((عمر))
ﻻول مرة في حياتي اهدد فتاة لكنها هي من استفزتني واوصلتني الى هذا المكان هي من جنت على نفسها خرجت من الجامعة وانا اكاد ان انفجر غضبا وركبت سيارتي الFERRARI كنت اركنها بعيدا عن الكلية فﻻ اريد من احد ان يعرف من اكون بعدها عدت الى المنزل استحممت وغيرت مﻻبسي ارتديد المﻻبس الرسمية وذهبت الى الشركة بدات بلعمل حتى حل الليل وعدت الى المنزل استلقيت على السرير حتى اتصلت بي ايلينا انها احد اﻻشخاص الذين يعملون عندي في الشركة
ايلينا:الم تاتي لزيارتي اليوم في الفندق
عمر:ﻻاستطيع اني تعب اليوم
ايلينا:حسنا هل بامكانك زيارتي غدا
عمر:نعم سوف احاول
ايلينا:مع السﻻمة حبيبي
عمر:لقد قلتها لكي وسوف اقولها للمرة اﻻلف انا لست حبيبك وﻻانتي حبيبتي انتي مجرد شخص اقضي معه بعد الوقت
ايلينا:حسنا حسنا ﻻتغضب لقد كانت مجرد زلة لسان
اغلقت الهاتف وانا ازفر فانا ﻻاريد ان اكون حبيبا ﻻاحدهم فبعد ليلى والذي حدث قد كرهت كل النساء ذهبت الى سريري واستلقيت عليه احاول النوم لكن جاءت في بالي تلك الفتاة ماكان اسمها ااا انه سارة حسنا لقد اغضبتني كثيرا لذا سوف اجد طريقة لكي اغضبها
((سارة))
استيقضت صباحا وانا سعيدة فاليوم عطلة ولن اضطر الى رؤية وجه ذلك المغرور الذي اسمه عمر طرق الباب علي وقال :هيا جهزي نفسك
سارة:اف اليوم عطلة يعني الة تكعدوني من وكت
علي:تكومين لو اجيب سطل المي واذبه عليج
سارة:اف كمت امري ﻻالله
انها من عادة اخوتي انه في كل يوم عطلة نذهب للركض من الصباح فبلرغم من انهم يذهبون للجيم لكنهم يجبروني انا ومريم للركض معهم وهذا الشي مفيد فانا اتناول الكثير من الطعام ولوﻻ انهم يجبروني على الركض لكنت قد اصبحت بدينة اﻻن نهضت من الفراش وارتديت مﻻبس للرياضة كان تراكسود اسود ماركة adidas حذاء رياضي ورفعت شعري (بن) وخرجت وبدانا ننركض فنحن نركض في مكان يشبه الغابة ونركض مسافة طويلة الى ان توقفت مريم باستسﻻم وقالت :كافي بعد مابية حيل
مصطفى:شنو مريم الظاهر عجزتي
مريم:انجب لك اني حت اصغر منك بس كافي تعبت
علي:امشي لج باعي كرشج شكبراتة صاير
وضعت مريم يدها على بطنها ونظرت لها وقالت:صدك يعني طالعلي كرش يعني صرت سمينة ﻻياالله
وبدات مريم بلركض اسرع منا جميعا ان اكثر شي يزعجها عندما يقولون لها انها بدينة بعدها عدنا للبيت استحممت وتناولت الفطور وبدانا نقوم باعمال المنزل عندما انتهيت ذهبت الى غرفتي ووضعت السماعات في اذني وبدات استمع الى اﻻغاني وارسم حتى دخلت مريم وقالت:لج سارة ضايجة كومي خلي نطلع
سارة:اي والله اني هم ضايجة وروحي طالعة يلة امشي
غيرت مﻻبسي وذهبت الى ابي وقلت له اننا انا ومريم سوف نذهب الى المول ووافق ابي ركبنا في سيارة مريم وذهبنا الى المول وقمنا بشراء العديد من اﻻشياء فنحن الفتيات عندما نشعر بلضجر نتسوق وهذا الشي يعطي راحة نفسية ثم بعدها ذهبنا انا ومريم الى المطعم الذي يوجد في الطابق اﻻخير للمول وجلسنا طلبنا الطعام وبعد ذلك انتبهت الى مريم كانت سارحة لكن بماذا تفكرقلت:مريم
ولكنها لم تنتبه وقلت مرة اخرى:مريم مريم
حتى انتبهت الي وقالت:ها شكو منو
سارة:هههههههههه شبيج بابا وين بالج صايرة تسرحين هواي هاي اﻻيام
مريم:ها ﻻماكو شي
سارة:علينة كولي لج شكو؟؟
مريم:اكلج بس توعديني متكولين ﻻحد؟
سارة:اوكي
مريم:ﻻ مو اوكي كولي اوعدج ماكول ﻻحد
سارة:والله ياالله ماكو ثقة اوكي اوعدج ماكول ﻻحد بس كولي عاد
مريم:اني احب
كنت اشرب الماء وعندما سمعتها اختنقت
مريم:لج ها شبيج
سارة:شنو شكلتي
مريم:كتلج اني احب شنو طرشة متسمعين
سارة:هذا منو اللي امة داعية عليه؟؟
مريم:انجبي لج واحد ويانة بلشركة
سارة:وداكول ساعتين تحضرين بنفسج كبل متروحين للشركة علمود حبيب القلب
مريم:اصﻻ هو ويانة من فترة طويلة
سارة:منو منو واحد اعرفة
مريم:ﻻمتعرفي بس تعرفين ابو
