بسم الله الرحمن الرحيم
اللهم صلِّ على محمد وآل محمد
~~~~~~~~~~~~~~~~~~~~~~~~~~~~~~~~
رواية الرسام
بقلمي~ محمد سامي
محمد:
شيماء تدگ وتلطم وصريخ نريد نفهم شنو السالفه ماكو
شيماء:الحگولي راح يموت راح يموت
ماجده:ولچ احچي شكو وگفتي گلبنه
ام هادي:احجي يمصخمه شكو
روح:هاج ماي
شيماء :مالك ابن اختي لزم سعد وكتله وضلوا يتعاركون وبس الدم اشوفه لحگولي صرخت بشارع محد فزعلي
محمد:ومالك هسه وين
شيماء:كلهم بالبيت اروحلك فدوه خاله الحگلي
طلعت من البيت اريد الحگ على شي كلشي مافهمت
حذرتهن يطلعن من البيت لأن خاف احد يجي عمامهن
بما انو عمام البنات ربع ويه سعد خاف يسمعون ويجون
صح سعد حقير ونذل على سوايته ويه بيت ام هادي بس غيرتي ماسمحتلي اخلي مره تستنجد بيه وانا مااسوي شي
شافني الحسن اركض واجه وراي
الحسن:ولك محمد شكو
محمد:خايب هاي جوارينه متعاركين رجلها وابن اختها الي ربته وواصله للدم
الحسن:الله يستر
وصلنا ودخلنه للبيت
لگينه دم سعد ومالك يحاول ويوگف دم سعد جبنه سياره واجينا نقلنا للمستشفى دخلنا وحاولوا يعالجونه
واخذوله فحوصات طلع عنده نزيف داخلي بالراس وراح يسووله عمليه بسرعه لازم احد من اهله يوقع اخلاء مسؤليه
ومستمسكات وكل هالامور اتصل مالك على خالته حتى تحضرهن وراح تجي
محمد: مالك فهمنه شصار ليش هيچ صار بينكم اعرف مو وقته بس لازم اعرف
مالك: خويه انا اول مااجيت سلمت طبيعي هوا طلع من البيت
اجت امي(شيماء) يمي سولفتلي سوالف على سعد وگف بيها شعر راسي
يضربها ويأذيها ويخونها ويشرب كحول ويوميه جايب وحده للبيت الفجر واحياناً مايروح لشغله يروح لمكانات مشبوهه
واشياء غريبه عجيبه اخر سالفه مسويها مطلع سمعه مو زينه على جوارينهم وخطيه هذني يتيمات وخلاهم يشيلون من بيتهم
اول مااجه ظل يصيح على امي گدامي
وهيه مثل الي استقوت بيه توقعت ماراح يضربها گدامي
ردت علي بنتر وهوا گاملها ضربها انا ماتحملت طلعت قهري وتعبي كله بي دفاعاً عن نفسه ذب عليه الچاكوچ
انا رجعت هجمت علي هوا رفع راسه وضرب بحافة المكيف وانا منا مأذي اغمى علي وانتو اجيتوا وهاي كل القصه يشهد الله عليه ياخويه لا زيدت ولا نقصت
محمد:انا لله وانا اليه راجعون
الحسن:يستاهل هالناقص
محمد:حسوني ياريت تكرمنا بسكوتك
انا صدعت حيل وحسيت راسي راد ينفجر من السالفه سبحان الله گالتها روح الي يطلع حچايه على بنات الناس هذا اكو خلل بعرضه
حسبنا الله ونعم الوكيل
الحسن:شبيك صفنت
محمد:صدعت كلش
الحسن:امشي نقيس ضغطك مادام بالمستشفى احنه
اجت شيماء انطت المستمسكات لمالك وراحت وياا توقع على الاوراق لأن احتمال چبير تفشل العمليه
محمد:تعرف سعد مطلع حچي على جوارينه بنات ام هادي؟
الحسن:ياناقص ياعار
محمد:خسيس
الحسن:چا بعد شعدنه واگفين وانتَ تعبان منا امشي امشي هوا هذا يستاهل واحد يوگفله بالمستشفى؟
محمد:خلي نگلهم ونروح
الحسن:امشي رجعني لبيتكم صحن الحلاوه ماكملته بويه شگد طيب
محمد:هههههه محتار ببطنه
YOU ARE READING
روح ألرسام
Romanceيا فاتِنَ ألحُسنِ إنَّ الحُسنَ يأسِرُني كَالبَدرِ وَجهُكِ وَ العَينينِ تَسحِرُني
