"قالوا العمر سهم وموج البحر اميره سافرت كل العمر ورجعت اميرة السهم"

جزء ثمانيه وعشرين

(اليوم الثاني في البر)
زايد: ياولد قم افطر خلنا نسري
سهم: يلا هذاني قمت
زايد: ياشين نومك ماغير تتقلب
سهم: هاذا ولا شي كذا نومي
زايد: يلا بس قم صل انتضرك نفطر
سهم قام وتوضى وصلى وراح يفطر
زايد: كيف الفطور بس
سهم: والله فنان
زايد : فيه العافيه
سهم: يعافيك الا صدز ورا ماتجون الرياض
زايد: الود ودي بس امي تبي اهلها هنا وامي يقول ابشري
سهم: تعال انت ومرتك وولدك
زايد: قد جيت الرياض اربع سنوات درست في المعهد في الخبر بعدها رجعت وتزوجت
سهم: يالبيه الخبر كل شهر وانا فيها
زايد: هالله هالله جوها زين
سهم: اي والله
زايد: نفطر ونتوكل الحريم بيذبحونا لو طولنا
سهم: اي والله هههههههههههههههه
.................................................................
(في فلة سعد)
اشواق: يبه وين مصعب الحمار
سعد: وش تبين فيه
اشواق: ابي اروح الشوق بشتري فستان قايله له امس وذلحين مدري وينه
سلطانه وهي تصب قهوه: اخوك راقد فوق مانم الا الفجر
اشواق: اوريه
اشواق راحت فوق وداهمت الغرفه: مصعببب ووجع قم ياخي يلا
مصعب رمى عليها المخده: اطلعي برا لا اجلدك الظهر بوديك
اشواق: لا شمس ابي الصبح
مصعب: ياكلبه اطلعي
اشواق تحسست: طيب بطلع الله ياخذك
مصعب تغطى ب المفرش: سكري الباب معك
اشواق راحت لغرفتها وسكرت الباب وجلست على المكتب وحطت راسه بقلة حيله
مصعب عجز انه يرقد تأنيب الضمير ذابحه قام غسل وجه وراح طق الباب عليها
اشواق: ادخل مين
مصعب دخل وسكر الباب: انا مصعب اسف
اشواق: نعم
مصعب تقدم وهو اذا توتر يشبك اياديه ببعض: اسف اني قلت لك كلبه بس كنت مضغوط تهاوشت مع دانه ولا امداني ارقد ونسيت اني واعدك اوديك السوق
اشواق تنهدت: وانا اسفه اني قلت الله ياخذك كنت بعد معصبه
مصعب: يعني مو زعلانه مني
اشواق قامت وحضنته: لا طبعاً وليش متهاوش مع دانه
مصعب: انا قلت لها بسوي العرس هنا اعجبني الوضع قالت والله ماتسوي انا ابيه في الرياض واذا صامل تبيه هنا لابوه من عرس
اشواق: لاحول ولا قوه الا بالله يادافع البلا ماعليك اعرف انها تنرفزت من الموضوع بس شرايك نطلع ذلحين ونمرها وانت راضيها في السوق
مصعب: يالبيه يا الاخت الذكيه يلا البسي عبايتك انتضرك تحت
...........................................................................
(في بيت سهم واميره)
دخل البيت وكنت مافيه حس وانصدم من شاف اميره منسدحه في الصاله ولا عليها لحاف وملتمه على بعضها
سهم بصوت خفيف وهو يبعد شعرها من وجهها: اميره ميمي قومي شفيك نايمه هنا
اميره فزت: سهم وين كنت فيه انا في حلم ولا واقع
سهم ضحك: واقع يابنت قومي
اميره ارتمت في حضنه: خفت عليك وليش مقفل جوالك ادق ماترد
سهم: رحت ويا زايد البر ناخذ استراحه من العزايم
اميره: امس جت سمر عندي وقبل الفجر كذا راحت والله خفنا عليكم
سهم: يابعد الدنيا وين الورعان
اميره: توهم نامو نتفو شعري جننوني
سهم: ياروحي انتي عوافي انا شبعان نومم بتروش و بلعب سوني وانتي نامي واذا قامو انتبهت لهم
اميره حاوطت رقبته وباست خده: كفو زوجي احبك
سهم: وانا اكثر
اميره طارت تركض تنام وشعرها يطير معها وشكلها نتفه تركض
.............................................................................
