هاجسي وافكاري شاغلها غرامه

Part 25

اؤمت اريام راسها باحراج:" اي توني اخلص مكياج تعرفيني اطول"

الترف:" ياشيخه قولي والله طيب"

اريام:" شفيك؟"

التفتت الترف براسها وهي تقول:" اي وين سعود؟"

رفعت اريام كتفها:" مدري ما شفته طول الوقت وانا في غرفتي اتصلح"

خرج سعود بعد لحظات من غرفة صافيه وهو يعدل شماغه اللي كان معصبه على راسه ومن غير ما يلاحظ على الترف يقول:" غيرت ثوبي اسود مثل ماتبين"

عضت اريام على شفايفها باحراج وهي تناظر في الترف اللي كتفت يدها على بعضها وضحكت بسخريه تهمس لاريام:" مو على اساس في غرفتك تتصلحين"

بلعت اريام ريقها:" هو بس سالني وكذا عن راي"

حك سعود عنقه باحراج وهو يقول:" اوصلكم؟"

رفعت الترف حاجبها وهي تبتسم بهزء:"يلا خلونا بس قده بياذن العشاء"

مشى سعود قدامهم لبيت عمه وهم يمشون وراه ابتسمت اريام وهي تناظر في ظهر سعود لكنها تقدمت بعد لحظات عنه وهي تضحك تسبقه لبيت احمد

ابتسم سعود بعد ماشافها واقفه قدام البيت وهي تنتظر الترف اللي تقدمت لها لكن رجعت الترف تناظر في سعود اللي ابعد ابتسامته بعد ما شاف نظرتها له

ضحكت الترف وهي تدخل بيت عمها قبل اريام اللي وقفت وراها وهي تبتسم بخجل بسبب همس الترف:"خفيف اخوي"

فسخت اريام طرحتها بخجل بسبب نظرات الترف اللي كانت تركزها عليها بعد ما شافت شكلها كامل:"والله معد الومه اذا صار خفيف"

صرخت الترف بصوت عالي بعد ما نزلت اريام عبايتها تجذب
فاتن اللي كانت متوجهه للمجلس وهي حامله الصينيه بيدها لكنها تقدمت منهم وهي تبتسم لاريام :" ماشاء الله اريام تجننين تجننين"

ابتسمت اريام بخجل وهي تفرك يدها على حواجبها:" لا تبغالون"

الترف:"والله مانبالغ تدوخين يا اريام اللبس عليك يجنن مستغربه سعود كيف ما اكلك"

غمزت فاتن للترف وهي تضحك:"انتي شوفي روجها المحوس واضح انه اكلها"

شهقت اريام وهي تلتفت على المرايه تعدل شكلها باحراج بسبب ضحكات البنات اللي ارتفعت

الترف:" يالله لا تتاخرين حنا بندخل المجلس قبلك"

كانت اريام بتسحب يد الترف حتى تطلبها انها تدخل معها لكنها تجاهلتها ولحقت فاتن اللي همست لها بعد ما دخلو المجلس :" بحط لها شيله ترحيب وهي داخله بولعها عليها اليوم احراجات"