فاتت سمانة على الابطال تاعنا
راسيم كل ليلة يجمم ف ميلينا وعينيها كي خزر فيها حس حاجة جامي حسها
ناض مع صباح دوش ولبس حوايج يروح يخدم و حبط يستقهوا
راسيم: صباح لخير يما
يماه: صباح بخير
يماه:راك شباب ليوم
راسيم:انا كل يوم شباب
يماه:وي وليدي شباب سبع ديالي 100وحدة تمناك
راسيم:بديت
يماه:يا وليدي ربي يهديك راك كبير لقدك قاع زوجو و اولادهم راني حابة نشوف ولادك قبل ما ربي يدي امانتوا
راسيم:بعيد الشر يما واش هاد الهدرة
يماه: راسيم خليني نتهنا عليك و نشوفك فدارك مع بنت فاميليا
راسيم:ماشي وقتها وكي نلقا بنت فاميليا ني نقولك
يما: كيفاه ماشي وقتها ،و زيد ني لقيتلك طفلة زين وخلاق وتربية ما عندي منقول
راسيم:يا يما ماشي وقتها
يماه:يا وليدي طفلة متزربش بيها يطيرولك بيها 100وحد يتمناها
راسيم:و شكون هادي
يماه: ميلينا بنت عمك محمد
كان يشرب فالقهوة حسلتلو مسكين ،يماه قاعدة تضحك
يماه:وش قلت راسيم نهدر مع طاطا فتيحة ،علبلي عجباتك شفتك كيفاش كنت تشوف فيها نهار لعيد ،خليني نتهنا عليك
راسيم: خلاص ني قابل المهم ترضاي عليا
يماه ناضت تزغروت و هو يدحك جتى هبط باباه:واش كاين
راسيم: صباح لخير بابا
باباه: صباح لخير
يماه:يويويويوووووووووييييي
باباه:وش صرا كي ديرتلنا عرس هنا
يماه: خليني نفرح او قريب عرس وليدي صغير
باباه:واشمن عرس معا صباح ربي
يماه:حنخطب ميلينا بنت محمد لراسيم
باباه:مبروك عليك وليدي
راسيم: صحا بابا ،انا نروح عندي خدمة
لعشية عيطت يماه ليماها هدرت معاها وباباه تاني هدر معا باباها قالولهم حنا قابلين نسقسوها ونرجعولكم بالخبر
دخلت ميلينا لدار من الخدمة عيانة
يماها: ميلينا بنتي بدلي حوايجك و ارواحي نهدر معاك انا و باباك بدلت ميلينا و جات
ميلينا:وي ماما وش حبيتي تقولي
يماها:خطبونا فيك ليوم وانا و باباك رانا قبلين و راهم حابين يجو بالجمعة
ميلينا: شكون هادا
يماها: راسيم وليدي عمك سماعيل
قعدت ساكتاو هوما علبلهم بلي ميلينا متقبلش بزواج تقليدي متحبش تتزوج هاكا
باباه: بنتي علابلي بلي راكي حابة تتزوجي بواحد تحبيه ويحبك بصح راسيم وليد صاحبي مكاش خير منو ولد مربي وخاطيه لبنات وخدام وعاقل ،اقبلي على وجهي باش نرضا عليك ،و مع الوقت تحبيه ويحبك
ميلينا:اوك بابا كيما تحب
قالتلهم يماها بلي قبلت وتفاهمو يجو يخطبو بالجمعة
جات سارة و هاجر قبل بيومين وجدو الدار و الحلوة
واليوم الخميس خرجت ميلينا تشري حاجة تلبسها غدوة روحت دوشت و رقدت
