"မေမေ သမီးပြန်ရောက်ပြီ"
ဝသုန် ကျောင်းကအပြန် အပြင်သွားလည်ပြီးအိမ်ပြန်ရောက်ရောက်ချင်းမေမေ့ကိုခေါ်ကြည့်ရာ ထူးသံမကြားရ၍အိမ်ပေါ်တတ်လာခဲ့ရသည်။တွေ့ပါပြီ မေမေကအိပ်ခန်းထဲတွင် ဝင်ပေါက်ကိုကျောပေးကာထိုင်နေလေရဲ့...နောက်ပြီးမေမေ့ဘေးကကျောပြင်တစ်ခုကကော ထိုကျောပြင်လေးကိုဘာလို့သိပ်ရင်းနှီးသလိုခံစားနေရတာပါလိမ့် ဝသုန်စဉ်းစားမရသေးခင်အချိန်အတွင်းမေမေ့ထံမှစကားတစ်ခွန်းထွက်လာခဲ့သဖြင့် အတွေးတွေအကုန်လွင့်စင်ကုန်ရသည်။
"သူ အဲ့မှာအဆင်ပြေရဲ့လား"
သူ?မေမေပြောတဲ့သူဆိုတာဘယ်သူများလဲ မေမေမှာဝသုန့်ကိုဖွင့်မပြောနိုင်တဲ့ အကြောင်းအရာတွေများရှိနေမလား။
"အွန်း...ပြေပါတယ် မမငြိမ်း"
တစ်ဖက်လူ၏ပြန်ဖြေသည့်ထိုအသံကို ဝသုန်သိသလိုခံစားမိသည်။'မ'အသံနဲ့တော်တော်တူတာပဲ ဒါပေမဲ့မေမေနဲ့ မကဘယ်လိုသိမှာလဲ။ဝသုန်အတွေးပင်မဆုံးလိုက် သူမဘက်လှည့်ကြလာကြတဲ့သူနှစ်ယောက် မေမေနဲ့ နောက်တစ်ယောက်က မ။
"သမီး ဘယ်တုန်းကတည်းကပြန်ရောက်နေတာလဲ"
မေမေ့၏မျက်ဝန်းများတွင် ထိတ်လန့်နေသည့်အရိပ်အယောင်အနည်းငယ်မြင်တွေ့နေရသည်။ခဏက သူ ဆိုတဲ့တစ်ယောက်ယောက်အကြောင်းကြားမှာမှာစိုးလို့ထင်တယ်။
"အခုမှပြန်ရောက်တာ မေမေ"
ဝသုန် မ ဘက်ကိုလှည့်ကြည့်မိရာ အံ့အားသင့်နေသည့်လူသဖွယ်။
"မွှေး ဒါကမမငြိမ်းရဲ့သမီးလေး နှင်းဦးဝသုန်တဲ့"
"မွှေးသိတယ်မမငြိမ်း မွှေးအတန်းထဲက ကလေး"
ယခုအခါတွင်တော့မေမေအံ့ဩရသည့်အလှည့်ပင်။
"ဟယ်...ဟုတ်လား ကောင်းတာပေါ့မွှေးရဲ့ သမီးကနည်းနည်းဆိုးတော့မွှေးကိုအပ်ပါတယ်ကွယ်"
"ဟာ.....မေမေနော်"
မေမေကတော့ မ အရှေ့မှာဝသုန့်မကောင်းကြောင်းတွေဖောက်သည်ချတော့မည် မကလည်းဘေးမှရီနေလေသည်။
"မွှေး စောင့်ရှောက်ပေးလိုက်ပါ့မယ်မမငြိမ်း"
စောင့်ရှောက်မယ်ဆိုတော့ မကြာမကြာတွေ့ရမယ့်ပုံပဲ ဝသုန်ဖြင့်ဝမ်းသာလိုက်တာမှမပြောလေနဲ့။
YOU ARE READING
Impossible love 💗
Romanceမကြိုးစားကြည့်ပဲမဖြစ်နိုင်တာမရှိဘူး မဖြစ်ချင်တာပဲရှိတယ် #နာမည်တူပါသွားရင်ခွင့်လွှတ်ပေးကြပါနော် ဒုတိယမြောက်ဖန်တီးထားတဲ့ficလေးပါ
