((سارة))
كيف بامكانه ان يتحدث معي بهذه الطريقة اوه يالهي لقد فهم الكﻻم الذي قلته عنه ماذا افعل اﻻن اوه ياسارة مابكي فليفعل مايريد انا لم افعل شي ذهبت الى الكافتيريا حيث وجدت منى تنتظرني ذهبت وجلست على الطاولة التي كانت تجلس عليها
منى:لج سارة والله اسفة كل اللي صار بسببي مجان ﻻزم احجي وياج
سارة:ﻻ عادي مصار شي
منى:خاف ضجتي من عندي
سارة:اي والله ضوجتيني يلة كومي جيبيلي اكل علمود اتصالحيني
منى:ههههههههههههه همج على بطنج هسة كوليلي شسوالج اﻻستاذ
سارة:شسوة ميكدر يسوي شي طبعا بس اني حجيت عليه بلعربي و طلع عربي مو بس هيجي عراقي
منى:صخام هذا لسانج الطويل شوكت تكصريه
سارة:شسوي خلقت ربج الله خلقني هيج قابل اعترض على قضاء الله
منى:يمة يمة اكلتني وشربتني اني حكوم اجيب اكل تريدين شي
سارة:اي هذا الحجي الزين باعي اريد همبركر دبل وفنكر وببسي كبير وموطة وبس
منى:مكايلة شي تعاي اكليني
سارة:يلة بدون حجي زايد انطردت من وراج اني صوجي لو مفتنة وكايلة هي اللي حجت وياية
منى:ههههههههههه انتي شكد متستحين
ذهبت منى وجلبت اﻻكل وجلسنا نتناول اﻻكل ونتحدث ونضحك فﻻيوجد احسن من الصديق الذي يخفف عنك همومك الذي يجعلك تبتسم عند حزنك هكذا هي صديقتي
بعدها حضرت المحاضرات ومر اليوم بشكل عادي عدت الى المنزل
سارة:ماما اني رجعت
اﻻم:هلو حبيبتي
سارة:شمسويتلنة غدة
اﻻم:مقلوبة
سارة:الله يلة اريد اكل
اﻻم:انتظري هسة يجون اخوتج وابوج ونتغدة
سارة:اوكي
صعدت الى غرفتي غيرت مﻻبسي وارتديت بجاما وصليت وبعدها اخذت دفتر الرسم وبدات ارسم فهذا الشي يريحني وبعدها سمعت فتح الباب وجدت مصطفى
مصطفى:يلة متجين تتغدين
سارة:اي جاية
مصطفى:شبيج ليش ضايجة منو مضوجج
سارة:ﻻكلشي ماكو
مصطفى:تضمين علية
سارة:ﻻوالله بس هيج واحد رزل مضوجني
مصطفى:كوليلي منو واني اطيح حظة
سارة:ﻻالموضوع ميستاهل وبعدين يلة امشي خل نروح هسة محمد خلص المقلوبة
مصطفى:لج اي صدك يلة بسرعة
نزلت الى المطبخ تناولت الطعام وبدات بغسل المواعين فامي ﻻتقبل ان تدخل خادمة الى البيت ومر اليوم بشكل عادي في اليوم التالي استيقضت من الصباح استحممت وغيرت مﻻبسي لكي اذهب الى الكلية لم ارتدي شي يلفت اﻻنتباه فقط جينز وتيشيرت وحذاء رياضي رفعت شعري (بن) وذهبت الى الكلية اوصلني محمد وعندما وصلت ذهبت الى الكافيتريا لكي ارى منى وجدتها جالسة على الطاولة وحدها وتضع السماعات في اذنها ذهبت الى طاولتها خلعت سماعتها وقلت:صباح الخير
منى:لج كبر فززتيني
سارة:اوي عيني سندس شعدنة محاضرة هسة
منى:محاضرة عمر
سارة:اف هم هذا البومة ماريد احضر المحاضرة
منى:ﻻزم تحضريهة
ذهبت الى المحاضرة ولكن لم انتبه له كنت اتصفح في الموبايل بعدها انتهى وقت المحاضرة وعندما اردت الخروج استوقفني صوت رجولي يقول :انسة سارة هل بامكانك البقاء اريد التحدث معك بموضوع
كان عمر وقفت امام مكتبه وانتظر حتى خرج الطﻻب وقال:اني محبيت احرجج كدام الطﻻب مثل البارحة بس اني شفتج انتي منتبهتي اني ششرحت وجنتي كاعدة تلعبين بلموبايل انتي كاعدة تستهزئين بلمحاضرة شنو اللي دتحاولين تسوي
سارة:اني مسويت شي غلط وجتني رسالة جان ضروري اشوفهة
عمر:ﻻتستفزيني الرسالة متطول محاضرة كاملة
سارة:بكيفي
عمر:ﻻتتحديني ﻻن انتي مو كد هذا الشي
سارة:انتة متعرف منو اني وشكدر اسوي
عمر:ماشي انتي اللي جنيتي على نفسج
سارة:نشوف
خرجت من الغرفة وانا اكاد ان انفجر غضبا لماذا تحديته لقد كان شكله مخيف جدا عندما غضب اهدائي ياسارة انه ﻻيستطيع ان يفعل شئ
