အဲ့ဒီခြေခ်င်းဝတ်က အမာရွတ်ကိုမြင်တဲ့အခါ သူမရဲ့မျက်ဝန်းတွေညို့မှိုင်းသွားခဲ့လေရဲ့။ကျွန်မရဲ့ခြေထောက်လေးကိုကိုင်တွယ်ထိတွေ့ရင်း ဟန်နီမျက်ရည်ကျလာတယ်လေ။
"ဒီနေရာက နာနေသေးသလားဟင်"
"ကြာခဲ့ပြီပဲ ဟန်နီရယ်။အမာရွတ်ပဲကျန်တာလေ။မနာတော့ပါဘူး"
"ကိုယ်သိပ်မှားသွားခဲ့သလား ကလေးရယ်"
"ဟင့်အင်း.....မမှားဘူးဟန်နီ။ကျွန်မကို ပိုင်ဆိုင်ဖို့လုပ်ခဲ့တဲ့ရှင့်ရဲ့လုပ်ရပ်တိုင်းက မှန်ကန်ပါတယ်"
"မဟုတ်သေးဘူးလေ ကလေးရယ်။မင်းဆီမှာ သေရာပါဒဏ်ရာဒဏ်ချက်တွေဖန်တီးမိခဲ့တဲ့ကိုယ့်လုပ်ရပ်တွေ သိပ်ကိုမှားယွင်းခဲ့တာမဟုတ်ဘူးလား"
"မမှားဘူး ဟန်နီ။ရှင်သာ ချည်နှောင်ချင်သေးတယ်ဆိုရင် ကျွန်မရဲ့ခန္ဓာကိုယ်တစ်ခုလုံးကိုရော၊ကျွန်မရဲ့နှလုံးသားတစ်ခုလုံးကိုရော သံကြိုးတွေနဲ့ချည်နှောင်ခွင့်ပြုဖို့ အဆင်သင့်ဖြစ်နေခဲ့တာပါ"
"ကလေးရယ်.....ကိုယ်ဘာလို့ အဲ့လိုလုပ်ခဲ့မိမှန်းမသိပေမယ့် မင်းကိုပိုင်ဆိုင်ဖို့လုပ်ခဲ့တာဆိုတော့ ကိုယ်အတ္တကြီးကြီးနဲ့ တွေးပစ်လိုက်လို့ရတယ်မလား။ကိုယ်အမှားမလုပ်ခဲ့ဘူး။ကိုယ်သိပ်ချစ်တဲ့ကလေးကို သိမ်းပိုက်ခဲ့တာပါဆိုပြီး......ကိုယ်မှန်တယ်လို့တွေးပစ်လိုက်လို့ရတယ်မလား ကလေး"
"သိပ်ရတာပေါ့။ဘာမဆို ဟန်နီမှန်တယ်။ဟန်နီ့အတွက် ဒီကလေးဖြစ်တည်လာတာလေ။အခုရော.....ချည်နှောင်ချင်သေးလား.....အရာရာ ဟန်နီ့ရဲ့ဆန္ဒအတိုင်းပါပဲ ဟန်နီ"
"အင်း.....အခုလည်း ချည်နှောင်ချင်တာပေါ့။ဒါပေမယ့် သံကြိုးတွေနဲ့ရက်စက်ရိုင်းစိုင်းစွာချည်နှောင်ချင်တာတော့မဟုတ်ဘူး။ကိုယ့်ရဲ့အချစ်ကြိုးတွေနဲ့ ကလေးရဲ့နှလုံးသားကို ရစ်ပတ်ချည်နှောင်ချင်တာ"
ဟန်နီ့ရဲ့လက်ကလေးတစ်ဖက်ကိုလှမ်းယူလိုက်ရင်း ကျွန်မရဲ့ရင်ဘတ်ပေါ်တင်ပေးထားမိတယ်။
"ချည်နှောင်ပြီးနေပါပြီ ဟန်နီ။ကလေးရဲ့နှလုံးသားတစ်ခုလုံးမှာ ရှင့်ရဲ့ချစ်ခြင်းနဲ့ပြုလုပ်ထားတဲ့ကြိုးတွေ အထပ်ထပ်ရစ်ပတ်နေတာလေ။သေချာခံစားကြည့်ပါ"
أنت تقرأ
To My Girlfriend
العاطفيةဒီမှာရှိနေမယ့်စာမျက်နှာလေးတွေမှာကောင်မလေးတစ်ယောက်က သူရရှိပိုင်ဆိုင်ထားတဲ့ချိုမြိန်ခြင်းလေးနဲ့ပတ်သက်ပြီး နေ့ရက်တိုင်းမှာခံစားနေရတဲ့ခံစားချက်တစ်ချို့ကိုစာသားတွေအဖြစ်ချရေးထားမှာဖြစ်ပြီးသူမရဲ့ခံစားချက်တွေကို စာမျက်နှာပေါင်းများစွာရေးသားဖို့ပြင်ဆင်ထားတာပ...
Nightmare
ابدأ من البداية
