سلسلهْ القيُد

بارت السادس

              {بَسم الله الرحمـٰن الرٌحيم }

بقلمي الكاتبه سمران الحسين 🌸

اني العايفك واني المجلب بيك
واني كل شيء بيه وكل شيء مابيه

****************************
مديت راسي اشوف منو اجه جان عفاف ويا ثنين ماعرفهم وياهم بنيه شگره بس عيونها صفر ومايقارب عمرها يجي بعمري فوتهم قيُد الصاله وانا صارت بيه حكلكه الى اشوف شيسوون كلساع اريد اطلع واخاف منه لحد ما تعبت من الروحه والرجعه صاح قيُد علي رحت ركض على المرايه اباوع بوجهي عدلت شعري الحمدالله سرح جان نفضحت مسحت وجهي بيدي وعدلت ملابسي وطلعت رافعه راسي واعكس برجلي امشي شلون ماعلمني جسُر (مشيه الاوادم)
اسيل :صحتني
قيُد :اي تعاي اسيل يمي
عفاف:شلونها الحسناء
اسيل :تمام وانتَ
عفاف :على الله
ابتسمت مجامله وانا اسرق نضرات على هاي الكاعده نهايه الكرويته سحبت الطبله وكعدت عليها
قيُد :اسيل هم شايفه هاي البنيه
باوعت على البنيه رفعت راسها علي هزيت راسي بلا
قيُد :اعرف الكلام مراح تستوعبينه بس هاي اختج
بقيت اباوعله بشرود وارجع اباوع عليها الدموع تجمعت بعيني اختي شنو اختي منيلي اخت انا
قيُد :نفسج هم جانت مخطوفه انتن تؤم واهلج قبل فتره لكوها وهسه هم لكوج ويردونج
جان يحجي الكلام دفعه وحده من وصل هنا درت وجهي علي نزلت دموعي
اسيل :تعوفوني ؟
كام كدامي كعد كض ايدي
قيُد :انت ِ عندج اهل والكل يتمنى حياتج شعاجبج بهل خرابه يا عيني
اسيل :متردوني ؟
جنت ماعرف شحجي بهل موقف بس فكره اروح عنهم عصرت كلبي
قيُد :انتِ بنتي الربيتها وترباتي متروح بسهوله بس المطلوب منج هسه بس ترحين وياهم مأقت لان لو مارحتي راح يشتكون علينه انو احنى الخاطفيج ويوصلون المبتغاهم
باوعت على البنيه جانت تباوع الاضافرها وتنفخ عليهن بملل
اسيل :منو كلك هاي اختي
-لتكولين هاي كولي اڤيان
اسيل :صخمان لطمان ايشي
كامت وكفت متنرفزه
اڤيان :عيني استاذ قيُد حاجيها وباجر اجي اخذها تمام
هزلها راسه وطلعت تمشي وطلعو وراها الزلم الثنين رحت كعدت يم عفاف الجان منزل راسه
اسيل :طلع عندي اهل عفاف
عفاف :بلعافيه عليج
اسيل :وقيُد راح يوديني يمهم يمكن لان تعب مني تدري يوميه اكله خ اشتغل وياك ميقبل كمنه انا وجسُر نطلع لوحدنه بسكوت نشتغل من ضوجه
جنت احجي بغصه ونبره مهزوزه خايفه من كلشي صارت عدي لحضه ادراك
اسيل :جسُر ايييي جسُر هسه بس يجي يطردهم ميريدهم ميقبل اروح وياهم
كمت وكفت قيُد مسح وجها وكام وكف مقابيلي عيونه حمر شكله باجي
اسيل :تبجي
قيُد :اسيل تعبان لا تزيديها علي الله يخليج
اسيل :قيُد لا تخليني اروح حباب
عفاف :انا اترخص شباب
رحت ورا لزمت ايده
اسيل :الله يخليك لا تخليهم يطوني
عفاف :اسيل ماتكيفين عندج اهل ام واب واخ واخت جد وبيبي وعمام وخوال متفرحين ومو بس هيج اهلج انتِ دولهه بعضمتها يعني متحتاجين شي ذا رحتي يمهم بعد حتى النه متحتاجين
اسيل :ماحبهم احبكم الكم
قيُد :نفس ما حبيتينا راح تحبيهم
بعدهم يحجون وطب جسُر شايل علي على ركبته ويغني
انا ابن البصره احجي بصوتي بجيت المحتل بحدودي ها هاها باوع علينه وسكت نزل علي بيده يباوع بتسأل
جسُر :علي ذا رحت هسه للغرفه ونمت باجر اخذك هم للعاب
راح علي يركض للغرفه كعدت على القنفه تقدم جسُر على قيُد
جسُر :ابو شنب ياهو وياك ليش تبجي منو ميت يمعود
عفاف :جسُر مو وكت شقاك
جسُر :جا فهموني شكو وجهوتكم زا****
اسيل :لكوني اهلي ذا ماروحلهم باجر راح يشتكون عليكم يريدون ياخذوني لان همه دوله
جنت احجي بعتب واقلد نبره قيُد ب كلام
جسُر :زربا عليهم جا وين جانو هاي المده كُلها
