قيود خلف القضبان

سـطـر - 30 -

ما يرفضلي طلب عفته وصعدت لغرفتي نمت من وكت حتى اكعد الصبح حسيت على صوت المنبه كعدت بسرعه بدلت ملابسي لبست لبس رسمي ونزلت دخلت المطبخ اسار كاعد على الميز وشايل.

تلفونه يباوع علي ومندمج ما منتبه ضجت حيل من شفته هيج كعدت على الكرسي اريده يذب التلفون ابد ولا ذبه ولا اصلاً عبالك اني موجوده سحبت التلفون من عنده واردفت بعصبيه :-

-شكووو مندمج لهل درجه بالتلفون ؟؟؟

باوع علي بنظرات عاديه واردف :-

-ماكو شي حبيبتي ماكو داعي لهذه عياطج وانفعالج

-ليش مندمج بالتلفون هيج ؟

-جنت اشتغل وما انتبهت عليج

-حتى لو انتبهت يعني راح تنزله عود

-هازال حبيبتي بيج شي شكوو؟؟

-لااا عيوني ما بيه شي ارجع اكل

ضحك علي ورجع ياكل خليت تلفونه يمي وبلشت اكل بس ما اكلت هواي من كد ما منفعله عفته وكمت هوه حس علي بسرعه كام وراي لزم ايدي واردف :-

-لاا تزعلين يروحي انتِ بس والرب جنت اشتغل .

-هذه شغلك يلهيك ويخليك ما تنتبه على وجودي .

-روح من الدنيا انتِ انتبه عليج بدون ما تحسين بس جنت اشتغل وما اكدر اسوي شي

-كافييي وخرر اسار

-ما اعوفج زعلانه مني

-وخرر اسارر

-كتلج ما اعوفج .

-اهووو شلون مشكله راح ادفرك والله .

-عادي اقبل

-اوووف راح اموت كلبي حيوكف والله وخرر

-اسم الله على كلبج يروحي لاا تحجين هيج

-استغفرر الله اسار وخرر عفيه راح اختنك

بسرعه ابتعد وعافني لزم وجهي بثنين ايده باسني من كصتي واردف :-

-تهزمني عيُونج كل مَا نويت اقسَى .

-يهون عليك تقسى علي؟؟

-ما يهون وعيونج الرماديه .

-تمام راح نتأخر على الشغل يله امشي

طلعت من المطبخ وهوه صعد الغرفته جاب الغراض ونزل صعدنا للسياره وتوجهنا للشركه نفس الروتين دخلت للشركه بس هل مره ما راح نمثل هل مره حقيقه اني واسار نحب بعض دخلت.