويسأل...
الاغر : زينه صح يعني راح ترجع نفس قبل؟
عـز الدين : ان شاء الله .
- يعني تعيش؟
- بحيل الله .
- راح تگعد مو؟
- بعلم الله
- وعلي ما اشوفهه جهرت وجهي بعد .
- خير ان شاء الله .
- شسوي هسه انـا گليي عز الدين ؟
- توكل على ربك..
- خاف ما تقبل تشوفني بعد؟
نوماس : مليار بالمية..
الاغر : انتَ اللصم
نوماس حضر كلامة يرد عليه طلع الدكتور مبتسم غير ذاك الدكتور...
YOU ARE READING
طغيان الظلام ( قيد التعديل )
Mystery / Thriller#حقيقة. "أسرارٌ قاتِنة، وُلدت من رحمِ الظلام، تنمو في عتمةٍ لا يُدركها البصر، يتوشّحها الليلُ بسوادٍ داجٍ لا يشوبه ضوء، كأنها صمتُ المقابر حين تتنفس الأرض سرّها المظلم." هذا ما سنكشفه في قصة: "طـغيـان الظـلام"
. part •8• .
Start from the beginning
