ســــقــــوط فــــي شـــبـــــكــــة الــــمـــهــــووس💎⛓️(مكتملة)

📝♥️بارت123📝♥️

بنات طلعو تفاعل كي ديما 💖

  متكية فبيتها لمظلم …فقط لقليل من اشعه الشمس لي مضوية لبيت  كانت غرقانة

فنومها من بعد مهدئات  نوم لي خداتها قبل ما تنعس …كانت ناعسة على جنبها او

ايديها من تحت حنكها  غرقانة فوسط نومها … دخلات عندها سارة فإيدها بلاطو

لي كان فيه عصير دليمون معا طوسط بلفرماج او طبسيل بأشكال او انواع

الفواكه…سدات لباب برجليها حطات بلاطو فوق لكوافوز …مشات كتحيد لخامية

لي دارتها او حلات شراجم تا ضرب فيها لهواء …قربات لسريرها حيدات ليها لمانطة

او زفات لمخاد فالارض

سارة: صافي اختي نوضي بيتك غمل  … يلاه يلاه نوضي تهزي هادشي مايمكنش

راك حاملة ايخصك تحركي نوضي

ياقوت: سارة سيري عفاك خليني

سارة : انخليك مني تخرجي من هاد لبيت يلاه شحال ايقدك تهربي من عمي فايز

ياقوت: مكنهرب من حد كنهرب من راسي …بغيت نرتاح او صافي

سارة :   حطات ايدها على ضهرها …ياقوت لمشاكيل مغيتحلوش بهادشي

ياقوت: تقادات فكلستها كنشوف فيها …اهاه وريني كيفاش انحلهوم

سارة : شافت كيفاش عينيها زرقين دبالو لي ولاو كيف جغمة تدم بلبكا … فمها لي

ولا حمر بلبكا … ياقوت مخاصكش دفني راسك غير حيت ما بقاش معااك نتي راك

حاملة او ايخصك تردي لبال لراسك كثر  واش يرضيك تعرضي حياتك او حسات لي

فكرشك للخطر ااا حبيبة ختي  لحياة قدامك او عمرك توقفيها على قبل شي واحد

تا واحد مكيستاهل توقفي حياتك على  قبلو

ياقوت : تنهدات عينيها غرغرو… كون تشوفي كيفاش كيدافع عليها او كيفاش

حدرني اني نقرب ليها او ملامح انتصار لي كانو فتعابير وجها كانت كتشمت فيااا

…ئ ئ ئ ئ ئ كنحس بغصة او حرقة واحلة ليا فحلقي كنحس بقلبي ايخرج من

بلاصتو …كون تشوفي كيفاش طلع او هبط فيا …كنت ناوية نعاود ليه على لي

فكرشي او نسمح ليه او نوليو لكن هوا ختار حياة او طريق خرااا …مسحات

دموعها …او تنا غاندير نفس شي

سارة : تصدمات فتصرفو معها او كيفاش لحب لي كان فقلبو من جهتها مات

…ياقوت هوا مشا او ظار حياتو معا مرا خرا او تانتي هكاك ديها فصحتك او