هاجسي وافكاري شاغلها غرامه

Part 25

ضحكت الترف بسخريه:" مسوي يعننك مو خايف"

نفى ماجد براسه وهو يضحك ويولع الدخان وقبل لا يحطه على شفايفه قال:"والله ان سويتيها لك اللي تبين بتحققين مناي انتي منب رادك على فعلك"

رفعت الترف حاجبها وهي تناظر في ماجد اللي كان يبتسم ويدخن بيد ويشرح بيده الثانيه الموقف اللي بدء يرسمه في خياله ويقول:"تخيلي معي الموقف يجي ابوي وانتي تصيحين و في لحظتها يشوفني واقف معك وعلى قولك اتحرش فيك"

زمت الترف شفايفها بين اسنانها بعد ما قرب وجهه من وجهها وهو ينثر هواء الدخان:"ويغصبني عاد اعرس عليك"

سعلت الترف بسبب الدخان اللي كتمها:" الله ياخذك انت وافكارك الوسخه

ضحك ماجد ورجع يقول لها وهو يسحب من الدخان:" الا ماقلتين وش موقفك هنا؟"

بلعت الترف ريقها:"جيت انادي بنت خالتي تاخرت"

اؤما ماجد براسه :" وسعود تاخر بعد"

بعد ثواني وسع ماجد عيونه وهو يناظر في الترف:"اخو سعود"

الترف:" شفيك"

صرخ ماجد من عند الباب:" ولد سعود انت في البيت"

شهقت الترف ومدت يدها تكتم على شفايفه وهي تقول:"انطم لحد يسمعك بعدين سعود مو في البيت"

صغر ماجد عيونه:" الا هو قايل انه بيتغسل"

الترف:" يمكن انه طلع مافي البيت الا اريام"

عض ماجد على يدها اللي كانت تغطي فيها على شفايفه:" تغطين عليهم انتي؟"

نفت الترف براسها وهي تسحب يدها :" شفيك انت عنيف بعدين اغطي على مين ياماما مافي البيت الا اريام"

كان ماجد بيتكلم لكن دفته الترف من صدره لوراه:" روح يالله عند ابوك فكنا منك "

رمى ماجد الدخان اللي بيده وهو يقول :" ولد لا تدفين رايح رايح"

رجع يناظر فيها وهو يشوفها تدفه من على صدره:"لكن خلك انتي تضبطين للناس وضعهم وناس ماغير تحقرين فيهم لكن الشكوى لله بس"

ضحكت الترف باستغباء:"يليل مدري انت وش تقول فارق بس"

التفت ماجد يعطيها ظهره وهو يضحك ورجعت هي لبيت صافيه تدق بابه قبل لا تدخل وهي تبتسم بسخريه

لكنها رفعت حاجبها بعد ما شافت اريام واقفه قبالها وهي شايله شنتطتها وعبايتها كانت عليها:" ماشاء الله اخيرا خلصتي؟"