هاجسي وافكاري شاغلها غرامه

Part 25

تقدمت الترف تجلس على ركبتها قدام جدتها :"ياجده انا بروح"

قالت صافيه بتهجم:" وش يروح بك انتي الرجال قاعدين برا"

ابتسمت الترف باحراج للحريم اللي كانو حول جدتها وسمعوها:"بطلع من باب المطبخ محد بيشوفني"

صافيه:"لا تتاخرين عودي بسرعه"

اؤمت الترف براسها وهي تخرج من المجلس وتتوجهه لغرفة ريماس تسحب عبايتها قبل لا توقف عند باب المطبخ وتلبسها

خرجت من الباب وهي تناظر في الجهه اللي كانو جالسين فيها الرجال بصدمه بسبب كثرتهم ناظرت فيهم بخوف تفكر كيف بتخرج وما يلاحظونها

شافتهم بعد لحظات وقفوا يستقبلون واحد و مشت بسرعه لبيت صافيه بعد ما رمت على وجهها بالطرحه تغطيه

فتحت باب بيت صافيه بخفه لكنها شهقت بعد ما شافت سعود واقف مع اريام وحدهم في البيت كانت بلحظتها بتدخل عليهم لكن وصلها صوت من خلفها وقف كل حواسها:" وش تسوين هنا؟"

ضربت الترف على صدرها بعد ماعرفت الصوت يرجع لمين و قفلت الباب بسرعه تلتفت وراها:"وجع ماجد وجع "

رفع ماجد حاجبه وهو يقول:" وش مطلعك من البيت وبعدين وش اللي موقفك هنا؟

رفرفت له الترف بعينها":ماجد تكفى مو وقت سوالفك فارق"

مسكها ماجد من عضدها:"انتي ماتعرفين تجاوبين على قد السؤال بعدين ماتشوفين الرجال اللي قاعدين في الحوش؟"

حاولت الترف انها تبعد يده اللي كانت شاده بقوه على عضدها:"كل تبن تكفى ترى مو طايقتك وربي ابعد عني"

ماجد بحده:"منب مبعد عنك واحمدي ربك ان محد شافك وانتي تمشين ولا كان"

قاطعته الترف من كلامه وهي تضربه على صدره:" ولا كان وش قول كان وش"

مارد ماجد عليها وابعد يده عنها لكنها رجعت تقول:"وش دخلك انت فيني وربي يا ماجد لاصرخ واتهمك قدام الكل انك تتحرش فيني"

وسع ماجد عيونه وهو ياشر على نفسه:" انا اتحرش فيك؟"

اؤمت الترف براسها:" اي بقول عليك انك متحرش"

رفع ماجد حاجبه بتحدي:" يالله سويها"

الترف:" متاكد؟"

حط ماجد يده داخل جيب ثوبه يسحب بكت الدخان:" اي انتظرك يالله صيحي و قولي ان ماجد يتحرش فيني تحسبيني بمنعك؟"