صراع عائلة الطوجي ( مكتمله )

الرابع والثلاثون

وصل فهد للمشفى وهو يرتجف من الخوف ولكن يحاول ان يصمد لكي لا تقع مالكة قلبه من بين يديه!!.....

فهد بصراخ هز جدران المشفى: انتوا يابهاااايم.
جميع الممرضات والدكاترة تركوا ما بيدهم ووقفوا كجنود في الجيش وقال مدير المشفى: ايوا يافهد بيه خير!!
فهد بغضب قوي: خير!!..انت هتكلمني ببرود كده ومراتي بتموت ياحيوان انت!!
المدير بخوف: فين السرير المتنقل بسرعة!!
اتى الممرض ومعه السرير ووضعوا مروة عليه وتحركوا بها مسرعين الي غرفة العمليات واقترب فهد من المدير وقال بفحيح مرعب: لو حصل ليها اي حاجة المستشفى باللي فيها هتبقى رماد!!
المدير بلع ريقه بصعوبة وقال: ان شاء الله خير يافهد بيه ماتقلقش.

ثم تركه يذهب مسرعا قبل ان يكون مع مروة في غرفة العمليات ايضا!!......

فهد نظر الي يده الغارقة بدمائها بصدمة لا يستطيع أن ينسى منظرها بالدماء مطلقا.......!!

فأصبح يردد كالمجنون: هقتله والله هقتله!!
____________________
عند محمود......

كان قد عاد الي منزله وهو لا يعلم كيف ذهب للمنزل بتلك الحالة!!.....

استقبلته عائشة بصدمة: محمود انت كويس!!
مر محمود بجانبها بدون النظر لها حتى وكانه يمشي وهو نائم فقالت: محمود..بالله عليك رد عليا ايه اللي حصل بس؟!
محمد دخل المنزل بسرعة وهو يقول: الحقي ياماما!!
عائشة نظرت له ببكاء: الحقني انت يامحمد ابوك مش بيرد عليا!!
محمد بخوف: مروة!!
عائشة نظرت له بقلق: مروة مالها!!
محمد بخوف وصدمة: مروة في المستشفى بين الحياة والموت!!
عائشة وقعت على الأرض من شدة الصدمة وهي تقول: مروة!!
محمود آفاق من سباته وهو يقول ببكاء: انا اسف..كنت فاكر انا اللي هحميها منهم ماتوقعتش ان انا اللي هكون السبب في اذيتها!!..انا اسف.
ثم وضع وجهه بين يده وهو يبكي بحرقة في حين نظرت عائشة ليده الممسكة بالسلاح فتخيلت المنظر المرعب فقالت بصراخ قوي هز أركان المنزل: بنننننتتتييي!!!
___________________
بعد مرور ساعة على وجود مروة في غرفة العمليات وفهد من خوفه الشديد يكاد ان يقتحم الغرفة لولا وجود وليد وعمر معه...نعم فعندما اتصل عمر به لكي يطمأن عليه فهد اخبره بما حدث وهو ماذال في حالة من الصدمة الشديدة والخوف من فقدانها...فتحرك عمر مسرعا بعد ان أخبر وليد ايضا ووصلوا في زمن قياسي........

عمر بقلق من منظر فهد: اهدى يافهد بالله عليك كل حاجة هتبقى تمام ان شاء الله.
وليد ايضا: ادعي ربنا انت بس وان شاء الله هتطلع من الاوضة دي وهي بتضحك ليك كمان.
خرج الطبيب وهو يأمر الممرضة ان تأتي بالدم حالا وقبل ان يدخل لحق به فهد وهو يمسكه من لياقته وقال بغضب: هي اتاخرت كده ليه ها!!..انتوا بتعملوا فيها ايه جوا؟!
الطبيب بتعجل: اهدى يافهد بيه مرات حضرتك فقدت دم كتير واحنا بنحاول نعوضه من عندنا!!
عمر وهو يحاول أبعاد فهد عن الطبيب: سيبه يافهد لو عايزه ينقذ مروة خليه يروح!!
تركه فهد بسرعة عندما ذكر عمر اسمها ووقع على الأرض بخوف وهو لا يرى امامه سوى منظرها بالدماء وقال بقلق اول مرة يظهره لاحد: ارجوك بالله عليك انقذها..(ثم رفع راسه وبنظره كلها خوف وتشتت)..انقذ مراتي!!
الطبيب بارتباك من حالة فهد الصادمة له قال: ماتقلقش يافهد بيه احنا بنعمل اللي علينا وبإذن الله خير.