سمراء

رواية: سمراء.
بارت 2
الكاتبه: شوشو.

امير: شنوو ي شباب العشاء.
معز: لالا للقنه عشاء مقوم.
مالك: قنين والف الحمدالله ع سلامتك مرا تانيه هي ي معز غدوة وراناا خدمه.
امير: اقعدو حتى شويي توا كيف شربنا شاهي را.
مالك: مرا الجايه ان شاء الله.
وناض هوا وخوه وطلعو.

امير خش بعدها للمطبخ شرب اميه. وخش لي صاله كانت لمار وسلمى مقعمزات ايشوفن لي تلفزيون.
امير قعمز ع صالون: اووو قداش تعبااان.
سلمى: وليدي باهي نديرلك نعناع ايقويك شوي.
امير: لالا ماديريلي شي توا نمشي نرقد وخلاص.
سلمى: باهي ي وليدي يلي ايريحك.
لمار ناضت: هي ي عميمه تصبحي ع خير.
سلمى: وانتي من اهله ي بنيتي غدوة عندك كليه؟
لمار تلفتت ف عمتها: اي.
سلمى: معناها ماده منا جي امير خليه هوا يرفعك.
لمار اتشوف لي امير وبتتكلم.
لمار: ل... قاطعها امير.
امير: اي عادي ماعندي مشكله بكلل تم خلاص. وناض ع طول عشان ماتعارضش.
لمار سكتت ورقيت لي دارها.
خشتت وفتحت الدرج طلعت صورة امها وقعدت اتشوفلها ودموعها ينزلوو.

[هياا شافت كيف خيريه اتحط في سم لما كان عمرها 5 سنين وعطاته لي امها بس مهما تكلمت وقالت مابوش ايصدقوها لعند باتها كرها ومعاش ايدور فيها بكل لانه كان حبه لي خيريه معمي عيونه مخليه حتى بنته مايصدقها ولا يدورها حتى]

بكت وفكرت لعند خداها النور ورقدت.

___________________

مالك ومعز ردو للحوش خشو كل واحد لي داره.
خيريه من خوفها ماجاها نوم قعدت ف صاله تمشي وتجي وحتى تليفون ماعنده عشان اتكلمه مشت رقيت لي دار مالك.

طقت الباب وفتحااته لقيت مالك ع لابتوب ويخدم.
خيريه: وليدي امشي شوف خوك وين من الصبح تعارك مع باته معاش رد وحتى تليفونه خداه منه باته.
مالك ماتفلتش عيونه ع لابتوب: توا ايرد وين بيمشي يعني.
خيريه: نوووض دور عليه وجيبه خوك الصغير وطايش توا شن ايدير ف روحه.
مالك تعصب وسكر الابتوب وشاف لي امه وقارن حواجبه.
مالك: اوكي اوكي خلاص توااا نمشي اندور ع دين امه الزفت. وخدي جاكيته وطلع.
وقعد ايدور فيه ف كل القهاوي والكزونات لعند لقياه سكران ويرقص مع البنات وحالته لا يورث لها مسكه من يده وطلعه ركبه ف سياره ورده للحوش.
______________

فيلات سامر.

سامر: وين جاد ع العشاء.
صباح متلبكه: اه قال تعبان رد خش لي داره رقد.
سامر: هاده شكله ديما تعبان ومن شن مش عارف بكل لاخدمه كيف العرب يخدم ولا شي.
صباح: سامر معاش تضغط عليه هكي خليه على راحته توا ايجي ويخدم معاك.
سامر: ولهي معاش عارف لي من نعطي فلوسي من بعدي اصغاري لاتنين ولا شي.
صباح: لا شنو لمن بتعطيهم ان شاء الله بعد عمر طويل.
وقعدت اتغير ف الموضوع ف حاجات تانيه.

سار ف دارها.
ساره: حبيبي ماتبيش اتقولي شنو الهاديه.
احمد: مستحيل لعند انشوفك ونعطيها ليك.
ساره: متحمسه بكل للهاديه.
احمد: ان شاء الله تعجبك.
وقعدو ايهدرزو.