«ما وراء الحب»
«الكاتبة مرايم ال محمد»
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يدك براسي حبك يزغيرون
وحن الحرورتك حنين النوك
حقي ارتبك واوكع من الاكيك
رمش عينك يفهي العدهن اطلوك
الشمس شتعودلك شو يجوي ملكاك
دفو ازنودك على المستبرد يلوك
حايط بيتكم معذور اذا طاح
الله يساعده بكل لحضه مدكوك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
« بّـــــــًسًـــمِ آلَلَهِ آلَرحًمِن آلَرحًـيــــــّمِ »
« البارت 13»
.......................
رسل : دخلت على انستا سجلت حساب جديد ورجعت راسلتا ودزيتله الصور
طول نص ساعه يالله شفت شافهن عدلت كعدتي ومركزا عيوني بشاشا
كتب : بويه انتي منو شتردين مني اعرفج تعرفيني
رسل : قابل شريد منك وشبيك شنو خايف ترا صورك مابيهن شي وحلوات هم مداهددك بيهن
كتب : خايف شنو شبيج بابا اني ماحجي على صور صوري ودزيتيهن رحم الله والديج بعد شتردين مني
رسل : غير داتعرف عليك قابل شريد
كتب : لا اتعرف عليج ولا بطيخ بويه روحي وجفيني شرج منو جابج عليه
رسل : اجيت وحدي محد جابني
كتب : طركاعه على راسج الله بيمن بلاني
رسل : بعد العبد المئمن مبتلي والله لو ما يحبك مايبليك
كتب : عمي الله وكيلج مو مئمن اني كافر
رسل : لعد شلون كافر وزور الائمة
كتب : هههه شلون ورطه هاي يلا مو كافر بعد شتردين
رسل : سلامتك عيني
كتله هيج وغلقت فوني وشمرت نفسي على جربابه وا باوع للسقف ومبتسمه ماعرف
شنو اريد وماعرف شبيه وماعرف كلبي شبي احس دكاته تسارع كل ماحاجي
نمت وماحسيت على نفسي اله ويا الاذان المغرب
توجهت للحمام غسلت وتوضيت
ورحت للغرفه اخذت جادر الصلاه وسجادتي ونزلت شفت ماما دصلي رحت
صليت وخلصت وشفت محد ذاكرني على غده عفت
وماكلت للعشه سويت لفت
جبن وجاي وكلت وعفتهم وصعدت نمت صبح الصبح تريكنه وخلصنه مروه غسلت
المواعين واني نظفت البيت ومشه روتين طبيعي بس رسل منسيه بين اهلها مرت تلاث ايام
صادف يوم جمعه وكلنه كاعدين من وكت فا كلت اني اسوي الغده كالت ماما
ام احمد : بكيفج امي اذا تردين سوي وهم لي يعجبج سوي
