هاجسي وافكاري شاغلها غرامه

Part 25

مستحيه وربي منكم!! مو طبيعي زودتها اخر مره نزلت متى 😭😭؟
بس وربي ان الاختبارات صدعتني تخيلو ان بكرا علي اختبار بس تستاهلون بارت

هذا البارت اللي كتبت الروايه عشانه احس اني مبسوطه اني وصلت له 🥺🥺

المهم استمتعوا بالبارت وبليز حسسوني بوجودكم في التعليقات

__________________________________

" تتزوجيني؟"

كانت كلمة وحيده مكتوبه على الورقه اللي بين ايدين اريام بس ماكانت هذه الكلمه لوحدها سبب في ارتعاد قلبها وحواسها اللي انتفضت من لحظة ما استشعرت شفايف سعود اللي كانت تطبع على رقبتها

غمضت عيونها وهي تحاول انها تلقط انفاسها المتقطعه مثل نبضتها اللي كانت تنبض بشكل عشوائي وكأن قلبها بيخرج من داخل صدرها في اي لحظه

مسكها سعود من يدها اليمين اللي كانت ترجف وهو يبتسم ويناظر فيها من المرايه اللي كانت قدامه

وتعكس له ملامحها وشكلها اللي خلاه واقف لدقايق طويله بجنب الباب وهو متجمد يتاملها

قرب منها اكثر واكثر واكثر لحد ما كتمت انفاسها حتى ما تتنفس من ريحة عطره اللي زادت في تشتتها

حاوطها سعود من خصرها وهو يبعد شعرها من على كتفها اللي كان يلامس جلدها بكل نعومه ناظرت في الورد اللي بين ايدها حتى ماتجي عينها بعينه وتلمح نظراته المرايه اللي كانت تعكس لها طوله وعرضه

حبست شفايفها بين اسنانها وهي تشد على الورد بعد ما قرب راسه بين كتفها ورقبتها وهو يقول:"والله ان ريحة الورد مافاحت الا من بين عروقك"

ناظرت اريام في الورد الاحمر اللي بيدها ولاحظ سعود ابتسامتها الناعمه اللي رسمتها على وجهها:"عجبك الورد؟"

اؤمت اريام براسها من غير ماترد عليه كونها كانت تشك ان صوتها بيخذلها برجفته لكن ماتوقعت ان الخذلان بيجي من يدها اللي رجفت بسبب يد سعود اللي حطها عليها

قبض يدها بين يده وبين ايديهم الورد الاحمر اللي زرعه هو وقطفه حتى يعانق يدها :" ولو انك تستاهلين اكثر لكن قطفت كل اللي غرسته ولا مداني امر السوق واشتري قبل اجي"

ابتسمت اريام وهي ترجع راسها على صدره:" لو اشتريته كنت بزعل منك"

حركت بدها على يده وتتنفس بعمق ورجعت تقول:" انا ما ابيك تشتري لي الورد ابيك انت تزرعه عشاني"

لفها سعود عليه بيده اللي على خصرها:"ما دامك تزرعين الحب في جوفي نذر لازرع لك الدنيا كلها ورد"

عضت اريام على شفايفها وهي تناظر في عيونه بحذ بعد ما شافته يتاملها ولاحظت في نظراته انه متهلف لها برزت ابتسامتها وهي ترفع الورد بيدها الثنتين بعد ما ابعد ايده عن ايدها ونزل يده على خصرها