لبنات راه اندير خاطركم لكن تفاعلو لي قرات تخلي نجمة او كومنت او اش عجبها ههههاو كي جاتها بارت ليوم باش ليل تاني نصدمكم
ياقوت : لا واش نتي حمقة نتي ديما واقفة ضدو غير باش تكوني فصفي ماشي مشكيل سيري كملي خدمتك او ما تشطنيش عليا هههه ياك انا وحدة من عائلة لخطابي ههه
سارة (عارفها كضحك غير باش متشطنهاش عليها او صافي مي مبغاتش تبين ليها) هههه وخااا اببب جوتيم 🥰🥰
ياقوت : تا انا ابب ديالي
(ياقوت لي ما عرفات ما دير لي متأكدة منو انو ايصبنها او يوريها خيزو ما حلاه لكن ما عندها ما دير خاصها تحمل نتيجة قرارها اما سيف لي كان راد ليها لبال او عرف بلي شيحاجة ماشي هيا هديك مني دوات فابيل ولات فشكل او تقلب ليها لمزاج (😂😂😂 تعكر لمزاج مهم) مي مبغاش يسولها فقط قرر يعرف راسو )
عند ادام لي كان كيشوف فبيسيه كاميرة مراقبة ديال سارة حيت دار ليها كاميرة مراقبة او بغا بعرف معامن كتلاقا ( وهانا على ادام لمغيار هههه) كان كيشوف تا شافها كتدوي معا عمها فايز لكن درو راسو معرفش علاش كيدوي مي لي بان ليه من حركاتو انو كيخاسم عليها
ادام: شطااري تما او علاش باين لجو مثوثر عندهم ( بقا كيتفرج تا شاف ابيل ديالها كدور ليه هز سماعة دتيلي او جاوبها )
ادام : سلام حبيبة لباس عليك
سارة :(جاها ضحك مي حبساتها ) اش من حبيبة الله يهديك مهم واش ممكن نلغيو ملاقيا دليوم
ادام : علاش واش طرات شي حاجة تا بغيتي تلغيها او لا بغيتي تهربي
سارة : لا غير شي حاجة او صافي مهم سمح ليا والله
ادام: لا ما عندك تا عدر انا بغيت نشوفك او لا عندك موشكيل نجي او نحلوه شبان ليك
سارة: اش ايبان ليا واش من نيتك واش فراسك عمي كاين يلقاك عندي يجمعني انا وياك كاليك يجي تجيك فراس اخويا
ادام : مالك على هاد دعاوي شارفات بيت غير نعرف وبااااز مهم نفس لوقيت او لبلاصة
سارة : صافي صافي اتلقاني تما غير طفا براكا عليك مي انتلاقاو معا 7 منعقلش عليك
ادام : اييه عنداك تجي بين ايدي او تقادا ليك هاد ضسارة ديالك تولي طلبي وسط لبوسة 😂😂😂😂😂😂
سارة:(حشمات من راسها )احممم بسلامة
كانت كتكمل خدمتها او كدقق فأي ملف لمهم تنسي راسها شوية عالاقل تا توصل لدار
ياقوت :ناري ياربي 4 دغيا وصلات شنو ايطراااا دبااا انوض ناكل شي حاجة او نجي نكمل لي بقا كانت خارجة تا سمعات صوتو
سيف: فين غادا
ياقوت: (سمعات صوتو تخلعات حيت كانت ساهية) ااا انا غير كنت انمشي نشرب شي حاجة
سيف: كولي ليهم شبغيتي او يجيك تا لهنا علاش اتنزلي
ياقوت: (شافت فيه ) بغيت نشرب او نبدل لجو شكرا
او دارت خارجة من لمكتب هيا خرجات او بزربة نسات تيلي ديالها صونا تيلي بزاااف دلمرات كانت ابيل من انس او امين مشا هز تيلي ديالها او دار ليها تطبيق تجسس ا ي حاجة دارتها قبل ما توصلها اتوصلو او حط تيلي ديالها او هوا مبسم
سيف: نشوفك شكديري فهاد تيلي او شنو لي خلاك مقلقة مشا لبيسيه او جبد كيقلب تا لقا ابيل لي دوات فيها معا سارة لي اصلا جاتو كاملة فشكل علاش ايمنعها عمها فايز من شركة كيتعامل معها فالاصل او علاش بضبط هيا مخصهاش تخدم فيها
مشات كتمشا فلكلوار او هيا هزا لهم لهدرتو ليها خافت لا يجبد ليها لماضي لي ديما مفكرها فيه كانت غدا كتمشا تا بانت ليها مْرٓا كبيرة عاملة نظافة شادة فضهرها او عيانة او كتبكي كتشوف فيها بقا فيها لحال
ياقوت: كيفاش مرا كبيرة فهاد لعمر خدامة واش معندهاش عائلة واش معندهاش ولادها او مالها اش مخاليها تبكي تاجهات لعندها بدافع المساعدة
ياقوت: سلام خالتي واش طاريا ليك شي حاجة مالك
المرأة (سميتها زبيدة ): والو ابنتي ، ولكن عييت بزاف ئ ئ ئ ئ من هاد دنيااا ظالمة بزااااف
ياقوت : علاش مالك اخالتي اش طرا ليك
زبيدة : ولدي مرييض بزاااف كتاشفت عندو مرض خايب او هوا مزال صغير مزال ما دار تا حة فحياتو يلاه فعمرو 10 سنين كيفاش انعيش بلا ولدي ئ ئ ئ ئ ئ كيفاش انوفر ليه دوا او فلوس لعملية انا معندي والو يلاه لفلوس كيقدونا غير فلكرا او فدوياتو لي كينقصو عليه صدع او فلوس لي كيطير ليا بيهم باه على ود لبلية لي عندو عييييت بزاااف ابنتيي
