سمراء

الكاتبه: شوشو
رواية: سمراء
بارت 5

مالك....  بعد الخدمه رد للحوش وشاف ساره واقفه قدام الباب ولابسه عباية و واضح انها كانت برا الحوش جي شورها ومسكها من يدها.
مالك: ويييين كنتيي؟
ساره..  انفجعت منه وخافت.
ساره: اااءءء.
مالك...  سحبها من يدهاا ودخلها داخل.
خيريه...  مقعمزه ف صالون وتشوفلها ومستحليتها فيها.
ساره..  فلتت يدها منه بصعوبه ومشت شور عمتها.
ساره: عمتي قوليله انه انتي طردتيني من الحوش ونا طلعت ف شارع وكنت نترجا فيكي تفتحيلي الحوش وانتي ماتبيش.
خيريه..  فنصت عيونهااا.
ساره...  طبست ع ودن خيريه.
ساره: قولي هك ولا نقول قصتك مع صابر عبدالله.
خيريه...  زادت فنصت عيونها بصدمه.
مالك..  قرب ع امه ويشوفلها ب عصبيه.
مالك: قولي ياااام صحح الكلام؟
خيريه.. من صدمه تربطو ايديها و رجليها ولسانهاا قعدت اتشوف لي ولدها مالك وساكته.
مالك...  زاد عصب: قووولي يااام انتيييي طردتيهااا.
خيريه...  هزت ب راسها بمعني اي.
مالك: انتييي ارقي لي دار فوق وتوا لاحقك.
ساره.. هزت راسها ومشت لي دارهم.
مالك: ياااام شنووو يلي درتيه معقوله تطرديهااا هاديي كنتك ومرت ولدك حتى لو مش محترمتهاااا ماتطرديهااا.
صلاح...  خش ع صوت مالك يلي معبي الحوش كله.
صلاح: شنو فيه خيره صوتك واصل اخر شارع.
مالك: بويي معاش القيت حل معاها مرتك هادي ايوااا اليوم طارده مرتي برا الحوش شنوو المعامله هيااا شوف حل معاها.  وخلاهم ورقي لي داره.
صلاح: لا اكيد ايبصر مالك ولاااا شنووو هاده يلي درتيه نتوقع منك اي شي الا انك تطرديي بنت خويي من حوشيي.
خيريه...  مازالت مصدومه من كلام ساره والف سؤال داخلها وكأنها كانت تبني ف جبل وبعد تعلى انهدم عليهااا  ساكته.
صلاح: لمااا يبدا حوشككك بعدها حتى انيي اطردينييي باهييي.
خيريه...  خلاته ومشت شور دارها خشت وسكرتها عليها ب المفتاح وقعمزت ع سرير وحطت يدها ع فمها وقعدت تبكييي بقهرهه.
___________________________
ساره...  خشت نحت العبايه و والوشاح وبرضو حتى هيا في صدمه من يلي سمعاااته بس فرحانه انها لقيت شيي ثمين مسكاته ع عمتها وتوا بتقعد خاتم في اصبعهااا  قعمزت ع سرير وطلعت تليفونهااا.
مالك...  خش ويشوفلهااا وبعدها فتح الدولاب ايطلع في لبسه.
مالك: اسف ع تصرف يلي دارته امي.
ساره...  فنصت عيونها بصدمه وتشوف لي مالك معقوله مالك يعتدر مني.
ساره: ااءءء لالا خلاص هاهو انته خديتلي حقي.
مالك: اكيدا لانك حاليآ زوجتي.  وخدي لبسته وبيدخل يدوش.
ساره: يعني بعدين بطلقني يعني؟
مالك: شنوو تسحبيني بنقعد معاكي لعند انموت ولا شنووو بنمشي انشوف حياتي مع وحده...  قاطعاته ساره.
ساره..  دموعها ينزلو: اكيد بتمشي دور حياتك مع وحده شريفه عفيفه و مش وسخه كيفي صحح اي عندك الحق لوو انته تبي تقعد ادلني هكي ليش تزوجنيي نتمنهه انهم عرفو وقتلوني ولا ادلني بطريقه اهيااا.
مالك...  سكت ويشوفلها كيف تبكي بطريقه هستيريااا.
مالك...  خلاها وخش ايدوش.
ساره...  زادت تبكي وتضرب في بطنها بكل قوه وتتألم
______________________
امير في شركه ف مكتب ابتعه هوا وصاحبه.
امير: تعرف نبي نخطب خلاص.
صاحبه(منصور): من؟
امير: لمار بنت عمي صلاح.
منصور....  شايفها هوا لما عزمه يوم روح من سفر بصدفه وعجباته  🔥🔥.
منصور: قصدك اخت مالك هادي.. قاطعه امير.
امير: هادي شنوو.
منصور: لا شي شي خلاص ربي ايكملك.
منصور...  دار روحه اضايق وطلع من المكتب.
امير...  عرفه انه اضايق ويبي يعرف ليش لحقه لي المكتب ابتعه.
امير: قووول خيرها ي منصور توااا.
منصور...  اتلفت فيه ب فجعه لانه كان واضح عليه معصب وقال هادي فرصتي.
منصور: لو عرفت يمكن ايصير شي مش ف الحسبان امير خليني وانسه الموضوع.
امير..  زادت طارتله عقد حواجبه وقرب عليه.
امير: منصووور ماتنرفزنيشش قوووول خيرهااا.
منصور قعمز ع الكرسي وحط رجل ع رجل.
منصور: نفسها يلي يومها جيت لي عزومتك ابتع العشاء وكنت طالع للحمام(اكرمكم الله)  القيتها في وجهي قلتلها خيرك قتلي انها معجبه بيااا وعطتني رقمها .
امير...  اسودت الدنيا قدااامه.
امير: شنووو تقول منصووور شنووو تقول.
منصور: بس نا رفضتهااا بكل ومعطيتها وجه بس هيا اسرت علياااا وخديته وماكلمتهااا بكل اهوا رقم قعد عندي.
امير...  عصبب ضرب الطاوله بكل قوته وطلع خدي مفاتيحه وركب سيارته.
منصور...  ابتسم بخبت .
_______________________.