بسم الله الرحمن الرحيم
اللهم صلِّ على محمد وآل محمد
~~~~~~~~~~~~~~~~~~~~~~~~~~~~~~~~
رواية الرسام
بقلمي~ محمد سامي
أنظُر إلى وجهِ اليَتيمِ، ولا تكُن إلا صَديقاً لليَتيمِ حَميما
و ارسُم حُروفَ العَطفِ حَولَ جَبينيهِ فَالعَطفُ يُمكنُ أن يُرى مَرسوما
ريحانة:
الباب مفتوح شوي وجاي اباوع لبابا وماما شلون جاي يتعاركون
اشتد الصراخ بينهم ووصلت لمرحلة والدي ضرب والدتي
بكل عنف بالمزهريه على راسها
اختي الصغيره يمي جاي تبچي وانا احاول اسكتها ودمعتي بعيني
طلع والدي من البيت وبقت والدتي غايبة عن الوعي بالغرفه والمكان مليان دم ….
رحت يمها
ماما. ماما.
نظرتلي نظرة ضعف وچانت اخر كلمه منها
الأم:ماما لاتخافين ،انتبهي لأختچ
ريحانة:ماما روح دتبچي متسكت مدري شبيها صيحي عليها تسكت
ماما انا جوعانه لاتنامين
اختي تبچي حيل طلعت يم باب الشقه وگفت طلعت جارتنا گالتلي يمة ريحانة شبيها اختچ ليش هيچ دتبچون
ريحانة:انا جوعانه واختي دتبچي وماما نايمه ماتقبل تگعد
دخلت جارتنا للشقة و لطمت على خدها
وصارت تبجي واتصلت على زوجهه وبعد دقايق اجو الشرطه
اخذوا والدي وطلعوا واخذو جثت والدتي
وانا بقيت مااعرف بابا وين وماما وين و ليش جارتنا تبجي و تلطم
انتبه لي شرطي گالي تعالي عمو نريد نحچي وياچ اخذوني بسيارة الشرطه واختي تبچي هوااايي خلوها يم جارتنا شيماء
وصلنه انا حيل خايفه اريد اروح لبابا اگله بابا انا خايفه
الضابط:مرحبا بابا الحلوه انتٍ شنو اسمچ ؟
-اسمي ريحانه
الضابط: اسمچ كلشش حلو باباتي الحلوه منو سوا شعرچ هيچ حلو ؟
ريحانه :ماما سوته الي
الضابط:ماما وين؟
ريحانه:ماما نايمه
الضابط:شوكت نامت؟
ريحانه:مادري
الضابط:شلون نامت؟
ريحانه:مادري (الخوف صعد الى اعلى مستوياته لدرجة الرجف والبكاء)
الضابط:لاتخافين بابا لاتخافين
(اتصل حتى يجون يطلعوني)
ماگدرت من الخوف احچي اي شي واصلا انا مااعرف انو بابا السبب بموت ماما طفله بعمر5سنين مااعرف شي
غير انو ماما نامت واخذوها ،وانا جوعانه
اجت عمتي للمركز وعمامي شافوني واخذوني
ريحانه:عمه انا جوعانه
ياسمين: حضنتني و هية تبجي يمهه يخسى الجوع هسه اوكلچ بأحلى مطعم شنو تريدين تاكلين؟
ريحانه:بيضه
أنت تقرأ
روح ألرسام
Romanceيا فاتِنَ ألحُسنِ إنَّ الحُسنَ يأسِرُني كَالبَدرِ وَجهُكِ وَ العَينينِ تَسحِرُني
