طغيان الظلام ( قيد التعديل )

. part •8• .

دخلت شفته نايم على السدية عيونه مفتحه ايده على راسة...
- هونها يخوي تهون ان شاء الله تگوم بالسلامة..

- انـا مو زلمة لو زلمة ما سويت هَيج بأمانة اخيي، و عافية امي ما واعي على نفسي من حرگت روحي هَيج سويت وعافية امي ما اعرف شلون ضربتها عسى إيدي بالكسر لو مستها عساني بالموت...

- انـا اعرفك شنهو انتَ لا تحلف ولا تبرر انتَ غلطان وهيّ هم غلطانه بس انـا چم مرة گتلك يخوي بطل عصبيتك هاي تدمرك يا خوية تخرب حياتك بطلها...

- عـز الدين لا تزيدها عليّ انـا مشتعل نار عسى وجعها بگلبي اخخ ياا نارر گلبي الموجرة، انـا ندمان بالعباس..

- ندمك ما يفيد هسه بس تگعد تدمرك..

- قابل وسبع الگنطرة قابل بس خلي تصحة ما اريد شي منها...

- وكل امرك لربك...

- عـز الدين..
- لا تشيل هم عضيدي
تقربت منه حضنته طبطبت علىمتنه سمعت حسراته مسحت على ظهرة...

راد يطلع من الغرفة بس ما قبلت وضعة مو زين اذا وگع انـا ما اگدر وحدي، هو يعرفها ويعرف شنو الموضوع انـا ما اعرف عنها شي غير اخت البطل الشهيد محمد بطل الاحرار...

ما شايفها ولا حتى اعرفها اول مرة اليوم اشوفها سامع عندها هو أمنها يمنها بس ما عرفها انـا...

رحت يم غرفة العمليات انتظر شغلت چگارتي مرت اكثر من ساعات وهمه ماكو رفعت راسي على صوت نوماس...
نوماس : منهي هاي تعرفها؟؟
عـز الدين : اخت البطل محمد..

استغرب من كلامي بس ما زاد بكلامة ولا سأل اكثر هذا اكثر شي يعجبني بنوماس مو فضولي ولا حتى يهتم الموضوع سأل سؤال واحد جاوبته هاي هيّ بعد ما يسأل يعرف عاجلاً ام اجلاً راح يعرف الموضوع...

مرت الساعات وهمه ماكو مر نص الليل وطر الفجر يلا طلعوها من العمليات بس حالتها زفت بالنازل...

فطر بالجمجمة نزيف داخلي ما عدها كله طالع للخارج حمت ربي الف مرة طلع الدكتور يخبرنا عن حالتها...
الدكتور : اذا عبرت الساعة 3 بالليل عدت على سلامات ان شاء الله ما نگدر نسوي اي شي غير الدعاء ادعولها...
نوماس : شكراً دكتور..
الدكتور : هذا واجبي...
راح الدكتور التفت على نوماس...
عـز الدين : خلي يولي لا تتشكرة بفلوسه چلب ابن چلب دوني ابن دوني ما قبل يسوي العملية الإ الفلوس توصل..
نوماس : اه صدگ..
عـز الدين : وعيونك..

التفت على الدكتور بعده ما كمل الممر صاح عليه
نوماس : دكتوررررر
الدكتور : هاا اخي تفضل؟؟
نوماس : مو شكرًا رجع الشكر مالتي
الدكتور : ما فهمت...
نوماس :  هذا واجبك بفلوسك
الدكتور : اكيد هذا شغلي...
نوماس : زين.