"اللى ربى بتاع مربى" 😉🙄

عالم موازى😂💖

سليم بغضب شديد:حد يفكرنى كانت فكرة مين اننا نهرب من هنا علشان والله العظيم أما نتفك من الربطة دى لأحوله لبطاطس مهروسة
مراد بغضب وهو مربوط في النخلة وامامه حارس ممسك بكلب ضخم:فكرة مهاب باشا أقسم بالله أط...........
مهاب بخوف ويديه مربوطة للخلف:لا مش فكرتى اختك المبجلة هى اللى قالتلى قول بطنى بتوجعنى عشان نزفت نهرب واهى جت فوق دماغنا كلنا في الآخر
خالد بروقان:أصلك متخلف
مهاب بضيق: والله ما حد متخلف غيرك
خالد وهو يضحك بسخرية: ههههههههه 😂 حد يمشى برده ورا واحد مسمى نفسه مايا
مايا:جدع وراجل كده خل........
خالد بجدية مضحكة:عيب عليكى مفيش أرجل منك
ثم انفجر ضاحكا😂😂😂
مراد ببرود:انا غلطتى إنى كنت بعاملك زى البنى آدمين وانت اصلك مش متربى ولا محترم
احمد بهدوء:ما تبطلوا رغى بقى يخربيت التفاهة
ليان بضيق وهى تحاول فك يديها وهى تنظر للسماء بغضب: بس يا هبابة منك ليه ليه ليها له انا غلطانة إنى مشيت ورا عيال زيكوا بجد غلطانة
ندى بضيق وخوف:انا خايفة من الكلاب أوى انا ايه اللي خلانى اعمل في نفسى كده
سليم:اقعدوا انتوا اندبوا كده ما انتوا بنات انا هستغرب من إيه
خالد:صح رغى وبس إنما أفعال مفيش
مايا:ما شاء الله عليكوا انتوا الاتنين مبتتفقوش غير في التفاهات بس
ندى وهى تنظر لسليم وخالد المربوطين:ما هو لولا فكرة مايا اللى هى بنت بالمناسبة مكنش فات.........
مراد بضيق:مكنش فاتنا اتربطنا....اسكتى بالله عليكى يا ندى
مايا:مراد فيه إيه انت معاهم عليا
خالد:سيبيه اول مرة يقول كلمة عدلة
مراد:أنا كلامى كله عدل غصب عنك
ليان:اخرسوا بقى وهى ذنبها إيه في إننا فشلة ومعرفناش نهرب من الكلاب والجاردات
أحمد:ما تبطلوا بقى يا دى النيلة على ام دى رابطة
مراد: بقولك ايه هتعملنا فيها مخنوق احنا مخنوقين أكتر منك
أحمد بهدوء:طب قصر
مراد وهو يتحرك بعصبية:وإن ما قصرتش
أحمد بعنين غاضبتين فجأة:هتعرف لما نطلع من هنا
ندى بهم:بس بقى حرام عليكوا مش كفاية إننا مربوطين هنا من ١٢ بالليل لحد ما الساعة بقت ٦ الصبح
مهاب: كان فاتنا هربنا على فكرة لما فكونا عشان نصلى الفج........
سليم:اخرس خالص انت عاوزنا نسمع كلامك تانى
خالد لمهاب: بصراحة بتحلم يا مهاب
ثم نظر لمايا بتهكم:مع انها مش فكرتك
مايا وهى تتحرك بعنف وغيظ:أيوة فكرتى أنا واللى عندك اعمله ده انت....انت.....
خالد بضحكة: ههههههههه 😂😂 انا ايه حارقك اوى كده
مايا بعصبية:ايوة ومفور دمى واتفك بس وانا هوريك أنا هعمل فيك ايه انت اصلك....ح....حيوااااااان ومتخلف
خالد بوجه جامد:هنشوف الكلام ده بعدين
مراد بنظرة قاتلة لمايا:مايا خلاص
مايا اكتفت بالصمت والنظر لخالد نظرة غريبة خاطفة ثم نظرت لمراد بجمود
مهاب بصوت واطى وهو يستغل نوم الحراس:طب اسمعوا انا عندى خطة حلوة اوى لو...........