سارة:منو ابو
مريم:عمو احمد
سارة:شريك بابا
مريم:اي
سارة:اي شونة حلو لوﻻ شسمة شكد عمرة
مريم:اي حلو صاك اسمة يوسف عمرة 30 سنة
سارة:والله انتي طلع مينخاف عليج
مريم:لعد شعبالج
سارة:كلج احبج ﻻ
مريم:ﻻبعدة
سارة:زين شتحسين يحبج ﻻ
مريم:مادري بس كل اللي اعرفة من يباوع علية احس كلبي راح يوكف
سارة(بلهجة المصرية):دانتي وئعتي ومحدش سمة عليكي
مريم:ههههههههههه طيح الله حظج
سارة:لج يلة اتاخرنة
مريم:اي والله صارت الدنية ليل
سارة:يلة دفعي انتي بمناسبة انو دتحبين وكذا
مريم:وشنو دخل هاي بهاي
سارة:مادري هههههههههههههه
بعدها عدنا الى البيت واستيقضت ثاني يوم صباحا قمت بتغيير ثيابي ارتديت بنطرون احمر وقميص اسود طويل قمت برفع شعري وذهبت الى الكلية عندما وصلت الى الكلية استقبلني سليم
سارة:اف هسة هذا شجابة هنا هسة حيكعد ساعتين يحجي ويتغزل واني مناقصتة من الصبح
سليم:صباح الخير ياانسة جميلة
سارة:صباح النور ولكن متى سوف تناديني باسمي
سليم:ان هذا اﻻمر ليس بيدي فانتي جميلة
سارة:حسنا يجب ان اذهب اﻻن فصديقتي تنتظرني
سليم:هل تودين ان نذهب لشرب القهوة بعد انتهاء الدوام
سارة:شكرا ولكن ﻻاحب القهوة
سليم:حسنا بامكانك ان تطلبي شئ اخر
سارة:شكرا لك لكني لست في مزاج يسمح لي بلخروج
سليم:حسنا متى تكونين في مزاج يسمح لك بلخروج اتصلي بي
سارة:ماذا كيف اتصل بك
قام باخذ هاتفي من يدي وسجل رقمه ثم اتصل به وقال:حسنا لقد اصبح رقمي عندكي وعندي رقمك
ثم ذهب وهو مبتسم لقدتعجبت فلقد كان في غاية الجراءة كيف ياخذ هاتفي هكذا بدون استاذان ذهبت الى الكافيتيريا حيث وجدت منى جالسة جلست بجانبها وانا متضايقة
منى:شبيج ضايجة
سارة:والله اذا عمر ماكو علمود يضوجني يطلعلي هذة البومة سليم
منى:ههههههههههه اذا انتي ضايجة من الناس كلهة ليش شسوالج
سارة:جنت جاية للكلية وفرحانة ماحشوف عمر البومة ﻻن اليوم ماعندة محاضرة ويانة طلعلي هذة الﻻخ سليم يكولي تعالي خل نطلع اني مقبلت اخذ الموبايل مالتي سجل رقمة واخذ رقمي
منى:ههههههههههههه لج حرام عليج هيجي تعذبين الولد وترة هوة حلو ومبين معجب بيج
سارة:منى تعرفيني كلش زين ماحب هذي السوالف وامشي يلة اتاخرنة على المحاضرة
منى:امشي يلة وظلي طلعي قهرج بية
سارة:هههههههههه غير انتي ملطشة
منى:مو صوجج صوجي اني هههههههههههه
وذهبنا ومر اليوم بشكل عادي ولم ارى فيه عمر والحمد الله ولكن اتى في اليوم التالي وكلعادة كان ينتظر مني اي خطا لكي يقوم بطردي ولكني لم اعطه الفرصة وجاءت امتحانات الكورس اﻻول ونجحت بكل الدروس بامتياز ماعدا مادة اﻻستاذ عمر طبعا ﻻني لم اكن استمع الى شرحه وكانت اسئلته صعبة بشكل ﻻ يصدق كيف بامكاني ان اخبر ابي اوه يالهي سوف يقوم بتوبيخي عدت الى البيت
سارة:هلو ماما بابا موجود
اﻻم:اي اليوم مالة خلك ومراح للشركة
سارة:زين هو وين هسة
اﻻم:بلمكتب
سارة:اوكي حروح احجي ويا
دخلت الى مكتب ابي وكان ابي جالس الى الكرسي ويقرا كتاب بيده دخلت وقلت:هلو بابا شلونك
ذهبت وقبلت وجنته
اﻻب:هلو حبيبتي انتي زين انتي شلونج
سارة:اريد احجي وياك بموضوع
اﻻب:خير ياالله
سارة:اليوم اطونة نتائج الكورس
اﻻب:واكيد بنتي ناجحة بامتياز كلعادة
سارة(بقلق):اي ناجحة بكلهن ماعدى مادة وحدة
اﻻب(بغضب):شنو يعني رسبتي
سارة:والله بابا اﻻسئلة كانت صعبةوالكل ممجاوب زين
اﻻب:اني معلية بهذة الحجي باعي سارة مراح تجين تداومين وياية بلشركة اذا متنجحين بلكورس الثاني
سارة:بس ميصير هيجي تعرف انوا اني حلمي من جنت صغيرة اداوم وياكم بلشركة
اﻻب:اني كلت اللي عندي
خرجت من مكتب والدي وانا اكاد انفجر من الغضب دخلت غرفتي وبدات بلبكاء فلقد تحطم حلمي اللعنة عليك ياعمر فكل الذي يحدث بسببك اكرهك اكرهك.
@hajirsaad
حساب الانستكرام hajir_rewayat
part2
ابدأ من البداية
