هاجسي وافكاري شاغلها غرامه

Part 25

عضت على شفايفها وهي تشهق بعد ما حملها من فخذها يرفعها بيدينه لفوق:"وتقولين مو موافقه وتبين تفكرين"

حاوطت رقبته بيدها وهي تضحك:"لا مو موافقه بديت تخوفني"

رفع سعود حاجبه وهو يجلسها على طاولة المدخل:"اخوفك؟ توك تبوسين في شفايفي"

عبست شفايفها وهي تنفي براسها:"كذاب ماسويتها"

قرب سعود راسه من راسها وهو يبوسها من طرف شفايفها:"وروجك الاحمر اللي على شفايفي وش؟"

سحبت اريام منديل من جنبها وهي ترجع راسه على ورا تبعده عنه:"يمكن دم طيب مو روج"

ضحك سعود وبدت اريام تمسح بالمنديل على شفايفه وهو يناظر في قصة لبسها ويقول:"سامح الله من حاكه وصمم طرازه"

رفعت اريام حاجبها بعد ما شافت اللون الاحمر اختفى من على شفايفه لكنها كانت مستمره تطبطب على شفايفه بالمنديل:"حاك ايش مافهمت؟"

ناظر سعود في جسمها ورجع يناظر في عيونها:" ثوبك"

ابتسمت وهي تنزل من على الطاوله تدور حول نفسها:" صح ماقلت وش رايك فيني حلو اللبس الجنوبي علي؟"

سحبها سعود من يدها وصار يدورها هو بنفسه:" والله انه ما زهى الا عليك"

ضحكت اريام وهي تصغر عيونها:" ها صرت جنوبيه الحين؟"

مسكها سعود من دقنها يسلم على راسها وهو ييتسم ويقول:"جعل الجنوب وسعود والدنيا كلها تفداك"

نزلت اريام عيونها بخجل ترمي براسها على صدره بعد ماضمها وهو يمسح على راسها

وعند الترف اللي كانت جالسه في زاوية المجلس حول بنات عمامها اللي كانو يقومون ويجلسون في الدقيقه الف مره حتى يصبون قهوه للحريم

ضربت ريماس كتف الترف وهي تقول:"ماودك تقومين تعاونينا ولا تحسبين نفسك وحده من الضيوف؟

مسحت الترف على كتفها:"كسر يارب ما ابي اقوم لاتنسين انك سحبتي علي في المطبخ ولا ساعدتيني"

غمزت ريماس لفاتن حتى تقرب منهم وهي تكلم الترف وتقول:"صحيح ليش طولتي وانتي في المطبخ كل هذا حتى تنقلين العيش من القدر للصحون؟"

بلعت الترف ريقها:"طولت عشان القدر كان حار وخفت ينكب علي"

فاتن:" صح ماشفتي ماجد اخوي ضنتي هو اللي جاء خذا الصواني؟"

نفت الترف براسها وبقوه وهي تتذكر نظراته اللي خلتها متوتره لحد هذه اللحظه