قيود_ " خلف القضبان "✨
الكاتـَبة:- ايـَات رسـُول ♥️
تصويت وتعليق بين الفقرات + قراءة ممتعة!
يـگول ولـيـم :- أني وگلبِي مِتعوبين مَنفيدچ ..
«ــــــــــــــــــــ«•»ـــــــــــــــــــ»
انصدمت من سمعت يامان هيج يكول زين ليش هيج صاير بيها مبين عليها حيل متعذبه مسح يامان الدم بملابسه وشالها رگض صاح بيه واردف :-
- هازال سويج السياره بجيبي بسرعه
ركضت اطلع سويج السياره وعيني على البنيه فتحت السياره بسرعه هوه ركض حطها وصعد صعدت اني وره بصف البنيه خليت رأسها بحضني امسح بالدم الي صار ينزل على وجها بغزاره.
شغل السياره وتوجه بينه للمستشفى طول الطريق يباوع على البنيه وهيه ماكو ولا نفس واحد اريد افهم السالفه مادري شلون أو منين ابدي مسحت
الدم من راسها واردفت:-
- إذا هيه حبيبة صگر وينه هوه ليش هيه بهذي الحاله شلون يعوفها هيج ؟؟
اتنهد يامان بتعب واردف - هازال النفس بالكوه جاي أخذه خليني ساكت
- اريد افهم السالفه فهمني ليش هيج حالة البنيه وشنو مقصد من كلامك من كلت اكيد نصير وهوه الي مسوي هيج بيها منو نصير ؟؟
- نصير حبيب ليال
عقدت حاچبي واردفت - انتِ مو تكول ليال مادري صخام حبيبة صگر ؟؟
- هوه يحبها بس هيه ما تحبه
- ما تحب صكر؟؟
- ايي
- حقها
باوع عليه بنظرات غريبه واردف :-
- نعمم؟؟؟
- حقها ما تحبه هوه صكر بي شي ينحب وجهه وجهه الطاوه
- هازال لاا تخليني ابتلي بيج
- اسكت انت الثاني خلي نحير بهاي المصيبه الي وكعت فوك راسنه
- اوفف منج اوففف
- زين انت شمدريك صگر يحبها
أنت تقرأ
قيود خلف القضبان
Actionقلـُبه اسَـود كـ سـَواد اليـَل حـَياته كلها مغامرات متـقلب الامـاكن قبلَ أن يأتي الإنسان لِلحَياة ، كانَ في العَدم . وبَعد أن يُغادِرُها ، يَذهبُ إلىٰ اللانهاية . فَـنحنُ مُحصارون بَين : العَدم واللانهاية . إذا قِسنا حَياتنا بِالعَدم ، فَـهيَ كُلّ...
