انا ميلينا فعمري 24سنة جاية خمرية وشعري بني طويل و حرير قصيرة شوية (1m58)و عندي لطاي شابة(مبنبنة شوية وعندي كلش واقف)انا صغيرة في دارنا نخدم opticienne ,نسكن مع بابا( محمد)و ماما (فتيحة)،عندي ختي لكبيرة وسمها هاجر فعمرها 34سنة مزوجة راجلها واسمو امين و عندها طفلة فعمها 5سنين تهبل(إينال) وخويا اسامة فعمرو31سنة عايش فالماريكان و مزوج وحدة من تم(اليل)عندو ولدو فعمرو3 سنين(اكسل) و ختي سارة فعمرها 29سنة عندها طفل فعمرو عامين(يانيس) ليلة عيد الفطر كنت معا لميناج نقيت الدار ولات تشعل ودورت حلوة العيد قبل بسمانة درت بقلاوة عرايش و تشاراك لمسكر وبنيون ومقروط كي كملت الميناج روحت دوشت دورت لماسك لشعري و وجهي وليت كي لعروس (انا نحب بزاف نتهلا في روحي)ورحت روقدت، صباح لعيد نودت بكري عيدت على بابا و ماما طيبت قهوة حليب لبابا وماما ووجدت صالون و حتيط لحلوة هاكة كي يجونا ناس يكون كلش واجد كي كملت طيبت لفطور دورت روشتا يحبها بابا يموت عليها كي كملت روحت نماكيي و نوجد في روحي جيت نهبل ماكيت سامل وطلقت شعري كنت جبدتو فليل ولبست روبا فالزرق.
هاكا لبست👇
Oops! This image does not follow our content guidelines. To continue publishing, please remove it or upload a different image.
شعري (كلرسيتو وحدي فالدار)👇
Oops! This image does not follow our content guidelines. To continue publishing, please remove it or upload a different image.
ماكياجي👇
Oops! This image does not follow our content guidelines. To continue publishing, please remove it or upload a different image.
جاو فاميلتنا عيدو علينا هدرنا معا اسامة و مرتو و وليدو مهبطش هاد لعيد قالنا عيد الاضحى يعيد معانا نشاله أمبعد مور لفطور جات ختي لكبيرة هاجر و راجلها و بنتها شحال كانت شابة (بنتها تقعد بزاف عندي ضال معايا)جات لبسة حوايج لعيد لشريتهملها كانت هايلة مورهها بشويّة زادت جات ختي سارة و راجلها و وليدها مام هو كان لبس حوايج لعيد لشريتهملو شحال كان كيوت قعدنا نقصروا حتى لعشيا قاع كانو جاين صاحب بابا (سماعيل)و مرتو صحبة ماما اسمها كيما ماما كانو يخدمو قاع كيفكيف يعرفو بعضاهم ملي كانو صغار و جابهم وليدهم الصغير وسمو راسيم فعمرو25سنة كان عندي شحال مشفتوش من يمات كي كنت نقرا
