نبذه بذكر الله ✨
بسم الله الرحمن الرحيم
_____________________________
حب بين قضايا الجحيم
الكتابة:زهراء حسين
_____________________
أين يذهب المرء حين يشعر بأن لا مكان يحتويه ؟
_________________________________________
من أرض الواقع
"بغداد"
بحضرة الأمام الكاضم (عليه السلام) صوت دعاء كميل الي يرد الروح اباوع كله ناس اكو يبجي ويطلب حاجته واكو فرحان الأمام قضه حاجته والي يلاعب جهاله وووو هواي ناس الفرحانه والضايج والضايع مايعرف وين يروح
بصفنتي
ولفت انتباهي بت صغيره يطلع عمرها بالثمن سنوات تلعب ويا ابوها تبوسه وتشرد وهوه يصيح عليها يريد يلزمها اباوع ودموعي تصب ليش ماعشت طفولتي أنه ليش ما شفت حنان الأب ولا شفته شلون يخاف عليه ليش ما بست أبوي دنكت ابجي وتذكر كل الصار وياي من عمر عشر سنوات لهسه ضايعه ومااعرف شسوي وين اروح اربعه ايام مماكله ميته جوع
اجيت للكاضميه من ضيم كلبي اجيت و بيدي بس الف دينار خاف اصرفه ومااكدر ارجع ل مكاني ماعرف شسوي وين اروح بأفكاري ونمدت ايد اليه رفعت راسي شفت مره جبيره يطلع عمرها بل خمسين انطتني ماعون دولمه وكالت ......
*هاج يمه هاذه ثواب بروح وليدي اقريله الفاتحه بعد روحي
*شكرا خاله الله يرحمه
*ويرحم موتاج بنيتي إنشاء الله الأمام يقضيلج حاجتج ويريحج
مشت الحجيه باوعت عله ماعون الدولمه وفرحانه و اخيرا راح اكل شي اكلت وخلصت سمعت الاذان رحت ازور أو أصلي حته اطلع لشغلي بصلاتي وتذكرت شنو كلتلي
*اليوم اذا رجعتي وماجبتي فلوس هواي ما تاكلين غير وجبه وحده
نزلت دموعي بغزاره وانه رافعه ايدي بجيت من كل كلبي أو ادعي
ياربي شنو ذنبي إنه لا عشت طفوله ولا عشت مراهقه كل عمري 18سنه وشفت الضيم
شنو بعد ينتضرني شنو كدامي بعد ليش هيج يصير وياي اختبارك صعب ربي مو كدهه انه وين اروح من عذابهه يارب اشرد هاي الناس ماترحم وهاذه الوكت ما بي امان ياربي أجبر كلبي ماعندي سند ماعندي أهل يحموني بحاجتك اني اللهي بحق جبل زينب (عليها السلام)
صليت وزرت و دعيت من كل كلبي ربي يوفقني أو ابيع الي عندي طلعت عليه الشغل جنت ابيع مي بلتقاطعات وكلينس ولبست ملابس عريضه جان شعري ولادي لبست كمامه ونضاره وخليت الكبوس عله راسي بديت ابيع ساكته بدون حجي ولا اجامل ابد الدنيا مو امان بعت و خلصت وصارت الدنيا ضلمه على صوت اذان المغرب بغداد بالكاضميه تحديدا مشيت وانه ميته برد دكيت الباب اجاني صوتها سديت عيوني بقوة وايدي ترجف فتحت الباب وكالت ......
ESTÁS LEYENDO
حب بين قضايا الجحيم
Misterio / Suspensoفتاة جميله ذات ملامح طفوليه تقع في غرام شخص وهاذه الشخص الذي يحررها من حياتها المضلمه ومن يكون هاذا الشخص ؟؟؟