(في بيت زايد و سمر)
مايد كان يحوس في الصاله ويغني:
انا عصفووو واكثر اصغيرر
بساعددد كل المحتاجين الو الو
اجينا بلاغغ المسكين ابنو ضاع
بطير بسرعه كثير وبدور بين البساتين
زايد: شذا العصفور الي يحوس
مايد ركض لحضن ابوه: بابتي وين كنت مالعبنا سوني
زايد: كنت مع سهم
مايد: اي امس انا وماما رحنا عندهم مرره طيبين لعبت مع ولدهم عز وبنتهم لينا
زايد: اي زين وين ماما
مايد: ماما فوق
زايد: طيب بسرعه عشان تلعب سوني رتب الصاله الي حستها
مايد: اوكيه بابا
راح زايد فوق وفي طريقه فك الغتره و شعره ودخل الغرفه الا سمر توها طالعه من الحمام والمنشفه حولها
سمر: زيود وين كنت فيه
زايد قرب منها: كنت طالع مع سهم ناخذ استراحه من العزايم
سمر قعدت تنشف شعرها: طيب عطني خبر حبي
زايد انسدح على السرير وطلع جواله
سمر سحبت الجوال: قم لا تنسدح وريحة الضو فيك تروش
زايد: بقوم بس عطيني الجوال
سمر اعطت زايد ضهرها: لا
زايد شالها بحركه سريعه: هاه تعطيني اياها
سمر ضحكت: بعطيك خلاص بس نزلني ابي البس
مايد دخل الغرفه: ماما بابا
سمر ركضت تدخل الحمام
زايد : انا مو قلت لك تطق الباب
مايد: اسف باباه
....................................................................
(في السوق مع دانه و مصعب و اشواق)
اشواق: انا بروح اذا خلصت بدق عليكم
دانه: بروح معك
مصعب مسك يدها: ابيك شوي
اشواق: يلا مع السلامه
مصعب اخذها وراح يجلس في كوفي
دانه: نعم شعندك انت بعد
مصعب: ادري اني زعلتك بس كان ودي العرس هنا بس رضاك اهم شي عندي وابشري وبنسوي عرس في الرياض الكل يتكلم من جماله تأمرين بشي ياروحي
دانه ارتاحت من كلامه: توقعت انك بتصمل على العرس هنا
مصعب: طبعاً لا ويلا قومي اي محل تبينه ابشري به
دانه: ابي ديور عادي
مصعب : يلا ابشري
راحوديور واشترت عطرين و اسواره وشوز لها ول مصعب واشترت فستان ومكياج 
دانه: يلا ياروحي رح حاسب
مصعب: ابشري
المحاسب: حسابك لو سمحت 2000 الف﷼
مصعب: هاه فيه شبكه
المحاسب: اي فيه
مصعب: تمام
حاسب وطلع
دانه: شكراً شريت اشياء كان نفسي فيها
مصعب: جتني دوخه من السعر عشرينن الف مره وحده
دانه: يعني ما استاهل
مصعب: تدورين الزعل قسم بالله لا تستاهلين فداس فلوسي كلها
اشواق جت : يلا نروح
دانه: يلا
ركبو السياره وراحو بيت سعد
...............................................................................
(في قصر صقر)
مرت يومين بدون اي حدث مهم
موزه: الو حور وينك فيه
حور قالت لها في الفندق الفلاني: تعالي خذيه انتي
موزه: طيب اني بجي اخذه نص ساعه بلكثير وانا عندس
حور: تمام تمام
موزه: انتي لحد يشوفك انتبهي يرحم امك
حور: طفشتيني طيب خلاص
مر الوقت ووصلت موزه وراحت للغرفه الي فيها حور
حور: طولتي علي
موزه نزلت الكمامه: شسوي طيب
حور: هاذي انتيي
موزه: شفيني
حور: توقعت انك احلى من بس طلعتي ركبه هاذي الصراحه
موزه مسكة كتف حور: احترمي نفسج احسن لج ولمصلحتك والشي الي ابيه اخذته مع السلامه
حور: لا تنسين الوعد وبس
موزه: طيب
................................................................................
