Could be together again?

ភាគទី7: ជួបគ្នាទៀតហើយ?

ព្រឹកបន្ទាប់...

«ទីនេះស្រស់ស្រាយណាស់»ថេហ្យុងងើបបើកភ្នែកមកក៏ទទួលយកខ្យល់អាកាសបរិសុទ្ធនាព្រឹកព្រលឹម តែមិនបានចាប់អារម្មណ៍ជាមួយនិងអ្នកដែលកំពុងតែឈរដោះអាវត្រដាងសាច់ដុំអោយគេអែងមើលនោះទេ ស្អីងើបពីព្រលឹមមកភ្លាមមានរឿងអោយក្តៅភាយពេញមុខតែម្តង

«សំញ៉ែងណាស់ណ៎...គួរអោយស្អប់»ថេហ្យុងធ្វើមុខជ្រេញទៅអ្នកដែលកំពុងតែក្រេបកាហ្វេដែលនៅជាប់និងដៃនោះតិចៗ ជាមួយនិងខោជើងវែងប្រភេទសាច់ក្រណាត់ពណ៌ស ដោយពុំមានអាវពាក់ឡើយ

«ប្រហែលជាគ្មានលុយទិញអាវទេដឹង»នៅមិនអស់ចិត្តសម្លឹងមើលសាច់ទ្រូងគេហើយក៏មកធ្វើជារអ៊ូតែអែង តែនៅមិនព្រមងាកមុខទៅណាសោះ ទទួលស្គាល់ថាគេខានស្ទាបអង្អែលកន្លែងនោះយូរមកហើយ ដើមទ្រូងហាប់ណែនពេលឪបទៅមហាសែនកក់ក្តៅតែពេលនេះវាក៏លែងបានដូចពីមុនហើយ ពេលនេះបានត្រឹមឈរមើលអ្វីដែលលែងជាកម្មសិទ្ធរបស់ខ្លួនហើយក៏រៀងស្តាយតិចតួចដែរ។

«ហើយអាកាហ្វេនិងក៏ដូចចិត្តផឹកមិនប្រែសោះ»

    ចំណែកឯជុងហ្គុកនេះវិញគ្មានបានទៅចាប់អារម្មណ៍ជាមួយនិងថេហ្យុងធ្វើទេព្រោះខួរក្បាលកំពុងតែគិតពីម្នាក់ដែរឈរសម្លឹងមើលមកនាយនោះអែង។

#skip...

   បើនិយាយពីអ្នកដែលនៅសេអ៊ូនេះវិញ ម្នាក់ៗមមាញឹកនិងការងាររៀងខ្លួនរកពេលសម្រាកគ្មាន ផ្ទុយពីខេវីនដែលកំពុងតែត្រូវលោកប៉ាហៅមកស្តីអោយមិនដកមាត់ទាល់តែសោះ

«អែងនេះនៅធ្វើខ្លួនអត់បានការដល់ពេលណាទៀត ក្រុមហ៊ុនយើងក៏មាន រីសតក៏មានអែងមិនគិតចង់ជួយធ្វើការងាររឿងខ្លះទេហេ៎??»សំឡេងធ្ងន់ៗបានចោទសួរទៅកាន់ខេវីននោះជាលោកប៉ារបស់នាយព្រោះធម្មតាអ្នកទាំងពីពុំដែរត្រូវគ្នាស្រាប់ហើយ ដោយសារគាត់យល់តែចិត្តខ្លួនអែង ធ្វើអ្វីមួយក៏ចង់អោយខេវីនធ្វើតាមហើយចាប់ផ្តើមប្រៀបធៀបនាយជាមួយនិងអ្នកនេះអ្នកនោះគ្រប់ពេល ទោះនាយល្អយ៉ាងណាក៏នាយនៅតែចាញ់កូនអ្នកដទៃដដែល ព្រោះនាយមានប៉ាពូកែប្រៀបធៀបនោះអី។