#كيف لي ان انسى
part 5
:يقال عند الوداع :مع السلامة اين السلامة في وداع المحبين!؟؟ 🖤🥹🥹
''''''''
الماضي؛
لارين: لا هسة جايبلهة تجهيزات المدرسة كلهة ومجايبلنة
يوسف: حياتي هذني جبتهن من بغداد مو حلوات انتو اموصيلكم من دولة ثانية ملابس وقرطاسية اتخبل بس يوصلن اجيبلكمياهن او ادزهن بيد احمد
نارين: صدك يعني جايبلنة احنة هم ومن دولة ثانية؟؟
يوسف: ايي كلبي
فرحن شوية وراحن ايشوفن الغراض وية ياسمين واني هم طلعت للشغل وجان اكو شي كلش خايف منة واتمنى انه ميصير
رجعت للبيت الطريق كلة بالي مشغول معقولة حياتي الي صارلي شكد ابني بيهة رح تنهدم؟؟
ولازم ابدي حياة جديدة وية ناس ثانية؟؟
لا لا ماريد حتى افكر ابهل موضوع اكلني التفكير اكلل
وصلت للبيت لكيت باب الحوش مفتوح بيت خالي ابراهيم يمنة
اول مطبيت اتلكتني امي
حياة: ياهلا ابشمعة بيتي
يوسف: بست راسهة وكلتلهة: هلا بيج يمة حياتي
شلونك خالو
ابراهيم: هلا ابيوسف وينك يمعود شو ماكو
يوسف: واللة مشغول ابهل دنيا وشغل تعرف بعد
ابراهيم: اللة ايساعدك حبيبي
يوسف: تسلم
باوعت عل سيف كاعد كبال بفرين ويباوعلهة اعيونة تريد تاكلهة كلت اغورة شوية ايضوج واحد يحجي وياهة
شلونج بفرين شو حليانة ولج
باوعت السيف خازرني ضحكتلة بستفزاز ودرت وجهي عليهة
دنكت راسهة ابخجل وكالت
: زينة
يوسف: دومج يارب شلونج بل دراسة
بفرين: بطلت هههه
يوسف: شنووو؟؟
وشو امكيفة؟؟
بفرين: يمعودمالي خلك وبعدين شسوي بيهة فلوس بابة اتعيشني ملكة طول عمري
يوسف: امم ابراحتج بس محد ايفيدج غير دراستج وانتي عندج خوات وخوان يعني فلوس بابة
الدتحجين عنهة اذا كل واحد وكعلة منهن نص كيلو بقلاوة زين
بفرين: لا عفية البقلاوة اتسمني باع ايدي شسمنهة صايرة وهاي بدون بقلاوة
تحجي ابعفوية وسيف ايريد ينفجر منل غير اتواريني ابايدهة وهية لابسة قصير وضيق وايدهة كلهة طالعة امدللة ابوهة عيني
كام سيف متنرفز ويحجي ابعصبية
سيف: تمامممم بفرين شافهة كافي كعدي
استغليت الموضوع ردت اخليهة اتشوف غيرتة عليهة بس صلوات هية ماكو لا احساس ولا شعور
لزمت ايدهة واحجي