الكل:اخرس
مهاب بملل:جتكوا شلل أكتر ما انتوا هه
خالد:مش انا اخوك اهو بس مشى وراك تانى لأ
أحمد:عنده حق احنا مش عارفين جدك ممكن يعمل فينا ايه تانى
مهاب محركا رأسه بملل:هيعمل ايه يعنى
مايا:ما تسكت يا ابنى بقى خلينا في حالنا انت مش هترتاح إلا لما يولعوا فينا أحياء
ليان لمهاب:مهاب
مهاب ببسمة:نعم
ليان بسماجة:روح موت على جمب
مهاب بتفاجأ:بس كده
سليم بشر لمهاب:خير عاوز حاجه تانيه
مهاب بثبات:هعوز ايه يعنى
أحمد بملل:عازكوا قطر يفرمكوا يا بعدة
ندى:طب وأشغالنا اللى ورانا دى هنعملها إزاى واحنا منمناش من امبارح
خالد:وانتى فكرك جدك هيخليكى تنامى كده عادى
ندى:أومال هفضل عايشة على النخلة دى طول عمرى
أحمد: والله احتمال مش بعيد يا أخت ندى
خالد بسفالة:طب واللى عاوز يتجوز يتجوز إزاى وهو مربوط الربطة دى
مراد:ما تحترم نفسك يا ابنى
سليم بهزار:سيبه يا عم خلى الراجل يتطمن على مستقبله😂😂😂
أحمد:هو الحل الوحيد يتقبض عليهم
مايا:وانا اللى هبلغ عنهم
مراد:ملكيش دعوة انتى
مايا بغيظ:منتاش شايفهم السفلة دول....دول اتحرشوا بالنخلة
مهاب بصدمة:يعنى إيه هيبقى عندى بنت أخ نجيلة وابن اخويا هيبقى بلحة
أحمد:لا إله إلا الله....أنا عاوز أقول حاجة واحدة بس
الكل:إيه
أحمد بزهق: ربنا ياخدكوا
مايا:ما.................
فجأة قاطعهم اقتراب تيتة مجيدة مع طاستها وجدو مصطفى اللذان جلسا فى هدوء على مقعدان أمامهم بكل تكبر وهدوء
لكن تيتة مجيدة كانت تنظر لهم بغيظ والشر يتطاير من أعينها
وهى تمسك الطاسة بيد وتخبط بها على كفها الآخر
لكن لحظة أين مازن؟..................
الكل فى نفس الوقت:تييييية
مجيدة بغيظ وهى تنظر لمن هو أسفل قدميها:ايه تحبوا تبقوا مكانه
ليان وهى تنظر لمازن اللذى يرتدى شورت قصير وشعره مكنوش ويربط عليه إيشارب يشبه الخادمات بالإضافة إلى أن ملابسه مبتلة وينظر لهم مثل الجرو 😂
(وربنا صعب عليا وانا بوصفه😂).
ليان بنظرات مشدوهة:انتوا عملتوا فيه إيه
جدو مصطفى بقسوة:برده اسمها انتوا
ليان بزهق: خلاص حضراتكوا حلو كده.
