ندخل في قصتنا
الى عالم مختلف ومخيف
ندخل الى دفاتر وسجلات قديمة جداً
مكر وخبث لم يوجد من زمن أدم
ودموع ويأس وحزن لم يمر على النبي أيوب من هم من أين أتوا
للحكاية بقية .....
#بقلمي:فاطمة محمود 🩷.
هلا هيلايات 🤍 ، اهلاً بيكم بعالمنة الجديد راح تحبوه متأكدة ، بس نصيحة قبل لا ندخل ، هذا العالم كلشي مسموع بيه حتى الحيطان الها اذن 🤫.
- الغلاف من تصميمي 🤍
Oops! This image does not follow our content guidelines. To continue publishing, please remove it or upload a different image.
أنَا الخوَّاف يادنيّا أنَا الخوَّاف مِن كُلشي ولو أحلم حِلم موزين أنَا أرجِف قبل رمشِي يهزنِي الليل ألف مرَة وأفِز بالليل ألف مرَة وتعز رُوحي .. وأكل للخُوف ظل بالبيّت وأنَا أمشِي أنَا الخوَّاف يادنيّا وحَال المبتلي حَالي .. أعبُر عالنهَر عطشان والمَي مو على بَالي مِن أولها وجفيتي وياي شَترجاچ مِن تالي؟ عيُوني وچذبن وياي وين الگه الصدك عدمَن بَس طيُور تعبَانات يمي بليّل يلتمَن سوالف همِّي و دنيّاي بيمَن هالگلب أمّن وتعز رُوحي .. وأكل للخُوف ظل بالبيّت وأنَا أمشِي .
الـمشهد :
عيوني ما تكدر تقاوم هذا النعس احس كل جزء مني نايم وبس عقلي الصاحي صفنت بالفراغ وطرق على مسامعي صوت عياط قوي فزيت لكن صوت العياط مستمر وبقوة باوعت لزوجي واحس روحي دا تطلع رفعت ايدي وخليتها على جسمه وحاولة اصحيه بلكوه يلا كعد ، رفع عيونه عليه وكال : ها بوية شكو بيج شي - لا بس دا اسمع صوت عياط مال مريه حباب لتعوفني وتنام كلش خايفة : لا كاعد من تنامين يلا انام ، سحبني من ايدي ونومني بحضنه وضل يلعب بشعري اردفت : حبيبي - عيونه : إذا الي بطني طلعت بنوته شنو نسميها - انتِ الي حملتي بيها وتعبتي عليها من حقج وحدج تسميها : اممم اني اريد اسميها عسوفه هههههههه ، راد يجاوبني وسمعت نفس صوت العياط بس هل مرة شخص كأنما دا تطلع روحه ، عيوني على عساف اتأكد اذا هو سمع الصوت نفسي وفعلاً ملامح الاستغراب الي على وجهه اكدت الي هو سمع الي سمعته ، رفع الغطى من جسمه ولبس بلوزته وحجه بأصرار : راح انزل لا تلحكيني هيل هيل :- تمام مو تتأخر ، جنت منتظرته يطلع حتى الحكه مشى بخطوات سريعة ودار وجهه عليه قبل لا يطلع وكال : لا تطلعين ، هزيت راسي بمعنى أي وهو راح نزل صوت خطواته المستعجلة على الدرج تخليني اشك اكو شي دا يصير جوه رفعة الغطى وامشي على اطراف اصابعي اريد أعرف شنو دا يصير بهذا لبيت نزلت من الدرج واني أتلفت الي يشوفني يكول مسويه جريمة وصلت للصالة وماكو عساف صفنت شويه اكو صوت همسات من ممر المخزن ، رحت امشي بأتجاهه ، امشي خطوه وكلبي يكلي رجعي ألف خطوه وصلت لنص الممر جانت اكو ريحة مطيبه ريحة دم كملت مشي باتجاه المخزن جان الباب مفتوح على النص كلبي ضل يدك بسرعة جنونية والطفل الي بـ بطني كام يرفس من هول المنظر الي شفته ، جان عساف حاط ايده على رأسه ويفتر بطريقة عشوائية بالغرفة و يدُالله كاعد بالزاوية مال الغرفة ويضرب رأسه بالحايط وبالنص جانت اكو بنيه غركانه بدمها عيوني غوشت ما كمت اشوف عدل ، حسيت شي ينزل مني نزلت عيوني على الكاع جان دم عطت بأعلى صوتي بس الدنيا اسودت بعيوني وأغمى علية أخير شي اتذكره عساف يعيط ويكول : ادفعك الثمن غالي ، جيب السيارة ....... يتبع ...
-------------- -
هلاوو حبيباتي شلونجن ؟
- صدمة حلوة مو ؟ ، لا تنصدمون هاي البداية فقط ، وقبل لا اروح لا تنسون نصيحتي 🤫❤️.
