ထိမ်း​​မြားပဏ္ဏာအင်ပါယာ

အခန်း ၂၀/ အရူး

ကျီယွဲ့က ပြန်မဖြေဘဲ အပေါ်ဝတ်ရုံကို ဆွဲချွတ်ကာ အတွင်းဝတ်ရုံတစ်ထပ်တည်းဖြင့် ကန်ထဲသို့ ဆင်းချလာသည်။ ကျီယွဲ့၏ ချဥ်းကပ်မှုကိုမြင်သော် ဝေ့လျန် လက်ကောက်ဝတ်တွင် ဝတ်ဆင်ထားသော ငွေရောင်လက်ကောက်ကို သတိကြီးကြီး ဆုပ်ကိုင်လိုက်သည်။ သူ့တွင် အခြားခုခံစရာလက်နက်မရှိ၊လက်ကောက်ထဲတွင် ထည့်ဝှက်ထားသော ငွေအပ်များသာရှိသည်။

ကျီယွဲ့က တစ်လှမ်းချင်းစီ လျှောက်လာသည်။ သူ၏အတွင်းဝတ်ရုံဟာ ရေနှင့်ထိသွားသည်နှင့်တစ်ပြိုင်နက် ဝမ်းဗိုက်မှ ကြွက်သားအပြိုင်းပြိုင်းကို ထင်ရှားစွာ ပေါ်လွင်စေသည်။ ဤသို့ဖြင့် ကျီယွဲ့က တစ်လှမ်းချင်းစီ လှမ်းလာရင်း ဝေ့လျန်နှင့် ခြေတစ်လှမ်းအကွာအဝေးသို့ရောက်မှ ရပ်သွားသည်။

ကျီယွဲ့ဟုအမည်ရသော ချင်ဧကရာဇ်တွင် ညှို့ငင်မှုရှိပြီး အန္တရာယ်များသော ဇာမဏီမီးငှက်သဖွယ် မျက်ဝန်းတစ်စုံရှိသည်။ မျက်ဝန်းတစ်ဖက်စီ၏ အဆုံးသတ်တွင် ရွှေအိုရောင်မီးလျှံမီးစတို့ ကိန်း
အောင်းနေသည့်နှယ် အပေါ်သို့ အတန်ငယ် ကော့သွယ်နေသယောင်ပင်။ လက်ရှိတွင် ထိုမျက်ဝန်းတစ်စုံဟာ ဝေ့လျန်တစ်ဦးတည်းကိုသာ မြဲမြံစွာ
စိုက်ကြည့်နေပြီး 'သေချာကြည့်ထား ငါ့မျက်လုံး
ထဲမှာ မင်းတစ်ယောက်ပဲရှိတယ်'ဟူသော ခံစားချက်ကို ပေးစွမ်းလျက်ရှိသည်။

သို့တမျှ အန္တရာယ်များလွန်းသော ယောကျာ်းမျိုးကိုမှ ပစ်မှတ်ထားခြင်းဟာ ကျိန်းသေပေါက် ကောင်းသော ရွေးချယ်မှုမျိုးတော့မဟုတ်ပေ။ ကျီယွဲ့ဟာ ပြုံးနေဆဲဖြစ်ပြီး ပေါ့ပါးသော လေသံဖြင့် အရွှန်းဖောက်သည်။ 

"ကိုယ်သတင်းကြားလာတာ ဝေ့လျန်က ကိုယ်နဲ့ညတိုင်းအတူပျော်ရတာ အရမ်းပင်ပန်းလွန်းလို့ နန်းတွင်းထဲက အစေခံကိုတောင် အကူအညီတောင်းခဲ့ရတယ်ဆိုပဲ"

ဝေ့လျန်: "..."

"အဲ့ဒီလိုကိစ္စမျိုးမရှိပါဘူးအရှင်ဧကရာဇ်"

"အို ဟုတ်လား"

"ဒါဆိုရင် အဲ့ဒီအစေခံက မင်းကို တမင်သက်
သက်စွပ်စွဲတာပေါ့" 

ဝေ့လျန်က အံ့အားသင့်သော အမူအရာဖြင့် တုံ့ပြန်သည်။

"အဲ့ဒီအစေခံက တကယ်ကို အတင့်ရဲလွန်းတာပဲ"