مجيدة وهى تمسك شعر مازن:قولتلك خوشروميت مرة مفيش فايدة فى الأشكال دى هيفضلوا زفت منيل بأطران زى ما انت شايف كده
جدو مصطفى بجدية:هنشوف
مجيدة لمازن:واد انت انظر لى أيها الكلب الأجرب
مازن وهو يدعك قدميها:حاضر يا هانم
مجيدة وهى تمسك له الطاسة بشر: متستعبطش يا حيوان ايه هانم دى هو أنا مشغلاك عندى ولا إيه
مازن بتوتر:لا أبدا هو...هو فيه جدة تعمل ك...كده في حفيدها
مجيدة:لا يمكن طبعا....ادعك بقى كويس
مازن بذل: وربنا الحتة دى أنا برشتها ستة وتسعين مرة ارحمينى يا تيتة يا حضرتك يا هانم إلهى يخليهوملك يا أحلى ولية في الدنيا
أحمد بغضب:قوم يالا انت ايه اللى بتعمله ده انت راضى على نفسك الذل ده
جدو مصطفى:تحب تيجى مكانه
أحمد:إيه
جدو مصطفى وهو يقترب منه:ما هو لو عاوز تفديه تيجى مكانه غير كده مسمعش نفسك
أحمد بضيق:لو سمحت كفاية بقى كده ليه البهدلة دى احنا آه حاولنا نهرب ما هى دى مش عيشة دى إقامة جبرية واحنا مهنعرفش نعيش كده
خالد: وبعدين احنا عملنا ايه يعنى احنا عاوزين نبقى براحتنا ونعمل اللى عاوزينه غلطنا في ايه مش فاهم
مراد:متحكمين وخلاص
مازن وهو يلطم: يا سوادى يا سواداااااااااااااى يا لهواااااااااااااى
ندى:ما تنشف يا ابنى شوية
مازن وهو يشاور على ملابسه المبتلة:تعالى انشفى انتى مكانى يا أختى ما انتوا تغلطوا وتتنيلوا وأنا اللى ببرش رجلين الحجة....قصدى تيتة من امبارح زى الكلب الهوهو
تيتة مجيدة:شاطر عارف مصلحتك
جدو مصطفى وهو ينظر لهم:يعنى انتوا عاوزين تمشوا من هنا
الكل:يا ريت
جدو مصطفى:شكلكوا متعلمتوش حاجة من اللى كنت بقولها وواضح إنكوا مش فاهمين المغزى من اللى بيحصل وطبعا شايفين نفسكوا مش غلطانين في حاجة
مهاب:أيوة مش متنيلين غلطانين وعاوزين نعمل اللى على مزاجنا ها
تيتة وهى ترفص مازن:عدينى كده.....
ثم نظرت لمهاب:انت عاوز ايه أولااا عاوزنى أفقدك الوعى بالسلاح بتاعى فوق نافوخ اللى خلفوك ياض يا برص انت
مهاب بتوتر:هى كل حاجة بتيجى فيا انا والواد الزفت اللى بقى شبه الخدامين ده ليه
تيتة مجيدة وهى تنظر لمازن اللذى يجلس بجانب مقعدها على الأرض:آه قصدك العبد بتاعى
مهاب:إيه
مازن بابتسامة عريضة:ايوة ده أنا....انا العبد  بتاعها
أحمد بغضب:قوم يالا يخربيت الذل
مازن وهو يمسك ظهره:بقولك ايه سيب الولايا في حالهم انا ضهرى قافش عليا وركبى مش حاسس بيها...ده أنا قاعد بمرشلها رجلها بالبرسيل من الصبح لغاية أما.......آه
فى ذلك الوقت تلقى ضربة خفيفة على رأسه على إثرها تمدد على الأرض شبه الأموات😂
تيتة وهى تكاد تهجم عليه:بقى بتدعكلى رجليا بأومو يا ابن السحالى يا كفتة يا حيوان ي.....
مازن وهو يبتعد بخوف مضحك:ده....ده....ده برسيل والله يا تيتة مش أومو
مجيدة وهى تكاد تضربه ومصطفى يقف في المنتصف:سيبنى عليه...سيبنى بدل ما أ......أتابى يا أخويا رجليا بتاكولنى زى ما يكون حاطة فيهم كلور
مايا:ابقى حطلها المرة الجاية بقى يا مازن
مازن وهو ينظر لتيتة بخوف:اخرسى بقى اخرساااااااااى.....منك لله يا ولية إلهى تولع
مايا لسليم:أخوك ده خواف أ......
مازن وهو يزحف للخلف:آه خواف وجبان وبخاف من خيالاااااااااااااااااااى ملكيش دعوة بقى الله يقصف عمرك
مايا بعنف :لا وقليل الأدب ومحتاج يتربى
خالد بتهكم: ابقى اديلوا بوكسين يا كابتن مايا ههههههههه 😂 😂 😂
مايا بعنف وغيظ: لا انت قبله إن شاءالله
خالد ضاحكا: ههههههههه 😂 هنشوف
جدو مصطفى بقسوة و بصوت عالى:انتوا لا هتشوفوا ولا تسمعوا حاجة غير اللى انا عاوزها بس
مازن:ليه هتسد ودانا وتغميلنا عنين.......
