"قالوا العمر سهم وموج البحر اميره سافرت كل العمر ورجعت اميرة السهم"

جزء سبعه وعشرين

(عند الحريم)
اميره: افراح ابي سلك للمره المليون
افراح: ابلش وين اجيب لس منه
اميره: مدري يختي
حصه: سمعتكم بجيب لس سلك
اميره: المحزم المليون اعشقك
جابت حصه السلك وشحنت جوالها اميره وارسلت ل سهم
سهم: سمي يا الخفوق
اميره: فيني النوم
سهم: انتي و اخوك متعاطين شي صدقني ذاك يقول تعبان وانتي فيك النوم
اميره: ياويلي شفيه اخوي طيب ارسل ل رهف
سهم: مدري عنه بس انه بيتعشى و بيروح للبيت بلغي رهف
اميره: طيب اشتقت لك
سهم: توني شايفك قبل كم ساعه معجل ههههههههههه
اميره: اهااا يعني ما اشتقت لي طيب يا سهم طيب
سهم: افااا تزعلين مني يا اميرتي امزح الا والله اشتقت لس خلنا نرجع بس
اميره: لالا خلاص مابي ارجع كلشي بحكيه بتصدقوه عم نمزح
سهم: ياحبي لس بس
نرجع للحريم
مهره: حياكم للعشاء
لمار: تفضلو على العشاء حياكم الله ياعرب
حصه: موب صاحيه ذي البنت بس فلاويه حبيتس
اشواق: لناااا الله
روضه: لا انا حبيتس ماعليس منهم
اشواق: لبى قلبس والله
لطيفه: سرا اليل وحنا ما سرينا اعجلو خلن عنكن الحبحبه
اميره: ياخاله خليهم مهبل
سلطانه: مافيه عاقل غير اميره
اميره: شكراً لس عمه
راحو البنات يتعشون الاموزه في نفسها: اخذتيه مني ابيه اي
موزه اخذت جوال اميره وللأسف الشديد مافيه باسورد ودخلت الواتس شد انتباها محادثة اميره وحور وصورتها بجوالها واخذت رقم حور
سمر: شتسوين انتي هنا
موزه بتوتر: جيت اشوف كم في جوال اميره عشان اشحن جوالي
سمر: اجل تكفين خذي مايد من زايد بتعشى
موزه: ابشري به
..................................................................
(عند الرجال)
بعد ماخلصو وكلهم قامو
زايد: هاه سهم مشينا نروح
سهم: توكلنا
سهم: يبه انا بطلع مع زايد مشوار خذو اميره معكم
عبدالله: الله يستر عليك
مصعب: سالم دايم مغلق انت ولا شوضعك
سالم: تعبان فيني النوم
عبدالعزيز: سويت تضامن معي حتى انا
خليفه: انا بعد تضامن معكم ابي ارقد
سلمان وهو يشرب شاهي: ليش ماتتكلمون اماراتي
خليفه: اخذنا العرق من ابوي حتى امي ابوها سعودي و امها اماراتية
سلمان: زاد وانا اقول
سعيد: بطلع اودي روضه بيت اهلها واجي
مصعب: دربك خضر اجل
...............................................................
(في السياره سهم وزايد)
زايد : جوالك قفله
سهم : يانكبه وحرمتي بتقلق
زايد : ماعليك ياخي
سهم قفل جواله: اي يا زايد فضفض قل وش عندك
زايد تنهد: ابي اتزوج الثانيه
سهم: صاحي انت ليش في سبب
زايد: زوجتي سمر تقدر تقول اخذتها غصب في البدايه ما اطيقها بس يوم جابت الولد تقبلتها بس موزه اختي تقول تزوج الثانيه
سهم: لاحول ولا قوه الا بالله يا دافع البلا ماعليك من اختك دامك متقبلها وتحبها لا تتزوج الثانيه
زايد: تقوله صادز
سهم: اي وانا اخوك
وصلو للبر وحطو الفرشه و شبو النار ويصلحون شاهي
زايد: سهم قد ندمت على شي
سهم: اي صدقت وحده حطت كلام على اميره وانا كسرت ضلوع اميره وحبستها في مزرعه مابها احد كم يوم
زايد: لعنبو ابليسك صاحي انت
سهم: كنت معصب والله مانيب في الوعي كرهتني كره مو طبيعي
زايد: لاتلومها لو اني مكانها ذبحتك
سهم تنهد: صح انها سامحتني بس تخاف اذا رفعت يدي على اي شي تحسب اني بطقها
زايد: مشكلتنا العصبيه الزايده يا سهم انا صفقتها كف بقوه على ايش مدري
سهم: انا كل ماشفت الندبه الي على يدها ودي اصيح لين خلاص
زايد: وانا ليش جبتك هنا عشان نقول علومنا وجهك يشرح كل شي فاهمك
سهم: يااوك وينك انت عني من زمان
زايد: ههههههههههههه افهمك افهمك
سهم: تدري اغلب مشاكلنا على السوني
زايد: ياولد مثلي انا اذا طفشت اقعد اطقطق و العب وهي تقول ليش ماتجلس معي وليش وليش مايد المشكله يقعد معي اعلمه