ياقوت:(دمعو عينيها او شداتها لبكيا حيت اكثر وحدة داقت او عرفات احساس بلحرمان عارفاه اشد انواع لعداب لي ايدوز منهوم الانسااان كتولي عاجز ة. مسحات دموع لمرا او عنقاتها او مكالتش لا راها غير خدامة او لا اتكون خانزة غير لموظفين لي كيشوفو فيها انها مجرة عاملة نظافة عنقاتها او هيا مزيرة عليها او سيدة كدالك عنقاتها ) خالتي عفاك متبكيش انا انا معاك انعاونك غير ميبقاش فيك لحال او مسحي دموعك انا انعاونك انا معاك مديريش فبالك هانتي غير نسالي لخدمة نجي عندك نمشي معاك لدار ديالك او ندي معيا لي ايخصك
زبيدة :بنتي انا عاودت ليك غير باش نخوي قلبي حيت كون ما دويت كنت انتفرݣع لهم صعيب او قلة شي قاصحة
ياقوت: عارفة اخالتي عارفة ولكن انا بغا نعاونك عفاك خليني ندير ايدي فإيديك او نتعاونو واش مغتخلينيش ناخد الاجر ؟!(بغات ضحكها شوية مسحات دموعها او باست وجها كتعنب عليها) ودبا هاد زين كلو يبكي ااااا باراكا سافي قراري او خديتو او بقات كتلعب معها تا ضخكات زبيدة او وافقات على قرارها
داز على عينيه هاد لمشهد كامل بصح ما عارفش علاش كيدويو لكن بانت ليه ياقوت كتهدن زوبيدة او كيفاش هيا بريئة او حساسة او دمعتها فعينيها على سبة كتبكي او مكتحملش تحسس بنادم بنقص او مكتحملش لحكرة
سيف: نهار على نها كنزيد نبغيك كثر او كثر ا ياقوت او تأكدت بلي قلبي مغلطش فاش بغااك
ياقوت كانت طالعة فلكولوار او خاص غير لي يجبدها باش تخوي الاحساس لي كتحس بيه او دموعها واصلين لعينيها دخلات لمكتب او هيا خاسرة
سيف : مالك تعطلتي
ياقوت: بغيتي نطير ا موسيو راه سلوم فين كنطلع ،كنطلع شوي او نستراح شوي لا كالو ليك عليا عندي جناوح ماعرت
سيف( تصدم منها كيفاش اطلع هاد دروج كامل ) واش معاودوش ليك على سانسور واش كاين، تا طالعة داك دروج كامل
ياقوت: واش مكتعرفش لواحد لكان مريض او ماقدرش على لبلايص لمسدودين !
سيف: (عارف مريضة لكين ما فراسوش بلي كتخنق تا من لبلايص لمسدودين ) واش بصح ولكن مالك على هاد لعصبية كاملة
ياقوت: اه انا مكنقدرش عليهوم ( تا دارت غادا لمكتب ديالها او هيا ترجع عندو طلبات الادن تكلس او كلسات كيف كلسات نعاكسات اشعة شمس علا عينيها او ولاو كيف لمحيط تقول بحر صافي ) عفاك بغيت نطلبك او نتمنا ما تردهاش فوجهي
سيف:( طاح فعينيها لي كيبغيهم لي مكرهش تا واحد ما يشوفهم غيرو) دوي
ياقوت: بغيت نخرج ليوم بكري قبل لوقت بساعة لا كان ممكن عفاك
سيف: (عرفها ناوية على شي حاجة ) او علاش!
ياقوت: عفاك حيت عندي ما يدار مور حفلة د غدا اندير ساعة اضافية غير خليني نخرج قبل
سيف: وخا ممكن (بغا يعرف شغدير نييت)
عند ادام لي كيتسنا غير ايمتا تجي 7 باش يشوفها او يبدا عاوتاني يتمرد او يعصب فيها هههه
ادام : هاد لماگنة و الله تا معامل معاك برب ولد لحرام شاد.معيا ضدد
اما سارة لي خافت طرا شي حاجة فدار او هيا مكايناش عارفة ياقوت كتعصب كتبقا دوي بلاما تحسب هدرتها اما عمها لي يضربها بلاما يحس هوما بجوج من ديما مضادين وخا عزيزة عليه ياقوت مي نيقشات او لخلافات بناتهم مكيساليوش
سارة مشات لدار باش تقاد راسها دوشات او لبسات كسيوة فلون لبيض لي كانت معريا من جيهت صدر حد ركبة معا طالون فدوغي معا مكياج خفيف او شعر مطلوق لي واصل نص ضهرها لي كان عاري معا ريحة مجهدة كتعطعط منين او منين
(الوصف في الصورة):
ŞİMDİ OKUDUĞUN
ســــقــــوط فــــي شـــبـــــكــــة الــــمـــهــــووس💎⛓️(مكتملة)
Romantizmســــقــــوط فــــي شـــبـــــكــــة الــــمـــهــــووس💎⛓️ هي رواية مشوقة كتاخدك في رحلة مثيرة لعالم مليء بالألغاز و الغموض . كدور القصة على ياقوت الخطابي ، بنت طموحة كتسعى لتحقيق أحلامها في شركة "فوكس لعمراني للأعمال ". و لكن فاش كتلقا بالمدير ال...