فى ذلك الوقت أخد على دماغه بطاسة تيتة مجيدة وأغمى عليه😂
ليان:ما كفاية بقى يا تيتة
جدو مصطفى لمجيدة:خفى شوية يا حيزبون مش كده
تيتة مجيدة:هما طستين بس يا درش روق كده كام ساعة وهيفوق
مراد:آه وتدبيه تانى مش كده
تيتة وهى تصفق:اسم الله عليك نبيه
خالد:ما تنجز يا جدو ورانا مصالح
جدو مصطفى:ليه وراك ايه
خالد بنبرة لعوب:شغل
جدو مصطفى وهو يصفعه:شغل يا سافل يا بتاع الستات يا عديم الأدب.....هو ده الشغل منتاش عارف إن ده حرام وعيب وانت عندك أخت يا قذر
خالد ضاحكا بغضب: ههههههههه 😂
ثم قال بجدية:ميهمنيش وبعدين انا أختى محترمة مش زى الأشكال اللى بشوفها واللى هما كتير اوى أوى بالمناسبة
سليم ببسمة لعوب:انا شخصيا معرفش واحدة مش سافلة
مراد بقرف:ايه الحوار الزبالة ده
جدو مصطفى بغضب شديد:آه انا كده فهمت انتوا شوية حيوانات بقى انتوا بتمشوا ورا غرايزكوا وبس انتوا أصلكوا متنفعوش غير فى حديقة الحيوان ده المكان المناسب لأمثالكوا
سليم:الصراحة مش بنحب المواعظ أجدو
تيتة مجيدة:اومال بتحب ايه يا روح أمك
مهاب:يييييه خلصنا يا جدو
جدو مصطفى بتجاهل: والله لازم الحيوانين دول يفهموا ان اللى بتعملوا النهاردة بكرة يترد في اخواتك وعلموا على كلامى
سليم: مستحيل احنا اخواتنا محترمين ده مش هيحصل
جدو مصطفى:طب وبالنسبة للحرام والعيب ايه نظامه معاكم
تيتة مجيدة بنرفزة: بقولك ايه عبى وبستر وقصر في الكلام دول ميجوش غير لما تتقل قيمتهم
ندى بتذمر:فكناااا بقى
مازن وهو يستيقظ: اه.....فات....فاتنى حاجة
ثم جلس ممسكا لرأسه:أو...اوعوا تكونوا أك....أكلتوا من غيرى
تيتة وهى تدوس على قدمه:بس يا جثة
مازن وهو يضع يده على صدره وهو يشكرها: متشكرين أتيتة
ثم نظر لهم جميعا:ديجى مازن جثة يحييكم.....ها بقى الكلام على إيه
تيتة وهى تدبه على رأسه مرة أخرى:اخرس
الكل:ماااااازن
مازن وعينيه تدور ممسكا لرأسه:متخا....متخافوش مموتش....بس....بس همو.....هموت قريب متقلقوش
سليم بغضب:لولا إنك جدتى أنا....أنا كنت....
تيتة مجيدة بشرار:كنت ايه يا برص
سليم:استغفر الله العظيم يا رب
جدو مصطفى:انا قررت قرار احنا ندخل على المرحلة التانية بما إنكوا لسه متربتوش..
الكل باستغراب:المرحلة التانية ؟
...............................................................................