(في فلة الجد فهد)
الجد فهد: ترانا بنروح بعد بكره عشان عرس حفيدي مصعب
غزلان: اجل على خير ان شاءالله ببلغ العيال
الجد فهد: زين زين
تركي: بنعزم صقر وعياله؟
الجد فهد: مافيها شي ذي اكيد هاذا سؤال الله يرضى لي عليك
تركي: ههههههههههههههه ماعليه
عبدالله: تركي من يومه فاهي ماعليه خلاف
تركي: احترم نفسك تراني اكبر منك
عبدالله: خذلك اقول بس عين من الله خير
........................................................................
(في قصر صقر)
موزه تكلمت مع العامله ب الانقليزي: اسمعي هاذا الشاهي عطيه سهم الي مركب تقويم طيب وهاذا عطيه زايد وخليفه ركزي اوكيه عشان اعطيك فلوس زياده
ميري: تمام اوكيه انا احتاج فلوس كثير
راحت العامله واعطت الشاهي المطلوب ل سهم
خليفه: موزه هي الي سوت الشاهي هاذا شكله راكدد
سهم: اي الصراحه فنان
صقر: ياولدي متى عرس مصعب و دانه
سهم: والله ياعم اني ناسي لاكن على حدود هاذي الاسابع وترا انتو معزومين و حنا بنمشي الرياض بعد بكره
سعيد: الود ودي تطولون لاكن صادف ان عندكم عرس لكن الله يتمم لهم على خير
سهم حس بحر وقام: استأذنكم بروح البيت نشوفكم بكره الظهر نتغداء
خليفه: على خير ان شاءالله دربك خضر
...........................................................................
(في فلة سهم واميره)
سهم دخل البيت وهو مخنوق وحرانن فصخ ثوبه و الفنيله
اميره: اكيدد كنت عند عمي صقر صح
سهم من شاف اميره صار يصارخ ويحط يده على اذنه
سهم صار يردد: روحيي لاااا روحي اسكتييي
اميره وهي خايفه: شفيك انت ماكل شي شارب شي سهم تكفى شفيك
سهم صار يصيح ويصارخ اذا سمع صوتها
اميره خافت وراحت فوق واتصلت على عبدالعزيز
عبدالعزيز: لبيه شعندك
اميره وهي تبكي: تعال عزوز سهم مدري شفيه يصارخ ويصيح اذا سمعني وجسمه صار تعال شفه
عبدالعزيز: ابشري ثواني وانا عندس جهزي التوام بنحطهم عند امي
اميره: ابشر يلا بسرعه
....................................................................
(في المستشفى)
مر كل شي سريع ودخل سهم الغرفه
عبدالعزيز: وصار له ومتى
اميره بقل حيله: جاء البيت بعد العصر من بيت عمي صقر ومن يوم دخل وحالته كذا
تركي جلس جنب اميره وحاوطها و حطت راسها على كتفه: ياروح ابوك انتي سهم ان شاءالله بيتحسن ماعليك سهم قوي
الدكتور: ياجماعه الرجال مافيه شي ولا اي نقطة مرض ولا تعب اعطيته ابراة مهدي الافضل انكم تقرون عليه وشخص واحد يقدر يدخل
تركي: الله يجزاك خير
عبدالعزيز: تدخلين
اميره: اي بدخل
دخلت الغرفه البارده وانكسر قلبها على وجه الذبلان
اميره بصوت هادي وهي تمسح على شعره: وشفيك ياروحي انت انت قوي تتحمل كل شي شصار عليك قم ياسهم طمن قلبي عليك طمن قلب ام عيالك عليك
دخل عبدالعزيز وعيونه تلع بس مانع الدموع تنزل: اميره قومي نروح البيت طلبتك قومي
اميره حطت الطرحه على راسها وقامت: ابي اروح بيت امي
عبدالعزيز: ابشري
...........................................................................

سوتها موزه لكن ترقبو وش الي بيصير🤯
احس هاذا البارت طويل مره