مثايل العرب

4

احمد : وعبينالج البترول .. ركزي لا يلبق الليت عقب
مثايل : مشكور ٫ كم التوتل اخوي ؟
احمد : توتل شو
مثايل : السيره و الرده و البترول
احمد : مايحتاي ، لا تنسين زنجبيل والله وياج
قبل لا ترمس مثايل عطاها ظهره و سار .. ابتسمت يوم جافت جامتها نص مفتوحه سكرتها كامله وحركت

📞
ميثه : مثايل اناا اسفه بس لازم تردين البيت بسرعه
مثايل : ليش ؟ انتو وين
ميثه : نحن فالبيت تعالي بسرعه و بتفهمين
مثايل : بس انا لين احين ماشفت امي ..
ميثه : سامحيني مثايل .. بس عمي ياي
مثايل : عميي !! قصدج ابوي
ميثه : هيه .. اتصل و قال رتبو البيت ولا تخبرون مثايل اني ياي
مثايل : بس هو اليوم سار
ميثه : الله يخليج مثايل عن البرود الزايد و تعالي بسرعه لا نتصفع كلنا
بندت ..

سكرت ميثه الخط و مثايل طرشت رساله حق امها ( سامحيني اماه كان ودي ايي )
صفيه ببتسامه : تتوقع بتفرح فيني و فأخوها ؟
محمد : لا
صفيه تلاشت ابتسامتها : كنت تقدر تجامل على الاقل
محمد : ماباكم تنصدمون بعدين
صفيه : مابتفرح فيني صح .. بس يمكن تفرح فراشد ..
.. لفت ع ولدها الي يالس ورا ..
مستانس حبيبي ؟
راشد : هيي احب اشوف الشارع
صفيه : قلبي

نوره : عبود وقف !!
عبدالله : شوو؟
نوره : ممثايل .. فيها شي .. صدقني فيها شي
عبدالله : شو هالكلام خالوه ، شو مستوي ؟
نوره : شوف ..
عبدالله : يمكن انشغلت مع بنات عماتها
نوره : صدقنني فيها شيي !!
عبدالله : لا تحاتينها خالوه مافيها الا العافيه ان شاء الله
نوره : بس انا مب مرتاحه .. حاسه حد خبر ابوها .. احس فيه شي
مسكت راسها وهي كلها توتر
نوره : سير بيتهم ..
عبدالله : بس !!
نوره : عبود الله يخليك بدون بس بدون شي انا مب مرتاحه
عبدالله : ان شاء الله
نوره : بسرعه عبود !!
عبدالله : ان شاء الله

مثايل دشت البيت وهي منصرعه
: ليش ليش الشنط ؟ ليكون بتسيرون
ريم : اوامر عمي
مثايل : قالكم ردو البيت!؟
ميثه : هيه ..
مثايل : بنات انا خايفه ، اخاف عرف اني ..
ميثه تغير السالفه
: ريموه شليتي شنطه الميكب !!
ريم : اسكتي شوي ، انج شو ؟
مثايل : ها ؟
ريم : عرف انج شوو!!
ميثه كانت بتتكلم و ترقعها بس رن الجرس ..
ميثه بصوت خفيف : بعدين بعدين ، مثايل غيري ثيابج و مسحي ميكبج يمكن يطلع ابوج
مثايل : اوك
ريم : بس ثيابها مافيها شي وميكبها خفيف
ميثه : ماتعرفين عمي يعني !!
وبطلت الباب
ريم : هلا والله عمي منور ..
محمد : بنورج بنتي
ميثه : شو اخبارك ( لفت ع الولد الصغير الي وياهم ) و منو الي وياك ؟
محمد : الا وينها مثايل ؟
ميثه : فالحمام عزك الله
محمد : ها سايرين ؟
ريم : هيه
محمد : الله يحفظكم ، دش راشد وصفيه يلا جدامي

ريم : احس طرده جي
ميثه : تأكدي بس قولتج منو هاييلل
ريم : ماعرف
ميثه : جفتي الصغيروني الي وياهم ؟
ريم : هيييه طبقق الاصل مثايل يوم صغيره .. دقيقه ..
ميثه : تحسين عمي معرس وها ولده ؟
ريم : مماعرف

مثايل : السلام عليكم ( حبت راس ابوها ) .. منو الي وياك ..
محمد : اول شي حبي راس عمتج ..
مثايل : عمتي ؟ منو
محمد : مرت ابوج صفيه
مثايل سكتت .. كانت تتذكر حلمها الي كان قبل سنتين تقريبا ..
محمد : و الي وياها اخوج
..
..
محمد : مثاايل ..
مثايل : ابوويه يعني انت تخليني بالاسابيع عشان مرتك هب دوامك!!
محمد : هيه
مثايل : عاد مالقييت إلا هاي ليتها تسوا الخش و الدس ها كله
محمد : مثايل !!
مثايل : شووو مثايل ابويه شو مثايل .. ليش الانانيه ابوويه !! دامك معرس و عندك ولد ليشش ماخذني من امي لييش حارمني منها
محمد : لايعلى حسج
مثايل : السموحه و العذر منك ابويه بس انا من باجر بطلع من البيت
محمد : مثااييللل!!!
مثايل : بالعكس من حقك تعرس عقب كل هالفتره .. بس ماتخبرني و تقص عليه و انت تطالع فعيني .. مب شي منك
صفيه : صدقيني مثايل انا حاولت
مثايل : يزاج الله خير ، حياج البيت بيتج
صفيه ابتسمت
مثايل : الحلو ها اخويه ؟
صفيه هزت راسها بمعنى هيه
مثايل وهي بدت تدمع : عندي اخو بعد .. كم عمرك حبيبي ؟
راشد : سته سونات
مثايل : سته سونات !! هههه
محمد : شوفيج مثايل
مثايل : ابوووييه ستت سنيييننننن!!!!!.انا اخوويه الي ماعرف عنه عمره ستت سنييننن!!
محمد : مثاايل لا يعلى حسج و الحرمه هاي أنا ماخذنها من ايام امج وهي انسانه عزيزه ع قلبي ..
مثايل : من ايام امي !! من قبل عشر سنين
محمد : و ازييدج ..
ماكمل إلا وقاطعته صفيه
صفيه : محمد خلااص
مثايل بنهيار : اخوويه عمره ست سنيين
راشد : منو انتي
صفيه : اختك ..
راشد حضن مثايل ونزلت له ..
راشد : يدي دوم يقول الرياييل مايصيحون .. بس انتي بنت
صفيه : مثايل انا اسفه ، صدقيني ماتوقعت رده فعلج هاي
محمد : حياج صفيه تعالي شوفي بيتج اليديد .
مثايل : بيتج !! ههههه