أزْر ألامْت

.⁵.

أحببتها حتى آمنت أن ما مضى من عُمري كان أنتضار لها .."
__________________

ماس: يعني كلام وغزله غيهبان وحبه كله سحر

ميثاق: لا يماس واحد يحجيه امام الله هو كلش يحبج
ومن رفضتو بالبدايه وامه بعد مقبلت تخطبج مره ثانيه
كله

غيهبان :والله اذا ماس مصارت الي انتحر وحرامي بركبتكم الي يوم الدين

ماس : مرت فتره تصرفات غيهبان تزداد صار عد خير من الله ترك الشغل والتجاره ويه اهلي وكامو اخوانه يحجون براسه ويكلوله اشتغل ويانه
اخذ ذهبي كله باعه واشتغل ويه اخوانه اشترو مجرشه مال حنطه وسوو معمل دبس
وجان معمل الدبس يستعملو بصنع المشروبات الكحوليه
والي يشتغلن بي عاملات بنات كامو اخوانه كل يوميه يسون علاقه مترضي الله ويه عامله من العاملات
يجيب الوارد مال المعمل والمجرشه جنط مال فلوس وينطيهن لأهله واحنه عائلته مقصر علينه كلش

للحد ما تعاركت ويا من ورى تقصيره عركه قويه بس هل مره الي صدمني هو كلي

غيهبان : يله لمي ملابسج اوديج لأهلج

ماس : لميت ملابسي وكتله ، طبعا اروح بيت اهلي مفتوحه بابه  بس خاف عباللك كل مره اني اعوف البيت مو خوف منك لا  لان هذا محاسبته بيتي ولا راح احسبه بيت  شو كل واحد من اهللك يتمرض يجي يمي دكول فاتحه مستشفى بس اني بنت اصول اكول مهمه يكون يبقون اهله من غير حجي امك الي يجفص بالبطن .

رحت لأهلي مرت كم يوم سمعنه الباب تندك بعصى

جميل : سند كوم افتح الباب دتندك

سند : تمام يابه كايم

عبدالله : سلام عليكم شلونك ابني شنو متفتحون الباب متردوني

سند : لاعمي اتفضل على راسي

ماس :شفت ابو غيهبان دخل عمو عبدالله جان انسان ايجنن بمعنى الكلمه الرجل المؤمن المصلي الصايم بعيد عن كل سوالف اولاده ومرته وجان كلش يحبني
واني هم جنت كلش احبه لان انسان نقي

جميل : يااهلا وسهلا بأبو مؤمل تفضل

عبدالله : تسلم ابو شهاب زاد فضللك
والله اني جايك اليوم اريد ارجع بنتي ماس للبيت والله وحشه الديره بدونه

جميل : هاهيه لخاطرك ترجع حته لو هيه متريد

ماس : حضرت نفسي ورجعت ويه عمو عبدالله
دخلت للبيت لكيت غيهبان ابوجهي

غيهبان : ها هم رحت جبته عسى مازعلت جبتوه

اني فار دمي كتله
ماس : عمي دقيقه ماابقى هسه ترجعني