*وااخيرا شرفتينا ست نور وين جنتي
نور:غير اشتغل يعني وين
مدت ايدهه
*وين الفلوس
طلعتهن
نور:هاج
*شوو قليل
نور:شسوي من الصبح اشتغل
*انلصمي ادخلي يلا
دخلت اركض من البرد رحت للغرفه لكيت بيبي تصلي و الصوبه يمهه وسراج كاعد يلعب بالعابه بوسته وكعدت اتدفه خلصت صلاتها وكالت
نوڤه :شلونج يمه
نور: الحمدلله بيبي جوعانه ماكو عشه
نوڤه:كومي غسلي و بدلي حته احمي العشه واني هم ما متعشيه
نور:صار بيبي
كمت اجيت اسبح الجو بارد مو مال سبح خلي اغسل توضيت و رحت صليت
خلصت اجت بيبي بيدهه صينيه
نوڤه:يله يمه كومي اكلي ونامي اكلت أو وكلت سراج وياي الي أمه ذبته عليه
أمه ملتهيه بروحها و بلبسها و ذهبهه ما يهمهه ابن ولا يهمهه بيت اهم شي عدهه
فلوس و طبات و طلعات
نور:يلا ولك اكل عوف الدب لا يتوصخ
سراج:انتي وثحه (انتي وصخه)
نور:طاحضك اكل بدون لغوه
وكلته وخلصته كمت نزلت المواعين و غسلتهن لكيتهه بل مطبخ تطك بعلجهه
علياء :باجر تطلعين تشتغلين بلسته
نور:بالسته شعندي؟؟
علياء:حته ترجعين الضهر تشتغلين لآن بليل يجون اهلي البيت اريده نضيف كله
نور:مريضه انه ماكدر
علياء:طبج مرض وشعليه انه مو زين مني ملفيتج عندي وما طرتج بالشارع تاكل بيج الجلاب
طاحت دمعه مني تجوي بكلبي كلامهه خنجر صار بروحي كلشي تسوي ولا تحجي هيج خلي تضل تضربني وتحركني وتكصص اديه ولا تعيرني طلعن دموعي من عيني وصلت بابا الغرفه مسحت دموعي و دخلت
نور:بيبي اني راح انام كعديني ب 6:00
نوڤه:شعدج كاعده من الصبح
نور:عندي شغل
اخت سراج انومه بقى يلغي وانه راسي موتني عيطت عليه
نور:سراج كافي نامم
سراج:برطم حلكه وبجه
نور:اسفه ياروحي اسفه بس نام يلا حته باجر اجيبلك وياي ككوه
سراج:مثاعلجس انه ما حبس(مزاعلج انه ما احبج)
نور:يلا ياعيوني تعال نام فرشت فراشي و نمت
ياريتني ما خليت راسي على المخده دموعي ضلت تصب وانه أتذكر شلون عشت وشنو شفت ماعندي احد احجيله هي صديقتي تركتني تغيرت علي
ماعندي احد اشكيله ضيم كلبي ماعندي احد احجيله شسوت بيه الأيام
شصار بيه واني طفله من يوم الفتحت عيوني على الدنيا ما شفت الراحه
شيصير لو هسه عندي أهل ؟؟
YOU ARE READING
حب بين قضايا الجحيم
Mystery / Thrillerفتاة جميله ذات ملامح طفوليه تقع في غرام شخص وهاذه الشخص الذي يحررها من حياتها المضلمه ومن يكون هاذا الشخص ؟؟؟
part1 ✨
Start from the beginning