قيُد :جسُر لا تحجي شي ماتعرف شنو موزون كلامه
جسُر :اوكف اوكف الافهمه من كلامك تريد تنطيهم اسيل ؟
عفاف :هو الي لازم يصير هيج مجبورين
جسُر :اكلو خ/ره مجبورين شنو لااكطع نعالات ع راسكم
قيُد :ويننن احترامككك
جسُر :ذبيته بصف غيرتكم الماكووو
اسيل:لحد يتعارك خلص اروح هاي هيه
جسُر :مو بكيفج مترحين
قيُد :تروححح معليكككك ياخي لا تدخل
جسُر :الله يغضب على راسككك بجاه هاي الضهريه
طلع وسد الباب حيل طلع ورا عفاف باوعت على قيُد بعده يباوع على الباب تأفأف وراح كعد على الكرويته كمت للغرفه بدون ماحجي شي طبيت حطيت ايدي على كلبي تدك بقوه شون اعوف علي وجسُر ذول اخواني شون اعوف قيُد اخخخ يا قيُد تعلقت بي كُلش هواي مثل طفله تتعلق بابوها احبههه شلون اكدر بدونه مجرد تفكير كلبي ضل يوجعني رحت على الفراش غطيت راسي ونمت والدمعه بخدي ماعرف شلون غفيت كعدت على صوت همس جسُر
جسُر :والله ماعرف شلون راح افاركج لو قيُد شون قبل ترحين يمهم بس بعد مابيدي شي لو بيدي اشلع عيوني الج انتِ مو بس مجرد شخص عابر انتِ اختي الما جابتها امي وحتمال حتى لو صار عدي اخت مراح احبها بكدج (انتِ كلبي وعقلي بدونج راح اتخبل )
نزلت دمعتي حاره فتحت عيوني جان كاعد كدامي مسح وجها وبتسم بحزن
اسيل :ليش تردوني اروح
جسُر :رحت واتاكدت همه اهلج جنت عبالي مو اهلج بس رحت شفتهم كلهم اهلج
اسيل :منمه ذول ومنين طلعو شلون عرفوني
جسُر :تشبهين امج الله يرحمها
باوع علي بتمعن
اسيل :منتضر انقهر على مرا ماعرف منو هيه ؟
جسُر :امج
اسيل :الماذكرها بحياتي
جسُر :جا كومي بدلي خلي نطلع
اسيل :كام يحجي ب جا
جسُر :لعد نسيت مو لازم ارجع لاصلي اول تالي ف اعذريني ماصير ادمي
ضحكت وكمت الم شعري وهو وكف على المرايه يمشط شعره
جسُر :اني حلو لو مرايتج اطلع الواحد حلو
اسيل :دخيل الله شكد مغرور
جسُر :دشوفي عيوني شون حلوات بس لونهن يشك المطي
اسيل :يعني يشكك
ذب المشط وركض وراي طلعت اركض من الغرفه للصاله شفت قيُد كاعد ولازم راسه ركضت ورا اختل
اسيل :قيُد الله عليك كوله لا يضربني
اجه جسُر بيده نعال بنفسجي
جسُر :اكتلج بهذا البنفسجي شو شفته حلو مال اوادم يلوك الوجهج تنضربين بي
قيُد يباوع علينه مصدوم مساع جنه نبجي شون هسه نتعارك ونضحك
اسيل :قيُد عيط بي شني هاي يريد يضربني وانا وراك وين الاحترام
قيُد :لك جسُر ادبسزز ذب نعال لا اكطعه على راسك
طلعت الساني الجسُر اضحك علي
جسُر :لك قيُد تكلي جنك مطي
اسيل :جذابببب
جسُر :وتكلييي جذاب نوببب اليوم اكطعه
لزمت بتشيرت قيُد بقوه صار فوكاي وذاك يماطل علمود يوصلني اعرف يكدر يسبحني بس هاي دايماً هيج يسوي حتى نغير جو انا اختل ورا قيُد وهو عود ميكدر يضربني يضل بس يماطل طلع علي من الغرفه يفرك بعيونه
علي :تنوو ننناممم (شنو منام)
جسُر :لك اكرطههههه الينامممم والله شمر النعال بلكاع وراح شال علي يفر بي ب هوه هديت قيُد واباوع عليهم واضحك درت وجهي لكيت قيُد صافن بوجهي
اسيل :شبيك خالي لزمتك المتلازمه مال ابو صابر
اخخخخ يالساني اليوكعني بيدهممم انا كلت هيج وهذا ركض على النعال عفيه نعال ياهو اليريد يكتل اسيل يشيله ركضت اتحامه بجسُر
اسيل :والله اسفه بس احميني قيُد يقضي بيه التوبه
جسُر :هي الدنيا دوره بس مو بهل سرعه ربي
اجه قيُد بيده نعال
قيُد :ياهووو ابو صابر
اسيل :واحد يشك المطي
جسُر :لجججج اسيل
اسيل :شبيك والله ماقصدكك
انا كلت هيج وهم ثنينهم دارو وجهم علي طلعت اركض للباب اركض وي فتحته صاروا بوجهي........

مشاهده ممتعه
الانستا:🌸