على الساعه سبعة الصبح في مكان تانى فى حارة شعبية
بنوتة نايمة في اوضتها بكل أمان جت واحدة فتحت الباب عليها بكل عصبية وشدت من عليها المفرش ومسكت شعرها جامد
والبنت عنيها دمعت من شد شعرها ومن القسوة اللى بتشوفها في البيت ده بسبب مرات أبوها
نجوى ممسكة بشعر منة:انتى نايمة لحد دلوقتي ليه انطقى بسرعة وإلا هموتك
منة بدموع:أنا...أنا والله... والله فضلت صاحية بعمل شغل البيت ونمت الفجر زى ما قولتيلى
نجوى بقسوة و هى تأخذ رأسها لأسفل:كلامى مبيتسمعش ليييييه
منة بتوجع ودموع:آه...أنا...انا سمعت كل كلامك والله
نجوى وهى تصفعها على وجهها أربع مرات متتالية:لا مبيتسمعش.....انتى بتعاملى الواد سيد ابنى وحش ليه ها...وانتى تطوليه يا قليلة الرباية انتى
منة بوجه أحمر من صفعاتها:هو...هو اللى بي...بيتحرش بيا والله 
نجوى بصوت جهورى:اخرسى ابنى انا هيتلزق فيكى انتى يا حيوانة
منة وهى تمسح دموعها:هى دى الحقيقة والله  انا مبكدبش
سيد وهو يدخل فجأة عليهم:ما خلاص بقى ياما سيبيها وشوفى هتأكلونى إيه
منة وهى تغطى نفسها لأنها بملابس النوم:اطلع بره لو سمحت
نجوى:ليه يا أختى هيشوف ملكة جمال الكون
سيد وهو يتفحصها بقذارة:مثلا يعنى
منة بدموع:حرام عليك اعتبرنى زى أختك حرام عليكى يا ط........
نجوى وهى تصفعها مرة أخرى:حرمت عليكى عيشتك والهوا اللى بتتنفسيه يا حقيرة انتى مش هتخرجى من هنا والواد سيد ابنى ده انتى هتجوزيه ورجلك فوق رقابتك وإلا نهايتك هتبقى على إيدى
سيد وهو يشدها من يدها وينظر لها بتفحص:سيبى المزة بقى ياما كفاية كده
فنفضت منة يده ورجعت للخلف مع شد ملائتها عليها بإحكام
بينما اقتربت نجوى منها بشر
نجوى:انتى عارفة لو أبوكى عرف حاجة هموتك
منة بدموع: والله ما هيعرف حاجة خلاص
نجوى: آه....قوليلى بقى يا بت انتى مبتروحيش شغلك ليه
منة بارتباك:ه...هروح
نجوى وهى تمسكها من أذنها بقوة:ايوااااا اومال مروحتيش امبارح ليه
منة:كنت تعبانة والله
نجوى: ههههههههه تعبانة انا الكلام ده ميمشيش معايا ولا عاوزانا نصرف عليكى كمان
منة:لا لا...أنا...انا قايمة عشان أروح أهو
نجوى: أيوة كده شاطرة وتعجبينى...بس قبل ما تمشى يا حلوة تعملى الفطار لابنى وتنضفى البيت وتغسلى الغسيل وتنشريه وإلا مش هتشوفى الشارع ده تانى سامعة
منة بخوف:سامعة سامعة
نجوى وهى تتركها:قرف يقرفك...يلا يا واد عشان تفطر وتروح تشوف شغلك
سيد مستغلا لرحيل والدته:لينا معاد يا جميل
منة وهى ترجع للخلف:ابوس ايدك سيبنى في حالى
سيد بغمزة:حظك إن أمى بتبقى في البيت بس دورك جاى متخافيش
منة بدموع:حرام عليك
سيد وهو يمسك خدها بيده: ههههههههه مش أوى كده
نجوى من بعيد:انت يا وااااااد
سيد بغمزة: سلام يا قطة
بعد خروج ذلك الوحش هو ووالدته أغلقت منة الباب جيدا وارتدت عباءة فضفاضة جدا وخرجت لتقوم بالعمل اللذى كلفت به وحينما تأكدت من خروج زوجة والدها وابنها
توجهت للخزانة حتى ارتدت ملابسها المكونة من فستان صيفى رقيق قد اشتراه لها مراد وأسدلت شعرها الأصفر واترتدت معه بلارينة وردية رقيقة بنفس لونه وقد أصرت على الذهاب لمقابلة مراد
فهى لم تعد تحتمل ما يحدث معها بالإضافة إلى انها تحبه وقد ساورها القلق عليه لإختفائه فالبتأكيد هناك شئ خاطئ يحدث معه
هى تريد العيش بكل بساطة تريد الذهاب لمحاضرتها في الجامعة لكنها لا تقدر على ذلك بسبب إقناع زوجة والدها لوالدها بأن هذا ليس ضرورى وأنه تكفى فترة الامتحانات فقط