لزمة چفوفك گبل چانت ابالي حلم
هَسة أنتَ كِلك إلي وَ بچَفك انة أنلِزم .
بقلمي الكاتِبة جُــمانه 🌿♥.
ـــــــــــــــــــــــــــــــــــــــــــــــــــــــــــــــــــــــ
توترت وياه مااعرف ليش وجهة احمر صاير يفرك بلحيتة
يلتفت يشوف ابو يعض على شفته يضغط على ايدة حييل
بس بعدين يهدأ، رجع اخذ ابو وطلع، ورة شوي رجعو
عمي
دخل يباوع عليه بعدين رجع المكانه ومصطفى اجة گعد
بصفي، ڪل شويه وينافخ، كل ماالتفت اشوفة يباوع عليه
وبعيونه حچي هوااي، وهواي، حيرة....
-شبيك؟
-ماكو شي
-لعد ليش معصب هيچ؟؟
-حبيبتي ليضل بالج مشاكل بالشغل ف الهيج ضايج، انسي
-متأكد
-كلش
بدة الچوبي ودخلت فرقة الچوبي والمطرب، مصطفى
اشر للولد بعدين طلعو كلهم ورة هيج ربع ساعة دخلو وكلهم
لابسين دشاديش، اذا اكول ماانبهرت بجمالة اجذب، صدك
اخذ گلبي وسحله سحل، احس روحي تسرسحت من شفته
بالدشداشة ، يخبلل يجنن يمووت يكتل، خرب بيج رنيم
كافيي شبية اني، رجعت اباوع عليه مااكدر مااشوفه احب
الولد من يلبسون دشداشة خصوصاً بالچوبي، اذوب ولقرءان
اذوب، احس اذا يجي هسة يحجي وياية اتخربط يمكن
يغني المطرب وهوا يدندن وياه، ويباوع عليه متت من نظراته
يأشر على گلبه ويدندن واني ايدي على خدي وصافنه..
_اني لا روح ولا روح هاوي ولا اني هاوي، انـي لا روح ولا روح هاوي ولا اني هاوي، وشولعك ياگلـــبي بالأسمـر الحنطاوي .
_صدفة بدربكم مريت شفتچ يحلوه من شفت طولج غنيت يمه الحب يمةة.
_غاب الگمر وثريتـه وكلمن نام وي مريتـة كلمن نام وي مريتـة واني الي مگابل عمي بلكن ينطيني بنيتة بلكن ينطيني بنيتة.
يباوعلي ويعض شفتة من وصل لمقطع "وكلمن نام وي مريتة"
انداريت على اسيل غمزتلهة انو هاي الاغنية تمثلهم، ضحكت وضمت وجهة خجلانة..
شفت نفسي لا ارادياً اخذت الموبايل وگمت اصورة تصوير
واضح وبكل دقة، على كيفي حتى ليطلع التصوير سريع
انتبه عليه ضحكت وضميت وجهي بأيدي صافنه عليه
شلون يلعب چوبي طلع يعرف، ماشالله ، فاصله عن كلشي
صافنه عليه وعلى جمالة، يمكن هسة استوعبت انو اني
رجلي حلوو، چنت شگد معجبة بي بس مابينت، مادري
بالعالم وين ماوين، حسيت احد دغني بخصري، التفتت
شفتهة اسيل تضحك عليه گعدت بصفي وجان تگلي
-اشوفة اخذ گلبچ مصطفى!!
-يعني؟؟
-يعني تحبينه!
BINABASA MO ANG
جبرني على حُبه
Mystery / Thrillerتنثر حزنها بين ارصفة الطريق، تمشيّ وتسقط منهـا بقايَا روحهـا، تحاول التقاط ماسقـط، وعِند اول إنحناء انهـارَت، مُبعثـره مـا تبقى مـن بقاياها على الرصيف، يحترق قلبهاا، تحترق مـن الداخل تحاوول الابتعـاد، وتفشل، مـع الـذي يراهـا، عـار، "هل سوف تحاسب...
