قامت ريم من النوم و شافت انه البنات ما زالو نايمين ف قررت انها تروح للمطبخ لانها جوعانة، فتحت باب الثلاجة تشوف وش فيها، تجمدت يوم حست انه في احد واقف وراها لفت راسها و شافت عبدالعزيز
ريم: بسم الله انت وش جابك هنا؟
عبدالعزيز: وش بسم الله شايفه جني؟ و حالي من حالك جيعان بالله سوي لي فطور
ريم: اقول لا تصدق نفسك قلنا انك تخوف بس محد يتأمر علي سوي لنفسك
عبدالعزيز و هو يضحك: اما تخافين مني؟
صوت ريم الداخلي : و مستغرب بعد
ريم: ههه لا لا ما اخاف منك
عبدالعزيز: ايه واضح واضح
قاطعوهم غرام و لين و العيال و بدأو يحظرون الفطور مع بعض، يوم قعدو يفطرون جلست لين جنب عبدالعزيز
لين: عزوزي اشتقت لك منزمان ما شفتك
عبدالعزيز: ايه ايه انا بعد
ناظرو ريم و غرام بعض و جلسو يضحكون
لين: وش يضحك؟
غرام: مافي شي بس تذكرنا نكته
ريم: ايه صح كلامها
لين: طيب
بعد ما خلصو الفطور نظفو مكانهم و راحو البنات عند الجده و العيال عند الجد في المجلس ، اجتمعت كله العايله ناظر الجد لولده محمد
الجد: ما كلمته عن الموضوع؟
محمد: لا يبه ان شاء الله قريب
الجد: خلاص انا بقوله، (ناظر عزوز)
عبدالعزيز: هلا يا جد ناقصك شي؟
الجد: لا والله يا ولدي بس انا و ابوك و عمك ودنا نقولك شي
جابر: وش نقوله؟
الجد: مب انت يا غبي
جابر: طيب و هيبتي؟
الجد: اقول انطم
جابر: ابشر
عبدالعزيز: طيب يا جد وش تبون تقولون؟
الجد: انت تدري انه عمري قصير و يمكن اروح من الدنيا ف عندي وصيه وحده بس
عبدالعزيز: جعل عمرك طويل يا جد لا تقول كذا
الجد: عبدالعزيز انا اتكلم بجديه
عبدالعزيز: طيب يا جد وش وصيتك
الجد: ابيك تتزوج بنت عمك ريم
عبدالعزيز: ليه يا جد كان شفت غيرها انت تدري كيف علاقتنا
محمد: عزوز اسمع كلام جدك ولا ترادد
عبدالعزيز: طيب هي موافقة؟
علي: مب كيفها هذي وصيه جدها
عند الجده*
الجده: يلا يا علياء قولي لها
علياء: طيب يا عمه، (ناظرت ريم و هي عارفه انها ما رح توافق)
ريم: ماما في شي؟
الجده: امك مب عارفه كيف تصارحك بس انا اقولك يا بنتي، عزوز جاي يخطبك
وقفت ريم من مكانها و هي معصبه: وشوووو لا ما رح اوافق ذا اخر انسان افكر فيه
علياء: يا حبيبتي هذي وصيه جدك لا تردينه، ابوك رح يزعل منك
ريم: طيب يا ماما انا ما ابغاه
علياء: طيب جربي بس عشان جدك و اذا صارت مشاكل تطلقو
ريم: بفكر
علياء: يا ريم مب وقتك يلا روحي عند ابوك و قوليله انك موافقه
ريم: بذي السرعه؟
علياء: ايه يلا
توجهت ريم لابوها و طقت باب المجلس
الجد: ادخلي يا ريم
دخلت ريم و هي متوتره و فيها البكيه، جلست جنب ابوها و حاولت تقنعه بس ما فاد، ناظرها عبدالعزيز و هو معصب طلعو كلهم غير عبدالعزيز
عبدالعزيز: ما بغو يطلعون المهم ارفضي و خلاص ما رح نشوف بعض
ريم: انت غبييي مو بكيفييي غاصبيني عليك
عبدالعزيز: لا تصارخين عشان ما اهفك
ريم: طيب عندي فكره
عبدالعزيز: وش؟
ريم: نمثل انه رح نكون متزوجين بس في الصدق بس على الورق
عبدالعزيز: يا غبيه ما رح يصدقون حنا بس نتهاوش، ولا اقول وش رايك تهربين؟
حطت يدها على خصرها و قالت: لا والله؟ ليه مو انت الي تهرب انا ابي اهلي
عبدالعزيز: حتى انا ابي اهلي
ريم: عزوز اذا وافقت رح اعطيك 50
عبدالعزيز: بزر عندك؟
ريم: خلاص عزوز رح يكون بس ع الورق مابي ازعل ابوي، او اذا عندك حل ثاني تفضل قول
عبدالعزيز: لا والله ما عندي
ريم: طيب ليه تتفلسف
عبدالعزيز: مالك دخل
ريم: عزوز ياخييي وافق و فكني و عقب شهرين طلقني و خلاص
عبدالعزيز: لذي الدرجة ميته علي؟
ريم: خلاص انا طالعه و بقول عزوز ما يبي انتو اقنعوه
عبدالعزيز: يا غبيه مو كل شي تصدقينه خلاص طيب بس راح يكون تمثيل فقط
ريم: تراني مب ميته عليك ما ابيه يكون حقيقه
بدون لا نطول الاحداث*
جاء وقت الزواج و الكل يتجهز و مبسوط الا ريم و عبدالعزيز
صوت ريم الداخلي :افف زفتي بعد شوي متوترهههه، خلاص لازم انزل بسم الله
نزلت ريم و انزفت و الكل يرقص و ياكل و جاء اليل، راحو ريم و عبدالعزيز للفندق
عبدالعزيز: انتي نامي ف الكنب و انا في السرير
ريم: عزوز انا البنت ما رح اروح للكنب
عبدالعزيز: ماله دخل انا الي رح انام ف السرير
ريم: اذا نمت ف السرير رح اكب عليك مويه
عبدالعزيز: ايه عشان اسطرك
ريم: المهم انا باخذ لي شاور و لما اخلص اشوفك ع الكنب
عبدالعزيز: احلمي
دخلت ريم و اخذت شاور و لما طلعت شافت عبدالعزيز يشوف جواله و منسدح على السرير
ريم: عزوز انا وش قلت؟
لف وجهه صوبها و انصدم من اللبس الي لابسته كان اول مره يشوفها كذا بدون الطرحه و اللبس قصير
عبدالعزيز: هاه؟ وش قلتي
ريم: غبي انت؟ قلتلك روح الكنبه
قام عزوز من الصدمه و راح للكنب و انسدح عليه
ريم: شاطر
عبدالعزيز: ريم اسكتي علشان ما افصل عليك
ريم: طيب بس وين رح تسفرني؟
عبدالعزيز: اسفرك؟ ليه انتي مب زوجتي
ريم: عزوز لا تستهبل ادري ان حنا بس ع الورق بس فخاطري اروح سويسرا
عبدالعزيز: محد مهتم
عصبت ريم ف قررت انها تنام و توريه شغله الصباح