سهم: حدي ثلاث ساعات اربع ساعات اطلع من الغرفه و اجلس معها ومع العيال
زايد: خلها على ربك بس
سهم ابستم من تذكر عياله: عز ولينا من ذلحين وهم مشاكل
زايد: انت عز ولينا وانا سمر ومايد هو يبي حلاوه وهي مشغوله قامت تصارخ عليه ويضربها وينحاش يصيح جابو لي الصداع ههههههههههههه
سهم: ياحليلك هاذا ولا شي عز يسحب مصاصة لينا ولينا لسانها طويل تصيح وانا مدري اسكت ذا ولا ذا يالله بس والله فداهم
زايد: اي والله فداهم
...............................................................
(في بيت سهم واميره)
بعد ماخلصو السهره ورجعت البيت تروشت ونومت العيال واتصلت على سهم لين جواله مقفل
سمر اتصلت على اميره: الو اميره
اميره: هلا ياروحي
سمر: سهم عندك ادق على زايد مايرد
اميره: حتى انا ادق على سهم مايرد وينهم فيه وين طارو
سمر: والله اني قلقانه
اميره: انا خايفه بلحالي
سمر: فاضيه اجيك
اميره:  اي تكفين تعالي انقذيني بتكسبين اجر فيني
سمر: اجل يلا دقايق وانا عندك مايد نايم عند عمانه
اميره: زين زين
....................................................................
(في بيت عبدالعزيز ورهف)
رهف: عبدالعزيز شفيك وجهك شاحب
عبدالعزيز كان ينطق بصوت هادي: تعبان جسمي مكسر
رهف قربت منه وحطت يدها تشوف حرارة عبدالعزيز: عزوز انت حارر جمره منسدحه شسوي
عبدالعزيز مسك يدها: لا تخافين بتخف بتخف
رهف: تستهبل علي حراره موب زكام
عبدالعزيز: مدري
رهف اتصلت على شيخه ام عبدالعزيز
شيخه: هلا يابنيتي
رهف: خاله عبدالعزيز حار مره وجسمه مايحس فيه شسوي والله انه جمره
شيخه: زاد وانا اقول وجهه شاحب اسمعي جيبي كمادات وحطي عند رقبته شوي و تحت باطه شوي و بين فخوذه شوي لين يجي الصبح ويروح المستشفى
رهف: زين ياخاله الله يسعدك
شيخه: وياس
رهف نفذت كلامها لعلى وعسى تخف الحراره
عبدالعزيز: خلاص ارتاحي لا تتعبين نفسك
رهف: طيب طيب خلاص بقي شوي
نجد سوت تسجيل دخول وصارت تصيح
رهف: نجد والله انه موب وقتك ابداً
عبدالعزيز ابتسم من سمع صوت نجد: روحي جيبيها تعالي
رهف: طيب ياروحي
راحت تشيلها من السرير وجت وانسدحت جنب عبدالعزيز ونجب فوق صدرها
عبدالعزيز: خلاص صرت احسن يوم شفتكم
رهف استحت: ياحبيبي انت
عبدالعزيز: اذا راحت الحراره بنروح انا وانتي وثمرة حبنا لبرجع خليفه
رهف: امانههه صدقق
عبدالعزيز: بكذب عليك مثلاً اكيد
رهف باست خد عبدالعزيز بكلل حب : احبككك يا اطلق زوج في العالمم
عبدالعزيز: ياحبي لس
...........................................................................
(في قصر صقر )
موزه ارسلت ل حور في الواتس وكانت مره متحمسه تتكلم معها
حور فتحت الرساله: مين معي؟
موزه: معاك موزه صقر
حور: اي من انتي شلون جبتي رقمي
موزه: بفهمك كل شي انتي تعرفين اميره اميره تقرب لي و ايش حصل بينكم قريت محادثاتك انتي وهي شفت محاكم وشرطه
حور: اي طيب وش شدخلك
موزه: وعرفت انك تحبين سهم زوجها!
حور: اي احبه وش تبين
موزه: اي اصدمك انا بعد احبه وابي منك معلومات عن اميره
حور: تعقبين تحلمين فيه والله
موزه: طيب تراك تبين تجين وتسكين في قصور ال فهد صح ولا
حور بأستغراب من انها عرفت وش في نيتها: اي انا نيتي كذا
موزه: بطلب طلب منك ونفذيه وابشري بملكتك على احد احفاد فهد
حور تحمست: امري وش الطلب
موزه: هو شي غلط لاكن بسحر سهم ابيه يحبني و يطلق اميره و الحرمه عنك في الرياض مو عندي وابيك تجين انتي و السحر وبتكفل في السفر و الفندق و كل شي حرفياً كل شي
حور: الفكره زينه خلاص تم عطيني الموقع وبجيبه منها وخلال يومين وانا عندك
موزه: تمام كفو
حور: كفوك الطيب
......................................................................

كيف عوضتكم ببارتين ترقبو وش بيصير🫣💥